Dzɛ̂ms 4:5 - To kə Kəzə̀ kə̀ Fughu ko

⁵ Ghɛ̀ moʼò èndughō an shwaʼ wəla ghe tɔm naŋa am Mwàʼsò kə Kəzə̀ enyəa, “Zə̀ kə̀ kûm ləghaa nù Zuʼ tə̀là Ù lǒ mò Ù m fughu â sɛ̀ à.” À lǒ mò shwaʼ wən lo agha a?

Dzɛ̂ms 4:5 Iomraidhean Croise

Dzɔ̌n 10:35

Abugho Kə lo aletɔŋɔ̄ ghì ghəla kə fə̀ fughu wô shwaʼ u wə̄n wo â ghee enyəa à lò uzʉ̀ (a yo alesàʼà kuūwn kôʼ shwaʼ u Kəzə̀),

Dzɔ̌n 19:37

Mo shwaʼ u Kəzə̀ ù li u dzɛ̂ kpèʼe sùghò enyəa, “Ghe kê lɛɛ̄n kɔʼɔ ndûw ghùw wəla ghe sughùu nyə ndûw ti e ebùghu e wə̄n zo.”

Dzɔ̌n 7:42

À lǒ mo mwàʼsò kə Kəzə̀ kə̀ ka fə dzɛ̀ enyəa Kə̀lestò ù te kê sə̌a wò an tiigh kə Dɛvìd à, mò ù nùghù wò am Bɛtə̀lɛ̀hɛ̂m, naʼà fəla Dɛvìd fə̀ sə a te a?”

Kə̀fwàʼ 7:9

Tuw u təndùm u sɛ̀ u te wə m mʉʉn tsughu Dzùghùsî, nì fèe tsùghù ndùw wən alo Edzìpt, Zə̀ kə̀ ŋ kuuwn ti an tuw kə wə̄n.

Lumà 1:29

Ghe n lo mo ghəa à biigh ghə ŋ ghee alo tə fə̂ŋ lue dòʼò: ghəa a te a lo ebo, sə̀ à səa gho. Ghe ki kəmʉ̀nlo, à kʉ̀mè zo, winlo àghì, bàa eghue, tsèe kàŋlo àghì, ki kəghòʼ, màʼn sùghò tə̀fom.

Lumà 9:17

Nu ghe tɔm naŋa am Mwàʼsò kə Kəzə̀ enyəa, “Zə̀ kə fə̀ dzɛ̂ ndùw â də̀ŋ kə Edzìpt kò enyəa, ‘Soo kə eghəa kəla mùghò fə̀ tsuʼ naŋa kɔʼ ghû a te an ndàŋ è kədə̀ŋ fə̀ lo enyəa, Ŋ̀ kê nî ghù Ǹ dê dwaʼa waŋā a te, enyəa zwɔ̂ŋ waŋa u kê kûu ŋgəaa wô mbī e dzə̀m.’ ”

1 Kòlentìan 6:19

À lǒ mo ghɛ̀ məghaa nù enyəa gwən e ughùe zɛʼɛ̄ e lo tsughu e Zuʼ tə̀ Zɔlɔ təla tə mùghù a zəŋò ghɛ̀, mò à fə fughu Kəzə â ghɛ̌ a? À ghue zɛʼɛ e ki dzə yo ghɛ, à ghɛ̀ ki Kəzə.

2 Kòlentìan 6:16

Zʉ̀kɔ̂ŋ u ndûw nyə kə̀ŋ kə kwò an Ndùghù è Kə̀zə̀ è ne a? Nu sɛ̀ lo ndughu è Zə̀ kə̀la kə lô â tuw ko; aŋghəa ghuūghùe u Kəzə̀ kə fə̀ dzɛ̂ tsughu enyəa, “Mùghù kaŋa kə kê lò tsəgha ghàʼ à ghê ghì ghaŋa gho, mùghò e ke mughu am bvʉa e ghee, bwìi dzə̌əŋ ghàʼ à ghee. Mùghò e ke lo Zə̀ kə ghee ko, ghe e ke lo ghî ghaŋa gho.”

Gàlashìan 3:8

Ghe fə̀ tɔm naŋa am Mwàʼsò kə Kəzə̀ enyəa Zə̀ kə̀ lô Tòʼò è naaŋ tsəghatsəgha am fə̂ŋ è ghee zəla ghe gaʼ tsughu a zəŋò wə̄n, Kə̀zə̀. Zən lò e ghee Zə̀ kə fə̀ dzɛ̂ naŋā zîi wo Làbəlà è Dzùŋ â Abə̀làhâm enyəa, “Naʼà tə̀n tə̀ dzə̀m fɛ a mbī kê bughuso e kele am bàm zəghà.”

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.