Dzɛ̂ms 4:8 - To kə Kəzə̀ kə̀ Fughu ko

⁸ Kuʼn kəŋo ndùw nlǒ a zəŋò Zə̀ kò, Zə̀ kə̀ lo kuʼ kəŋo wô sughò a zəŋò ghɛ̀. Səso nùghu nlò ghu kɛʼɛ ko aŋ ghə̀a à biigh gho, ghî à biigh ghən. Ghɛ̀ suw maʼa sugho nlò fə̂ŋ tɛʼɛ to a ghî a kə̀bàŋàdzə̀m ghən.

Dzɛ̂ms 4:8 Iomraidhean Croise

Matìo 12:33

“Abugho kâʼ fə̀ noōm dzɔɔ̄, fə m mʉ̂a tam kə̀ dzûŋ kò; mo fə noom dzɔ̀ɔ yo, fə m mʉ̂a tam kə̀ biigh ko; nu a kâʼ fə̀ telè kèle ko am tam kə wə̄n.

Matìo 15:2

“À lò kwò tsə̀təndə̄ghā tə̀ghà tə̀ zaʼa kaāŋ lwâŋ wəla ghê bə̀ghàbə̀ghà fə̀ naŋa lo a? Nu, abugho ghe so e zə, ghe ŋ kè suw aghu aŋghəa bughōo kə enaʼ kə deē.”

Matìo 27:24

A m bùghò Paelɛ̀t kòʼ tsughu enyəa à sə̌a kɔʼɔ ko kə̀gbə̀n, enyəa à kòom fwə̀là kɔ̀ʼɔ wò ùtsù nû, ù n nì kɔ̀ʼ mmughu, sùw sə kɔʼ aghu a te an sə kə aghì yì, dzàa tsùghuu enyəa, “Ghu kaŋa kə yo am vʉ e ghûw wə̄n, vʉ lo tsû wɛʼɛ.”

Kə̀fwàʼ 15:9

Ù n sùw màʼà sùghò bòo tə ghee bòʼ ghe gaʼ tsughu fə̀ŋ aŋ Kə̀lestò. Ù bàa yò kpiī wo sɛ̀ à ghê Tòʼò zò.

2 Kòlentìan 7:1

Waʼāwaʼ, ghəa sɛ̀ ki dzə̂ to kəla Zə̀ kə̀ to naŋā â sɛ̀, bùghò nlò tò sɛ̀ nîi nughù ghu kə sɛ̀ aŋ ghəa ghə̀là à dzə̀m a lô aledzəsô ghue e sɛ̀ àsùghò fə̀ŋ tə sɛ̀ tò, a ghəə̄ŋ tsughu enyəa sɛ̀ mughùu tsughu mughùu è zɔlɔ zəla e kɔʼkpē mo a tsəŋo ndùw Kə̀zə̀.

1 Timotì 2:8

Ǹ ləghaa enyəa yînû ghə̀ e gɔŋlo abugho ghî à bughò zùuŋ dòʼò tsughu an dzeŋe kə ghì a Kəzə̀, aghî mo ghe m fughu ghue e ghee zo â Zə̀ kò, mo ghe lo nû alekele kɔʼ ghu a ghee edzuŋ abugho ghe gɔ̂ŋlo mò nə̀ghà m pfʉa yo ghee ŋkāa mo ghe baaŋ yo fom to a te.

Hibùlù 10:22

E lo enyəa sɛ̀ ki alendùw a vʉ̀a Zə̀ kò am fə̂ŋ è zɔ̀lɔ mo aŋ kùm bǒo fughu â wə̄n, am fəŋ təla a lo mo a n sùw zɔnso àsùghò alo eghùe mo a n sùw am mùghù n zɔ̀lɔ mò.

Hibùlù 7:19

Laŋ kə te kə fə̀ ghəəŋ dzə yo enyəa ghəa zə e dzɔɔ̄, aŋghəa e mô ki alelo a te. Ghe n dzì è dzùŋ zəla a lo alechìi tùʼ a te dê â sɛ̀, mo a lo aletsəgha a te alendùw a vʉ̀a Zə̀ kò.

Dzɛ̂ms 1:8

tɔŋlo enyəa ù lǒ ghùw wəla ù ki ndzùghùun kə emòʼn kò, màʼn tsùghuu yo ghue wo aŋ ghəa a wə̄n à ghəəŋ gho.

Dzɛ̂ms 3:17

Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

1 Pità 3:21

Fʉ̀ghàdzughù tən fɛ dêe mùghù ŋ Kə̀zə̀ məla ghe fughu â ghɛ̀, mìa m bəghaasəa ghɛ, mò à yò dzə̂ tǒ ghùw lò sûuw maʼn tsughu ghue wo a te; a kǔuwn lǒ dzì â ghɛ̀ aleto kətō am fə̀ŋ tə̀ zɔlɔ to â vʉ̀a Zə̀ kò. À ghɛ̀ êzə̄ŋ e bəghaasəa kpuūw kɔʼɔsə e Yɛso Kə̀lestò alo evʉ.

1 Dzɔ̌n 3:3

À fi lo enyəa ghùw wəla ù chǐi tùʼ a zəŋò Yɛso, ù fi sūw zɔ̀nso tsughu ghue u wə̄n, tò aŋghəa Kə̀lestò zɔlɔ̄ a te tsɛʼɛ̀tsɛʼɛ̀.