Dzɛ̂ms 5:15 - To kə Kəzə̀ kə̀ Fughu ko

¹⁵ Gɔ̂ɔŋ zəla ghe gɔ̂ɔŋ tsughuu am fə̂ŋ e mɔ̀ʼ â Zə̀ kò, e baaŋ nû ghùw ù dzàŋa — Mughu ù te n nì nùghù dzâŋ e te zo. Mo à lò enyəa ghùw ù te mò ghəəŋ boon ghəa è li zo, ghe ŋ ghuuw màʼà ghəa e biigh e te zo.

Dzɛ̂ms 5:15 Iomraidhean Croise

Matìo 17:20

Ù n dzɛ̀ â ghee enyəa, “À lǒ bòʼ ghɛ̀ kâ tɔ̀ʼ bǒo fughu â Zə̀ kò. Nu M̀ fɛ kùu dzàa wò nù â ghɛ̀, abugho ghɛ̀ mô bûʼ ki ko nyàaŋ fə eboo fo tò sam fə mustàd, ghɛ̀ mô lò nû aledzàa tsughu â kwàʼ wən wo enyəa, ‘Səəŋ dòʼò kəŋo ndùw fi ezə̂.’ To u mô səə̄ŋ doʼò kəŋo ndûw. To êzə̀, ghəa è li e mô yò aletsə̀ghàasə ghɛ.”

Dzɔ̌n 5:14

A m bùghò nəgha zə tsəghà tsughu, Yɛso ŋ kòom kòʼ tsughu ghùw vʉ̀ an Ndùghù è Kə̀zə̀ è nē an Yɛ̀lusalɛ̀m, dzɛ̀ â wə̄n enyəa, “Kòʼô, ghù n dzàŋ tughu! E kwo ko ghù lò kôom ghəə̄ŋ bo zo, fɛ̀ɛn kə eghəa kə̀ biigh kə lô kôom səā a zəŋò ghù.”

Dzɔ̌n 6:39

À lǒ to kə ghùw wəla ù tum wô mugho, enyəa e kwo ko ghùw u mɔ̀ʼ lò mîaan səā aŋ ghì ghə̀là ù lo mò Ù m fughu â mùghò, Ŋ̀ lo kôom zôo nughù wô ghee ebàm an tsuʼ fəla fə doʼò gûŋsò tsughu:

1 Kòlentìan 1:21

Tɔŋlo enyəa ghəa è fə lô enyəa ghî a mbī yo dzə̂ alekele Kə̀zə̀ an tɔ e ghee, Zə kə̀ n ləgha kɔʼ aletsəghàa tsughu an làʼsò zəla sɛ̀ zughòo kaŋlō enyəa kə bəghāsə̄ ghî ghəla ghe boō fughu tsughu â wə̄n.

2 Kòlentìan 4:14

Ghàʼ kwo enyəa Zə̀ kəla kə fə̀ nî nughù kɔʼ Mughùbè Yɛso alo evʉ̄ lo nìi nùghùun dzə̌əŋ kɔʼɔ ghàʼ à ghee, ù nìi wô sɛ̀ a dzə̀m an sə kə wə̄n.

Dzɛ̂ms 1:6

Mò ghùw nɔ̌ɔ kə̀fəgha, ù ka e foʼō nɔɔ dzə, ù ŋ kuuwn nɔ̀e ndùw am fə̂ŋ è wə̄n e dzə̀m, tɔŋlo enyəa ghùw wəla ù fòʼò nɔɔ̄ fəgha ko â Zə̀ kò lǒ ko tò kətùŋutùŋu kuɛ̀ɛ kə tùuŋ kaŋlo an dzùghùntsòʼ.

Dzɛ̂ms 5:13

Mò abugho ghùw ù lì lò am bvʉa zɛʼɛ̄ ù fanlo ŋkāa ù lo an tsù ù li wo, ù gɔ̀ŋlò è tsughu. Mò ghùw ù lì lò am bvʉa zɛʼɛ̄ ù tsoʼnlo, ù m fughu ŋkɔʼso â Zə̀ kò alo ezom.

Dzɛ̂ms 5:16

Ghɛ̌ fi ki alezaā vûŋ wɛʼɛ wo aŋ ghùe zɛʼɛ̄, gɔ̀ɔŋ sùghò aŋ ghùe zɛʼɛ̄ to Zə̀ kə̀ baāŋ kɔʼ ghɛ. Nu gɔ̂ŋlò e ghûw ù tsəghatsəgha è ki kədaʼa, kɔɔ fwàʼà sùghò.

Dzɛ̂ms 5:20

ghuw wəla ù ghəə̄ŋ tsughu ghùw ù biigh wə̄n vʉ̀a ù tigh maʼà tsughu ghəa a wə̄n à biigh gho, ù kì alekele tsughu enyəa, ù fi bəghasə̄ ghùw ù biigh vʉ̀ aŋ ghùu vʉ zo. Vʉ̀a ù ghəŋlo enyəa ghe ghuūw maʼà ndə̀mà tə təbòo tə ghûw ù te.