Dzɛ̂ms 5:10 - To kə Kəzə̀ kə̀ Fughu ko

¹⁰ Waazə̂ ghò, kòʼo tsughu ko ghiīshʉ̀ghà a Kəzə̀ ghəla ghe fə̀ kə̂aa ghəa gho am bàm e Mughu ù te à. Yi lo ghî ghəla ghe fə kɔlɔ̄ tsughu fə̂ŋ tò an ŋgoʼ zəla ghe fə̀ zuūw.

Dzɛ̂ms 5:10 Iomraidhean Croise

Lûk 13:34

Wo Yɛ̀lusalɛ̀m, wo Yɛ̀lusalɛ̀m, ghɛ̀ ghəla ghɛ̀ wiīn ghîishʉ̀gha, tə̄əm sùghò ghì ghəla Zə̀ kə̀ tum wô â ghɛ̀ alo atia! À è zəŋ lo tənəghā tə sòʼ Ŋ̀ ghâa kêe alezùuŋ naŋā tsughu ghɛ to zə̂ ù mbvʉ lô kəŋò naāŋ tsughuu wɛ a wə̄n gho alo təghwò a, ghɛ̀ yia ləghaa yo à?

Lûk 6:23

Abugho ghe ghəŋlo êzə̀, ghɛ̀ è tsoʼnlo, buu èfwəŋ aŋ ghue è ghaa zo, bòʼ namso kɛʼɛ kə̀ ne kə lo nû alo kəwālā. Nu ghê tsele a ghê tsele fə̀ ghəəŋ sugho êzə̀ â ghiīshʉ̀ghà a Kəzə̀ ghò.

Kə̀fwàʼ 3:21

Yɛso wən lo ki alekɔʼɔ̄ doʼò alo kəwālā, nəgha e Kəzə̀ è kê telè kpeē tsughu â wən alelūesō tsughu lâŋ kə kətō kə wə̄n kəla ù fə̀ ki tum naʼà wô to â ghǐishʉ̀ghà a wə̄n gho â wǐiwì.

Kə̀fwàʼ 7:52

À fə̀ lo ghùwshʉ̀ghà ù ghɛ̌ wò aŋ ghǐishʉ̀ghà ghê tsùghò fə̀ doʼŋkè fəmso à? Ghe ŋ wiin sùghò ghì ghəla ghe fə̀ naʼn wô bughò e Ghûw ù tsəghatsəgha zo, wəlà ghɛ̀ fêe fughu tsughu êzə̄ŋ, wì màʼà è tsughu:

Hibùlù 13:7

E moʼn tsughuu nlò tsoʼ tɛʼɛ to, tɔ̂ɔŋ ghì ghəla ghe mò kə̂a wô shwaʼ u Kəzə̀ wò â ghɛ̀. Ghɛ̀ e moʼn tsughuu ghəa a dzûŋ ghəla mughu e ghee e fə̀ deē, ghɛ̀ koʼ ni boo zəla ghe fə̀ ki â Zə̀ kò.

Dzɛ̂ms 4:11

Waazə̂ ghaŋa gho, kà nlò dzə̀ è bǐigh kele a zəŋò ghì à li gho. Chìa wəla ù kə̀a nduw dzə̀ è bǐigh â wàazə̀ ŋkāa ù saʼ nduw wàazə̀, ù fi kə̂aa dzə̀ è bǐigh â làŋ kò, saʼa sùghò làŋ kə te ko. Abugho ghù fwə̀là saʼā lâŋ kò, ghù fi bwîi dzə yò an làŋ kə te ko, ghù lò ko sàʼà ù təsāʼ.

Dzɛ̂ms 5:13

Mò abugho ghùw ù lì lò am bvʉa zɛʼɛ̄ ù fanlo ŋkāa ù lo an tsù ù li wo, ù gɔ̀ŋlò è tsughu. Mò ghùw ù lì lò am bvʉa zɛʼɛ̄ ù tsoʼnlo, ù m fughu ŋkɔʼso â Zə̀ kò alo ezom.

Dzɛ̂ms 5:7

Waazə̂ ghaŋa gho, ghɛ kɔlɔ tsughu ko nlò fə̂ŋ tò êzə̀, to Mughu ù te kê telè bughò. Kòʼo sùghò aŋghəa ghî a usum a taā tsughu fʉgha u ghee wo a te, ghe ŋ kɔlɔ tsughuu təfə̂ŋ, dòʼò ko enyəə, ghuuw zə m bùghò tsùghù kwə̀n è wo, bùghò tsə̀ghà kɔ̀ʼ è sugho, fʉgha u ghee u te wə n dzə̀əm m bɔ̀ŋ tùghù dzɔ̀ tsùghù an usum.

Dzɛ̂ms 5:9

Waazə̂ ghaŋa gho, kà nlò ghue zɛʼɛ zə e tsəŋo saʼa, ghe lô saʼā ghɛ. Nu sàʼàtə̀saʼ m bùghò, vʉ̀a a fǔundughu.