Bìoball air-loidhne

Dzɛ̂ms 4:1 - To kə Kəzə̀ kə̀ Fughu ko

¹ À ghə̌əŋ tsə̀ghà kə̀ kwò enyəa ghɛ̀ è təma tsàm aŋ ghùe zɛʼɛ̄ à, zùghù sùghò a? À lò ləgha zəla ghɛ̀ ki am fʉgha u mbī u ghəŋlo enyəa ghɛ̀ e tema tsàm aŋ ghue zɛʼɛ.

Faic an caibideil Dèan lethbhreac

dol air ais ⬆

Dzɛ̂ms 4:1
24 Iomraidhean Croise

Matìo 15:19

Nu à am fə̂ŋ è ghùw bɔɔm səa kɔʼɔ wò ko mòʼnlò e biigh zo, àsùghò ghəa à biigh à li gho tǒ alewinlo àghì, alesəa nuŋlo, aleghəəŋ kaaŋ dzə̀adzə̀ tə aghəa tə̀ li to, aletsɔŋɔ, alemaʼn kaaŋ nùʼ tò àsùghò fom to.

Faic an caibideil

Dzɔ̌n 8:44

Ghɛ̀ lo ko tǒ tsele wɛʼɛ, tɔɔŋ Satàn, moʼn zɛʼɛ zə e bɔ̄ɔm lǒ ko alefwàʼ fəgha kə̀là tsele wɛʼɛ ləghaa ghè kò. Alenìi nughù wô, ù fə̀ wii tsəgha aghî, tuu màʼnlò èsə̀ŋò, bòʼ səŋò è li e yo zəŋò wə̄n. Abugho ù kaʼ gha zo, ù fi kə̂aa ghəa ghəla a kpe am mùghù e wə̄n, bòʼ àgha a dzəa wə̄n, vʉ̀a ù lǒ ghùw wə̀ àghā.

Faic an caibideil

Lumà 7:23

Yìa à sò kuūwn lô ko enyəa lâŋ kə̀ nughù kə̀ lo nû kə zughù kaāŋ tsəgha a zəŋò mùghò ghèe kəla Ŋ̀ gaʼ fə̀ŋ zaŋa a te, mo lâŋ kə te kə ghəəŋ nù yìa Ǹ doʼn ndûw kɔ̂ kô â bo zo.

Faic an caibideil

Lumà 7:5

Tɔŋlo enyəa nəgha zəla sɛ̀ mò naam mughu mughù e mbī zo, a ŋ ki mmbuuw aleghəəŋ ghəa a biigh gho, mò à soʼn kɔʼɔ kəlâŋ enyəa a e fəghaan ghəəŋ ghəa à biigh a te gho. Sɛ̀ m fwaʼà fughuu ndùw â vʉ zo.

Faic an caibideil

Lumà 8:7

Ghùw wəla ù nì kɔʼ fə̀ŋ è wə̄n naŋa tsughu am fʉgha wəla gwən e ughùe e wə̄n e ləghaa, ghùw ù te baam nǔ ghèe Zə̀ kò. Ghùw u te zuuw yo lâŋ kə Kəzə̀ kò, mò ù tsò buʼ yò alenaŋa làŋ kə te ko.

Faic an caibideil

Gàlashìan 5:17

Ghəa à laan ghəla gwən e ughùe è ləghaa enyəa to ghùw mò ghəŋlo boom dzəəŋ yo ghèe ghəla Zuʼ tə Zɔlɔ tə ləghaa. Ghəlā Zuʼ tə̀ Zɔlɔ tə ləghaa enyəa to ghùw mò ghəŋlo boom dzəəŋ sùghò yò ghèe ghəla gwən e ughùe e ghûw è ləghaa. Ghəa a te gho a bə̀ghà bwìi dzə̀ yò fwən wo. Êzə̀, ghəa a te a ghəəŋ nù ghɛ̀ yo aleghə̂əŋ ghəa à dzûŋ ghə̀là ghɛ̀ mô moʼò aleghəŋlo.

