Dzɛ̂ms 4:11 - To kə Kəzə̀ kə̀ Fughu ko

¹¹ Waazə̂ ghaŋa gho, kà nlò dzə̀ è bǐigh kele a zəŋò ghì à li gho. Chìa wəla ù kə̀a nduw dzə̀ è bǐigh â wàazə̀ ŋkāa ù saʼ nduw wàazə̀, ù fi kə̂aa dzə̀ è bǐigh â làŋ kò, saʼa sùghò làŋ kə te ko. Abugho ghù fwə̀là saʼā lâŋ kò, ghù fi bwîi dzə yò an làŋ kə te ko, ghù lò ko sàʼà ù təsāʼ.

Dzɛ̂ms 4:11 Iomraidhean Croise

Lûk 6:37

Ghɛ̀ ka e saʼa ghî ghò, Zə̀ kə̀ lô saʼā sughò ghɛ; kà nî sùghò enyəa ghùw ghə̌əŋ boon nù, Zə̀ kə̀ lô nîi sughò enyəa ghɛ̀ ŋ ghəəŋ bonlo. Ghuūw maʼa nlò bôo tə aghì tò, Zə̀ kə̀ lo Ghuūw maʼà sughò bòo tɛʼɛ.

Lumà 2:1

À fi lo enyəa dzì è lì yo dzə̂ â ghù aletiī sə a te abugho ghù saʼa nduw ghùw aŋ ghəa a biigh ghəla ù ghəŋlo, dèe ezə̀ mo ghuūghùe wʉa ù ghəəŋ sùghò ghəa e mɔʼɔ̄ zo. Ghù fi tsɔ̂ɔ sùghò nyʉ zə̀ghà an ŋgɔ̀ʼ aŋghəa ghù ghəə̄ŋ sughò ghəa à mɔʼɔ̄ a te gho.

Lumà 2:13

Tɔŋlo enyəa a yo dzə̂ ghî ghəla ghe zhəən ko lâŋ kò ghe lô tsəghatsəgha an sə kə Kəzə̀, à lǎam lò ghî ghəla ghe naaŋ lâŋ kò ghe lô tsəghatsəgha an sə kə Kəzə̀.

Lumà 7:7

A yia fɛ èzəŋ kə̂aa èndughō? À sò lo enyəa lâŋ kə̀ lo ebō ŋkāa? Ɛ̂ŋgaŋ, à dɔ̀m yò dzə̂ èzə̀. Zəa e kuuwn lô enyəa abugho à mò buw â làŋ kò mùgho mò sô ŋ kele yò fəgha kəla bo e lo ghè kò. Mùgho mò so Ŋ̀ kele dzə̂ yò enyəa sə à səa à lo ebo, abugho lâŋ kə̌ fə̀ taʼ kə̀ dzâa tsughu enyəa, “Kà â sə gho e səa am fʉgha u aghì.”

1 Kòlentìan 4:5

A fi lo enyəa ghù ki dzə yo alesāʼ ghùw u li mo nəgha è te e kaām kpe. Saʼ è gbǒo tee zə aghəa ki alebɔɔm ləmā to Mughu ù te kê bughò; ù ke bugho nìi nǎŋ wo tsɔŋ tə aghəa tə kələm to an ndɛ, ù dèe fughuu kɔʼ môʼn zəla ghùw ki alekele aŋ ghuu Zə kò. A kê bugho an nə̀gha e te zo, Zə̀ kə̀ lo e fughu nduw ko chìa â kɛɛ wəla u kpe â wə̄n.

2 Kòlentìan 12:20

M̀ fɛ tsəŋo enyəa abugho Ǹ lo bugho fì, Ǹ lô bughò koʼò ghɛ mò ghɛ̀ yo dzə̂ fəgha kə̀là M̀ moʼò enyəa ghɛ̀ lo ghè kò, ghɛ̀ koʼ kɔʼ sugho mugho mò Ǹ yo dzə̂ fəgha kə̀là ghɛ̀ mô ləghaa enyəa mùghò è lo ghè kò. Ǹ tsəŋo enyəa Ǹ lô bughò koʼò wo mò ghɛ̌ yia zughūu, mʉnlo èghue, pfʉso nnə̀ghà alo eghùe, kùmè alo eghùe, màʼn kǎaŋ tə̀nùʼ alo èghue, màʼn kǎaŋ tə̀fom alo eghùe, kɔʼso èghue, sòʼò kǎaŋ sùghò ùtsù.

Efɛsùs 4:31

Ghɛ̀ maʼa nlò nə̀ghà m pfʉa mò, etɔnlo àsùghò nə̀ghà fə̀ tɔɔ fò. Ghɛ̀ bughu naŋa sugho alenyuʼn dəma zee ŋkāa alemaʼn kaaŋ nùʼ tò aŋ ghùe zɛʼɛ̄ àsùghò ŋgòʼ tə aghəa tə biigh to tə dzə̀m.

