Dzɛ̂ms 5:19 - To kə Kəzə̀ kə̀ Fughu ko

¹⁹ Waazə̂ ghaŋa gho, abugho ghùw ù mɔ̀ʼ am bvʉā zɛʼɛ̄ zə̀ghàa maʼà tsughu səŋò zò, làʼ nùghù ndùw an dziī è nùghù, ghùw ù li vʉ̀a ù bùghò nî tiso naŋa sə wo wə̄n ebàm an dziī è sə̀ŋo,

Dzɛ̂ms 5:19 Iomraidhean Croise

Matìo 18:15

“Abugho wàazùghù ghəə̄ŋ tughu ghû â bo zo, dòʼò tsughu ghɛ̀ à wə̄n a bə̀ghà, ghù dzɛ̀ nduw â wə̄n. Mò ù ŋ ghù zuw, ghù fi kôom kèle kɔʼ nu wàazə̀.

Lûk 22:32

Sǎemòn, mùghò ŋ kuuwn gɔ̀ŋlò an tuw kə̂a enyəa boo zəghà è lô dɔ̂ɔm tsughuu bvʉ̂a tsughuu. Abugho ghù teē wô ebàm an tsə̀n tə̀ghà, tughuso tsùghù sùghò waazughù ghò.”

Gàlashìan 6:1

Waazə̂ ghaŋa gho, abugho ghùw wɛʼɛ ù lòʼ ghəə̄ŋ boon tsughu ghəa è li zo, ghɛ̀ ghəla Zuʼ tə̀ dêe ghɛ â dzì, ghɛ̀ ŋ ki alenyoʼn kôom bɔɔ̄ tiso wô ghùw u te e bàm an dziī. À m bùghò ghɛ̀ ghəŋlo êzə̀, ghɛ̀ n nîi tsùghu èghòmlo enyəa e kwo ko ghùw wɛʼɛ lô kôom bvʉ̂a kômlo.

1 Timotì 6:10

Tɔŋlo enyəa sə à səa gho aŋ ghəa kua nîi wò ndə̀mà tə eboo. Ghî ghəla ghe ŋgee ləgha ghə a ukʉa gho ghə n zə̀ghàa màʼà fəgha kəla ghe boō fughu a te, ghe yia faān kaŋlo tǒ ghùw wəla u tsuʼn kaāŋ tsughu ghuw u wə̄n alo fənyə̄.

1 Timotì 6:21

Tɔŋlo enyəa ghì ghəla ghe moʼnlò enyəa ghe ki tɔ wən m bvʉ sə am fə̀ŋ zəla ghe mò gaʼ a zəŋò Yɛso Kə̀lestò, làʼ mìaa è nduw. To Zə̀ kə̀ mô dê ghɛ̀ a dzə̀m â dzɔ̀ e wə̄n zo.

2 Timotì 2:18

Ghən lò aghî mo ghe n tì zə̀ghà səŋò zò, dzàa wò enyəa ghî a mafə kpuuw kɔʼsə alo evʉ̄. Làʼsò kə shwaʼ kə ghee kə te kə fwəlà màʼn ghî à li ghəla ghe boō fughu sugho â Kə̀lestò.

Hibùlù 5:2

Tuw kə fɔ̀e kə lo kwo nû alemaʼn tsughu ghue wo ghèe ghê ghì ghəla ghe mgbə̂ŋ mughu, àsùghò ghəla ghe lo mo ghe n nyəŋ làʼ, tò aŋghəa ghuūghùe wə̄n u lo nu alebvʉ̀a kôom sughò aŋ ghəa a wə̄n à biigh gho.

Dzɛ̂ms 1:16

E kwo ko fəgha kə lô tsêe ghɛ a waazə̂ a fə̂ŋ ghaŋa gho.

Dzɛ̂ms 1:19

Waazə̂ ghaŋa gho, Ǹ ləghaa enyəa ghɛ̀ kele tsughu ghəa ghən gho, tò chìa è mbaa zuuw niī ghəa zo, tò ù è ka e chwaa kəaa ghəa gho, ù e ka è laŋā pfʉso sugho nʉghà wò.

Dzɛ̂ms 3:14

Abugho à kuūwn lô enyəa ghù ki kəmʉ̀nlo â ghì à loʼ gho. ghù vʉ̀a ghù mòʼò sugho enyəa ghù tsə̀ghàsə̀ aghî a dzə̀m, e kwo ko ghù lò so e tsɔ̂ɔ fə̀ŋ enyəa ghù kwo ghəa è li zo — mo abugho ghù ghəŋlo êzə̀, ghù fi nîi kɔ̀ʼɔ êsəŋò fə̀nsò nǎaŋ wò alo agha.

Dzɛ̂ms 5:20

ghuw wəla ù ghəə̄ŋ tsughu ghùw ù biigh wə̄n vʉ̀a ù tigh maʼà tsughu ghəa a wə̄n à biigh gho, ù kì alekele tsughu enyəa, ù fi bəghasə̄ ghùw ù biigh vʉ̀ aŋ ghùu vʉ zo. Vʉ̀a ù ghəŋlo enyəa ghe ghuūw maʼà ndə̀mà tə təbòo tə ghûw ù te.

2 Pità 3:17

Waazə̂ ghaŋa gho, ghəa e nyɔ̂ʼ lô enyəa ghɛ̀ ŋ kele zìi ghəa ghən gho, e ghomlo nlò, e kwo ko gha a ghì ghəla ghe bwîi dzə̀ yo alo kəlàŋ lò so e ghəŋlo enyəa ghɛ̀ bvʉ komlo.

Dzûd 1:11

Utsû â ghee! Nu ghe nî kɔ̀ʼ aghəa an dzə̀ tə Kɛ̂ɛn; bòʼ ghe ŋgee ləghaa alekele ghu kə ebàm kò aŋ ghəa a ukʉa, ghe yia a nɔʼɔ̄ kaāŋ tsəgha aŋ ghəa a ghee à ghəəŋ gho tò aŋghəa Balàam fə̀ nɔʼ a te. Ghe yia a tughuu sugho â tuw ko tò Kolàh fə tughuu sugho â tuw ko ghèe ghee, ghe dzùuw màʼn sùghò ghe tò aŋghəa ghe fə̀ dzûu maʼa Kolàh a te.