Faic an caibideil

Kòloshìan 3:5

Ghɛ̌ fi ki aleŋgəmso kûm tuū maʼà ghəa a mbī ghəla gwən e ughùe è ləghaa, ghəa a te a lo tǒ; ghəa à nuūŋ kaaŋ ghə eghùe ghò, àsùghò aleghəəŋ dzə̀adzə̀ tə aghəa to, àsùghò alemōʼn təla ko aleghəŋlo èbo, àsùghò enyəa ghue u ka e nughuun ghû abugho ghù kòʼ nduw wìzən ŋkāa wìnû, àsùghò alesəa â sə gho am fʉgha u mbī wo, mò à fi lo sugho tǒ zʉ̀ ù li wo ghî a kɔʼso.

Faic an caibideil

2 Timotì 2:23

Kà boo naŋā shwàʼ ù laʼso wo, kà è təmadzəəŋ sugho ghɛ̀ à ghê ghì ghəla ghe pfʉā kaāŋ dzughu gho an làʼsò tə aghəa, tɔŋlo enyəa ghəa a te a ghəəŋ nù ghî ghən zùghùu zěe.

Faic an caibideil

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.

Faic an caibideil

Taetùs 3:9

Kà è bwiī fwən wo ghɛ̀ à ghêe ghì ghəla ghe ləghaa alepfʉa dzughu gho an làʼsò tə aghəa, ŋkāa ghəla ghe taŋso wii to an zən a aghì mo ghe mafə̄ kpuuwn tsə̀ghà, boom naaŋ sùghò yò ghəla ghe zughùu zeē kùu ndùw làŋ kə Tə̀dzûu, bòʼ ghəa a te a tsəa yo aŋ ghə̀a è li zo, yia ki sughò yo fwàʼ kə̀ li ko.

Faic an caibideil

Dzɛ̂ms 1:14

À ghùw lǎam nɔɔm nùghù kɔ̀ʼɔ̂ ghəa à biigh ghəla ghùw ù te ləghaa, ghə n tsoom kaāŋ wə̄n.

Faic an caibideil

Dzɛ̂ms 4:3

Abugho ghɛ bûʼ bvʉ ko fəgha ko, ghɛ̀ yia a dòʼŋkè kele, à lǒ bòʼ ghɛ sô bvʉ am mòʼnlò è biigh zo, alenìi fwaʼà ndûw ghəa a fə̂ŋ ghɛʼɛ a te.

Faic an caibideil

1 Pità 1:14

Tò wɛ ghəla ghe zuūw lâŋ kə Kəzə̀ kò; kà nlò kôom mùghù sùgho laaŋ kə emùghù kə̀là ghɛ̀ mò bùʼ mughù tsəghà ghè kò alo kəŋgòmsò, mò ghɛ̀ kwo yo səŋò e Kəzə̀ zò.

Faic an caibideil

1 Pità 2:11

M̀ buʼu kə̀ghu â ghɛ̀ a fən ghaŋā gho, ghɛ̀ tò ghì ghəla ghe bwîin nyə wô nû fɛ am mbī àsùghò ghəla ghe nɔe mughu. Nǐi nùghuu nlò moʼn zɛʼɛ zo am fʉgha wəla gwən e ughùe e ghûw è ləghaa, tɔŋlo enyəa fʉgha u te u tɔɔŋ tsàm a zəŋò ghue zɛʼɛ zo.

Faic an caibideil

2 Pità 2:18

Ghe kɔʼso kaŋlo èghue, kə̀a shwaʼ ù laʼso wo, nìi kɔ̀ʼɔ ghəa ghəla ghe nûuŋ kaŋlo a te, tsʉ̀a bòon ndùw ghì ghəla ghe kuʼù nughù ti sə wo am bvʉa e ghì ghəla ghe mughu dzə̀adzə̀ kə e mùghù kò.

Faic an caibideil

2 Pità 3:3

Alebùʼù nîi tsughu, ghɛ̀ ki alezuūwkɛlɛ̄ tsughu enyəa ghî à li a kê bùghò nù an tsùʼù məla mbī kê suū wo alebùghò mîa, mò à mùghù e ghee e boʼò kèle ghəa ghəla gwən e ughùe e ghee e ləghaa, ghe lo e tsoʼo ghɛ.

Faic an caibideil

Lean sinn:

Ceanglaichean taic

Sanasan

Sanasan