Dzɛ̂ms 5:16 - To kə Kəzə̀ kə̀ Fughu ko

¹⁶ Ghɛ̌ fi ki alezaā vûŋ wɛʼɛ wo aŋ ghùe zɛʼɛ̄, gɔ̀ɔŋ sùghò aŋ ghùe zɛʼɛ̄ to Zə̀ kə̀ baāŋ kɔʼ ghɛ. Nu gɔ̂ŋlò e ghûw ù tsəghatsəgha è ki kədaʼa, kɔɔ fwàʼà sùghò.

Dzɛ̂ms 5:16 Iomraidhean Croise

Matìo 21:22

Abugho ghɛ̀ bvʉ tsughu ko ghəa è ghɛ zo, mò ghɛ̀ gɔ̂ɔŋ tsughu nù, ghɛ̀ mò è kele, abugho ghɛ̀ boō fughu tən tsughu â Zə̀ kò.”

Matìo 3:6

Ghe m bughò zàa wò vùŋ u ghee enyəa ghe ŋ ghəəŋ bonlo, Dzɔ̌n m fughuu tsughu ghee â mùghù ŋ Kə̀zə̀ mo an dzughù è Dzodàn.

Mâk 1:5

Mbùʼ è Dzùdîa e dzə̀m, à ghì a Yɛ̀lusalɛ̀m ghò a dzə̀m n nyəŋ tsughu a vʉ̀a Dzɔ̌n enyə; ghe m bughò zàa wò vùŋ kə ghee enyəa ghe ŋ ghəəŋ bonlo a sə̀a Zə̀ kò, ghe yia a mʉŋe a te, ù m fughuu ghee â mùghù ŋ Kə̀zə̀ mò an dzughù è Dzodàn.

Lûk 9:6

Ghɛ̀ n daŋso nùghù è tsughu, nyəa ndùw nàʼà tə̀nàʼà, nàʼn ndùw Làbəlà è Kəzə̀, baaŋ ndùw sùghò àghì an lùʼù tən tə̀ dzə̀m.

Dzɔ̌n 9:31

A kwo nû enyəa Zə̀ kə̀ zuuw yò shwaʼ u ghì à biigh gho. Zə e kuūwn lô enyəa, abugho ghùw kɔʼso Zə̀ kò, ghə̂əŋ ghəa ghə̀là Zə̀ kə̀ ləghaa, Zə̀ kə n zə̂ən shwaʼ u ghûw ū te.

Kə̀fwàʼ 10:38

Ghɛ̀ kwo nû ghəa ghə̀là Zə̀ kə fə̀ tsuʼ tsughu Yɛso, ghùw ù Nazalɛ̀t wə̄n, fughu tsughu wən â Zuʼ tə̀ Zɔlɔ to àsùghò dwaʼa wo. Ghɛ̌ yia kwo sughò ghəa ù mò ŋgəaa ghəə̄ŋ kaāŋ ndûw dzɔ̂ zò, baāŋ ndùw ghì ghəla vʉatsə̄a a naŋā ŋgòʼ a zəŋò ghee, tɔŋlo enyəa Zə̀ kə̀ mò ti a bǎà wə̄n.

Kə̀fwàʼ 19:18

Ndə̀m è àghì aŋ ghì ghəla ghe mò boō fughu tsughu m bùghò zɛ̀ vùŋ u ghee dzàa fùghuu wò ghəa ghəla ghe mò lo mo ghe maā ghəŋlo.

Kə̀fwàʼ 8:24

Sǎemòn m bɛ̀lɛ̀ ndùw enyəa, “Gɔ̌ɔŋ fughu ndǔw nlò â mùghò â Mùghu ù te, to ghəa ghə̀là ghɛ̀ kə̂a tsughu lò kwuū mugho.”

Lumà 3:10

Ghe tɔm naŋa am Mwàʼsò kə Kəzə̀ enyəa, “Ghùw u li yo dzə̂ ù lo tsəghtsəgha, u mɔ̀ʼ kɔʼkɔʼ ŋgəmso yo dzə̂.

Lumà 5:19

À fə̀ lo bòʼ tughu e kətuw e ghùw u mɔ̀ʼ ndə̀mà tə aghì tə fə̀ ndûw bugho ghî à biigh gho, à lo sugho eghala bòʼ ghùw ù mɔ̀ʼ fə̀ zuw sugho lâŋ kò e fə̀ ghəŋlo ndə̀mà tə aghì tə lo bugho doʼn tsəghatsəgha.