1 Timotì 3:11

Yi a ghee a ki alelo yîzən a dzûŋ gho, mo ghe maʼn kǎaŋ yo fom to, ghe ki bughunlo u tədzə̀ wò, zumso lo sugho.

2 Timotì 3:3

Ghe e ke ki yo ləgha zo a zɔŋò ghùw ù lòʼ, ghuuw màʼn sùghò yo bo e ghûw zò, ghe ke maʼn kaaŋ nùʼ tò, ghe e ke mughu fùw kə emùghù kò, ghe ke e ləghaa yò alekòʼ ghəa è dzûŋ è li zo.

Taetùs 2:3

À lò sugho eghəla ghù ki alezoʼn nduw sugho noo tə ayìzən to enyəa ghe mughùu tsughu mughùu zəla e fughuu nduw kɔʼso mò â Zə̀ kò aŋ ghəa a ghee a dzə̀m ghəla ghe ghəŋlo, ghe ka e maʼn dzə fom to, ghe ka fə̀ŋ ŋge gàʼ sùghò aleŋgee mʉa lʉ̀ mò. Ghe ki aletele fughuu ko tsʉ̂ è dzûŋ zò,

Dzɛ̂ms 1:16

E kwo ko fəgha kə lô tsêe ghɛ a waazə̂ a fə̂ŋ ghaŋa gho.

Dzɛ̂ms 1:19

Waazə̂ ghaŋa gho, Ǹ ləghaa enyəa ghɛ̀ kele tsughu ghəa ghən gho, tò chìa è mbaa zuuw niī ghəa zo, tò ù è ka e chwaa kəaa ghəa gho, ù e ka è laŋā pfʉso sugho nʉghà wò.

Dzɛ̂ms 1:25

Abugho ghùw kuuūwn tɔ̂ʼ naŋa tsughu tuw ko an làŋ kə̀ səŋò kò, lâŋ kəla kə bəghaasəa ghî ghò, Zə̀ kə̀ lo bughuso nǔ ghùw ù te, abugho ghùw ù te fwàʼà səā ndûw ghəa a te gho mò ù zə̌ən ko yo (ghəa ghəla lâŋ kə te deē) an tùʼ è zəən zo, nìi zə̀a ndùw.

Dzɛ̂ms 2:8

Abugho ghɛ̀ kûu naaŋ lâŋ kə fɔ̀e u Kəzə̀ wò, aŋghəa mwàʼsò kə Kə̀zə̀ kə̀ dêe tsughu enyəa, “Ghù ki aleləghāa wàazùghù aŋ ghəa ghəla ghù ləghaa ghue wʉ̀a wò a te.”

Dzɛ̂ms 5:10

Waazə̂ ghò, kòʼo tsughu ko ghiīshʉ̀ghà a Kəzə̀ ghəla ghe fə̀ kə̂aa ghəa gho am bàm e Mughu ù te à. Yi lo ghî ghəla ghe fə kɔlɔ̄ tsughu fə̂ŋ tò an ŋgoʼ zəla ghe fə̀ zuūw.

Dzɛ̂ms 5:7

Waazə̂ ghaŋa gho, ghɛ kɔlɔ tsughu ko nlò fə̂ŋ tò êzə̀, to Mughu ù te kê telè bughò. Kòʼo sùghò aŋghəa ghî a usum a taā tsughu fʉgha u ghee wo a te, ghe ŋ kɔlɔ tsughuu təfə̂ŋ, dòʼò ko enyəə, ghuuw zə m bùghò tsùghù kwə̀n è wo, bùghò tsə̀ghà kɔ̀ʼ è sugho, fʉgha u ghee u te wə n dzə̀əm m bɔ̀ŋ tùghù dzɔ̀ tsùghù an usum.

Dzɛ̂ms 5:9

Waazə̂ ghaŋa gho, kà nlò ghue zɛʼɛ zə e tsəŋo saʼa, ghe lô saʼā ghɛ. Nu sàʼàtə̀saʼ m bùghò, vʉ̀a a fǔundughu.

1 Pità 2:1

Ghəa e lô enyəa Zə̀ kə m fughu ghɛ â mùghù è fughu zo, e fi lo enyəa, ghɛ̀ kuwnlo nlò fə̀ŋ tɛʼɛ tə̀ biigh to, ghɛ̀ maʼa ghəa a kə̀bàŋàdzə̀m ghò, gha à kaʼn gho, kə̀mʉ̀nlo, ghɛ̀ maʼa sugho nùʼ tò.