Dzɛ̂ms 5:13 - To kə Kəzə̀ kə̀ Fughu ko

¹³ Mò abugho ghùw ù lì lò am bvʉa zɛʼɛ̄ ù fanlo ŋkāa ù lo an tsù ù li wo, ù gɔ̀ŋlò è tsughu. Mò ghùw ù lì lò am bvʉa zɛʼɛ̄ ù tsoʼnlo, ù m fughu ŋkɔʼso â Zə̀ kò alo ezom.

Dzɛ̂ms 5:13 Iomraidhean Croise

Matìo 26:30

Ghe n daŋso zom tsughu aghəa, nùghù sə̀ kɔ̀ʼ ndùw aŋ kwàʼ u tə̀ Olèf.

Lûk 22:44

Ù n tughuso kè tə̀ gɔɔ̄ŋ to à sə̀ mò alo kətuw, zuʼso ŋ wə̄n mə̀ n tsomlo enyə a ghueetsə̄ tò tuʼ u təkàŋ.]

Lûk 23:42

Ù n dzɛ̀ â Yɛso enyəa, “Yɛso ghù ke moʼn mugho abugho ghù kè lô am Fɔ̀e wʉ̀a.”

1 Kòlentìan 14:15

Ǹ lo aleghəŋlo êndughō? Ǹ lo e gɔɔ̄ŋ tsughu am fə̂ŋ zaŋa, gɔ̀ɔŋ tsùghù sùghò aŋghəa Ǹ zuūwkɛlɛ tsughu a te. Ǹ lo e zoo tsughu ghəa gho am fə̂ŋ zaŋa, zoo tsughu sùghò ghəa ghəla Ǹ zuūwkɛlɛ̄ tsughuu.

1 Kòlentìan 14:26

Waazə̂ ghaŋa gho, sɛ̀ lo aledzɛ̀ êndughō a? Abugho ghɛ̀ bughò dzeŋe tsughu, ghùw u mɔ̀ʼ n tsʉ̀ kɔ̀ʼ ezom, ù lì n zoʼn wò àghì, ù n dzɛ̀ fughu wò ghəa ghəla Zə̀ kə̀ lo mo kə n dzɛ̀ â wə̄n, ghùw ù lì ŋ kə̀a wò àghəa an shwaʼ wəla ghî à zuūwkɛlɛ yo, ghùw ù lì wə̄n n teso dzàa wò ghəa a te gho. Ghəa yì à dzəm kì alelō ko aleghəŋlo enyəa dzeŋe kə ghì a Kə̀zə̀ kə̀ è nomlo.

Efɛsùs 5:19

Mò ghɛ̀ bugho təmdzəə̄ŋ kɔʼ nû, ghɛ̀ n dzeŋe zôo àghəa àsùghò ndzàŋ təlà Dɛvìd fə̀ bughòo naŋā, buʼu ùfʉgha, zɔŋɔ̀ sùghò kə̀zɔ̀ŋ aŋghəa ghɛ̀ fughuu kɔʼso mò â Mughu ù te am fə̀ŋ tɛʼɛ tə dzə̀m.

Hibùlù 5:7

Ghəa Yɛso mò mughù fɛ am mbī, ù ŋ gɔ̂ɔŋ Kə̀zə̀, dìi an tùʼ è diī zo, buʼnlo m̀bɔ̀ŋ, sə̀ mə̀ n tsughuu, ù dìi dzâa nduw â ghùw wəla ù fə̀ lò alebəghaasə wən alo evʉ̄. Bòʼ ù màʼà fə̀ ŋge gaʼ fə̀ŋ a zəŋò Zə̀ kò, Zə̀ kə̀ n zuw dî e wə̄n.

Dzɛ̂ms 5:10

Waazə̂ ghò, kòʼo tsughu ko ghiīshʉ̀ghà a Kəzə̀ ghəla ghe fə̀ kə̂aa ghəa gho am bàm e Mughu ù te à. Yi lo ghî ghəla ghe fə kɔlɔ̄ tsughu fə̂ŋ tò an ŋgoʼ zəla ghe fə̀ zuūw.

Edêe Fughu 14:3

Ghe n zoo tsughûu zom è fughu zo an sə kə ndàŋ è kə̀də̀ŋ te, asugho an sə fʉgha wən u chùakò u lo â tuw ko àsùghò an sə kə tsōʼ tì. Ghùw n yo alezoʼn zom zə̀ mò à gɔ̀ʼɔ̀ ko yo kam zə̀ àghì zən fəbɔm à ghì ghò ŋ ghə̀m n chìakò à ghì ghò a chìakò ghe fə̀ bəghasə̄ tsughu am mbī.

Edêe Fughu 7:10

Ghe n dzâa sə̌a kɔʼɔ an dzə̀ tə̀ tughu to enyəa, “À lǒ Zə̀ kə sɛ̀ kəla kə doʼ an ndàŋ è kə̀də̀ŋ ghèe Tsʉa u Ndzì u te wo ghe bəghaasəa sɛ̀!”