Kòloshìan 1:9

Zə lo e ghee, alenìi nughù wô an tsuʼ fəla ghǎʼ mò zuw tsughu zwɔ̂ŋ wɛʼɛ wo a te, ghàʼ kaām bughu naŋa kòʼ alegɔ̀ŋlò an tuw wɛʼɛ enyəa Zə̀ kə̀ dêe wô ghɛ̀ â ghəa gho a dzə̀m kə ləghaa enyəa ghɛ̀ è ghəŋlo, kə fughuu sughò ghɛ̀ â tɔ wo, ghɛ è zuuwkɛlɛ sugho ghəa ghəla Zuʼ tə̀ Zɔlɔ tə fughu â ghɛ̀.

1 Tɛ̀sàlonìan 5:17

E gɔ̄ŋlō nlò nə̀ghā tən tə̀ dzə̀m.

1 Tɛ̀sàlonìan 5:23

To Zə̀ kəla kə fughu bughun zo mô tɔʼɔ̀ ghəə̄ŋ tsughu enyəa ghɛ̀ è zɔlɔ, wən à mughu ko: to ghue zɛʼɛ, zuʼ tɛʼɛ àsùghò gwən e ughùe zɛʼɛ zo mô kì yo dzʉ ù li wo alebùghò tâa wô an tsuʼ fəla Mughu ù te Yɛso Kə̀lestò kè bugho a te ebàm.

1 Tɛ̀sàlonìan 5:25

Waazə̂ ghaʼa gho, e gɔŋlo nlò am tuw waʼā.

Hibùlù 11:4

À fə lo aŋghəa Ɛbɛ̀l fə̀ boō fughu tsugh â Zə̀ kò e fə̀ ghəŋlo ù kɔ̀ʼ fùghù ndùw Kə̀zə̀ â fughu ko mo kə dzɔ̂ tsə̀ghàsə kə Kɛ̂n kò, Zə̀ kə̀ n nì ndùw Ɛbɛ̀l enyəa ù lò tsəghatsəgha, mò Zə̀ kə fə̀ de tsughu aŋghəa kə boo nduw fughu kə wən ko. Ghəa ù lo ko mò ù mafə kpuw, vʉ̀a ù kuuwn naam kə̂aa ghəa gho am bàm e boo e wə̄n.

Hibùlù 11:7

À fə̀ lo bòʼ Nôa fə̀ boō fughu tsughu â Zə̀ ko e fə̀ ghəŋlo ù n zùw ndùw shwaʼ u Kəzə̀, aŋghəa Zə̀ kə̀ kʉɛɛn tsughu wən kùu nduw ghəa ghəla ù fə̀ kaām koʼò yo, u m bəgha kɔʼ kəkwə̀n alebəghaasə kèndughu kə wə̄n. Aŋ ghəa zən, Nôa fə̌ fi de nduw enyəa ghî a mbī a lo ghî a biigh gho. Bòʼ Nûa fə̀ boō fughu â Zə̀ kò, Zə̀ kə̀ n nì ndùw wə̄n enyəa ù lo ghûw u tsəghatsəgha.

Hibùlù 12:13

ghɛ̀ è bwiī nduw an dziī zəla è lo tsəghatsəgha, enyəa ghî ghəla ghe bugho a bǎa ghɛ̀, aŋghəa ghe bûʼ lô ko bvuʼ wo, ghe ke e yo aleneē bvʉ̂, ghe e ke laam tughuu dzɔɔ̄.

Hibùlù 13:18

E gɔŋlo nlò an tuw waʼā, nu ghàʼ kwo enyəa fə̂ŋ taʼa tə zɔlɔ nù, ghǎʼ yia dəma enyəa to ghàʼ mô zumso ghəəŋ ndùw ghəa ghəla a lô tsəghatsəgha aŋ ghəa ghən à dzə̀m.

1 Pità 2:24

Ghuūghùe u Kə̀lestò ù mafə boʼò mbuŋ kə təbòo kə sɛ̀ kò alo kədàŋlo, enyəa tò sɛ̀ e lo tò ghî a kpuuwn gho abugho e bughò tɛ̌ tsughu aleghəŋlo ebo, sɛ̀ è mughu mughù e tsəghatsəgha zo. Fəŋ ghəla ù fə̀ kele mafə̄ baaŋ sɛ̀.

1 Dzɔ̌n 3:22

kele sùghò fəgha kəla sɛ̀ bvʉ̀a nduw â wə̄n, bòʼ sɛ̀ sô naāŋ lâŋ kə wə̄n ko, ghəəŋ sùghò ghəa ghəla a dzoō an sə kə wə̄n.