Dzɛ̂ms 5:14 - To kə Kəzə̀ kə̀ Fughu ko

¹⁴ Mò ghùw ù li lo nû am bvʉa zɛʼɛ̄ ù dzàŋa, ù n tum tɔŋɔ tsughu tsoʼ tə dzeŋe kə ghì a Kəzə̀, ghe m bughò gɔ̂ɔŋ tsughu an tuw kə wə̄n, mo ghe ŋ wə̄n tsoʼso tsùghù dzə̀ alo mvʉ̄ an zən e Mughu ù te.

Dzɛ̂ms 5:14 Iomraidhean Croise

Mâk 16:18

Ghe e ke kuum wo zughu to aŋ ghu, tə e ghəəŋ yo ghee â ghəa è li zo, mo ghe zə ko nō, zə̀ ŋ kè nomso ghee. Ghe e ke gaʼā nduw ghu gho a zəŋò ghì à dzaāŋ gho, ghe e dzaŋā tughuu wo.”

Mâk 6:13

Ghe n dzùm sə̀ ndə̀m è ùzʉ̀, ghe n zɔʼn sùghò ndəm è aghì à dzaŋā gho alo mvʉ̄, baaŋ tsughu ghee.

Kə̀fwàʼ 11:30

Ghe ŋ ghəŋlo è tsughu, tuu fughuu ndùw ko aŋ ghùu tsoʼ tə dzeŋe kə ghì a Kəzə̀ tò an Yɛ̀lusalɛ̀m, ghe n ndûw fùghuu ndùw â Bànabàs ghèe Sôol.

Kə̀fwàʼ 14:23

À m bùghò ghe ndûw kôʼ ndûw dzeŋe kə ghì ghəla ghe boō fughu â Kə̀lestò alo kəlùʼu, ghe n tsɔʼ kɔʼ tətsoʼ a fughu an dzeŋe kə te ko, ghe m bam tsughu edzughu è gɔnlo alefughūu zəghàa ndûw ghee â Mughubè ù te wəla ghe boō fughu â wə̄n.

Kə̀fwàʼ 15:4

A m bùghò ghe bughò nyə wo an Yɛ̀lusalɛ̀m, ghî a Kə̀lestò ghə̀ m kpènì ghee ghèe ghê tum to à tsoʼ to, ghe n dzɛ̀ tsùghù ghəa ghə̀n à dzə̀m Zə̀ kə̀ yôsò kɔʼ ghee enyəa ghe ghəə̄ŋ ndûw.

Kə̀fwàʼ 28:8

Zə m bùghò sə kɔʼ enyəa tselè Pubə̀lìus nyə̀ŋ a kə̀chʉ̀a â ghue wo, à nyʉ̂kəfətɔ̀e kò, Pôl n tsə̀ghà nyə̀ ndùw an dzughu e ndughu e wə̄n, nyə gaʼ tsughu aghu a zəŋò wə̄n, gɔ̀ŋlò è tsughu, baaŋ kɔʼ wə̄n.

Kə̀fwàʼ 9:40

Pità n dzùm sə̀ ndùw ghee a dzə̀m a beē, tsughu nyaʼa è tsughu, dì dzɛ̀ ndùw â Zə̀ kò. Ù m fə̀n ndùw ùghue aŋ gwən e te zo, dzɛ̀ tsùghù enyəa, “Tàbità, nùghu kɔʼɔ̀.” Tàbità n zə̀ghàa kɔ̀ʼ asə̄, ghəa ù kòʼ kɔʼ Pità, ù n nùghù dòʼò èkɔʼ.

Taetùs 1:5

Mùgho fə̀ ghû fɛ aŋ Kə̀lêt naŋa taʼā tsughu enyəa ghù nəghaso mɛʼɛ̄ kaaŋ wo ghəa ghəla a fə̀ doʼò səā, àsùghò enyəa ghù tsuʼ kaaŋ nduw tsoʼ to an ndughù è kə̀zə̀ an nàʼà ŋ Kə̀lêk mə̀n n dzə̀m, aŋ ghəa mùghò fə̀ dzɛ̂ â ghù.