Dzɛ̂ms 3:6 - To kə Kəzə̀ kə̀ Fughu ko

⁶ Nom kə lo sugho tò kê kə uwə̀n. Nom kə lo mbī è ghə̀a à biigh gho, kə lo aŋ gwə̀n e ughùe e ghûw. Kə dzûuw màʼn tsùghû ghue u ghûw u dzə̀m, kə dâa màʼn kɔ̀ʼɔ̂ mùghù e ghûw e dzə̀m. Nom kə te kə bûʼ lò sugho aŋ uwə̀n, uwən mò à lò wən u kpǎaghùw.

Dzɛ̂ms 3:6 Iomraidhean Croise

Matìo 12:24

A m bùghò ghî a Falàsîi à zuw tsughu ghəa yi gho, ghe n dzɛ̀ enyəa, “Tûwbʉ̀ghà wən zʉ̀ ù tsoo shùaan sə̌a sùghò an daʼa kə Bɛzɛbùl, də̀ŋ kə zʉ̀ ù biigh wo.”

Matìo 5:22

Ǹ so Ŋ̀ kuūwn dzâa wô â ghɛ̀ enyəa, abugho ghùw bùʼ pfʉso kɔʼ ko nʉ̄ghà wò ghèe wàazə̀, ghe ki alesāʼ wə̄n; ghùw wəla ù sùuwn nduw wàazə̀, ù kì alendùw aŋ kaŋsì, wəla ù dzɛ̀ tsughu enyəa, ‘Làʼsò kə kəfəgha kən.’ Ghuw ù te ki alendùw pfʉ an wə̀n u tsə̀ fə̀ baŋa fo.

Mâk 7:15

Fəgha kə̀ li kə yo ghùw zəa nyəā nduw kə dzəsō wə̄n, à ghùw lǎam dzəsô fəgha kəla kə səā wô an dzughu e wə̄n.”

Lûk 16:24

Ù n dì sə̀ wò enyəa, “Tsele waŋā Abə̀làhâm, kwuso se zo a zəŋò mùghò ghù tum tsughu Lazālùs, tò ù tsùu kɔʼ wàakə̀ghu ù wə̄n alo mmùghu, ù bùghò bvʉ̂ʉn wô tɔŋ waŋa a te; nu ŋ ŋgee zuuw èfɔnlo fɛ aŋ wə̀n wən.”

Kə̀fwàʼ 20:30

Ghî à lī lo buʼù səā kɔʼɔ̄ sugho am bvʉa zɛʼɛ̄ ghe e kaʼn wo ghā gho, alekwuū ŋgwûu tsughu tɔ u ghì a Kəzə̀ enyəa ghe nughù wo a bàâ ghee.

Kə̀fwàʼ 5:3

Pità m bvʉ â wə̄n enyəa, “Ànànîas, à lǒ kwò ghù boō tsughu enyəa Satàn nɔɔ̄ fughuu tsughu ghù enyəa ghù gbo naŋa nduw kə̂m kə ukʉa aŋ kua wəla ghù fèe tsughu luʼu kə̂a ko a te, ghù bugho kaʼn wo ghā gho â Zuʼ tə̀ Zɔlɔ to a?

Kə̀fwàʼ 6:13

Ghe n nì nàŋa wò təbvʉ̂nɔ̄ʼ enyəa ghe ŋgaām bughò dzâa wô enyəa, “Tûw wən kaān tsō dòʼò kòʼ mò ù kə̀aa bǒon yo ghəa a Ndùghù è Kə̀zə̀ e ne zən àsùghò làŋ kə Musî kò,

Taetùs 1:11

Ghù kì aleghəə̄ŋ tsughu enyəa ghe bughū naŋâ shwaʼ ù laʼsō u ghee u te wo, nu ghe saʼà màʼn kàâŋ ndughu tə aghì enyəa ghe ka kele dzə̀ êsəŋò. Ghe fɔ tə aghəa tən fɛ ghəəŋ kaaŋ ko ghe sô səā â sə gho aŋ ghəa a ukʉ̄a.

Dzɛ̂ms 2:7

À yǒ ghee a, ghe nî kɔʼ kɔ kə ezən kəla ghɛ̀ boō fughu a te, ghe yia a sûuwn kaŋlō a?

Dzɛ̂ms 3:7

Ghùw lò nû alenɔɔ̄m nyəsô lee tə ufʉgha tən tə̀ dzə̀ tə mughu — nyôm tə ŋgwən tən tə̀ dzə̀m, nnwən, fʉgha ù ghaāŋ wo àsùghò nyòm tə dzughù tò, u m bùʼ nɔ̌ɔm nyəso.

2 Pità 3:3

Alebùʼù nîi tsughu, ghɛ̀ ki alezuūwkɛlɛ̄ tsughu enyəa ghî à li a kê bùghò nù an tsùʼù məla mbī kê suū wo alebùghò mîa, mò à mùghù e ghee e boʼò kèle ghəa ghəla gwən e ughùe e ghee e ləghaa, ghe lo e tsoʼo ghɛ.

3 Dzɔ̌n 1:10

A fi lo enyəa abugho Ǹ lo bugho, Ǹ lo teso kɔʼɔ wô tuŋlo u aghì am bòobò tə aghəa təla ù lǒ mò ù ŋ kə̀a kàŋlo àsùghò gha ghəla ù lo mò ŋ kaʼn kaŋlo a zəŋò sɛ̀. Ù kǎa ghəəŋ ko yo ghəa ghən gho, ù tǔu sùghò alekpeē nî ghì ghəla ghe bwìin nyəā wo an dzeŋe kə ghì a Kəzə̀, tsoo bughu naaŋ sùghò waazə̂ à li ghəla ghe ləghaa alekpeeniī wo ghî ghəla ghe bwiīn wo, ù m bùʼ dzùm dàŋso sə ghee a beē.

Edêe Fughu 12:9

Ghe nì màʼà tsughu faŋkwu kə ŋgə̄m chì, zùghù è wǐiwǐi è te, ghe tɔŋlo enyəa à lò avʉatsə̄a àsùghò Satàn, wəla ù nɔɔ̄m kaāŋ ghî gho am mbī e dzə̀m — ghe m màʼà tsùghù wò wən aŋ ghueekətsə̄, màʼà tsùghù wò sùghò tsə̀təndə̄ghā tə wə̄n ghèe ghee.

Edêe Fughu 13:14

An sə̀ghàa məla ghe fə̀ zəghàa tsughu enyəa è dè an sə kə nyôm zə̀, zə̀ sèe mə̀ŋsô ghì ghəla ghe mughù aŋ ghueekətsə̄. Nyòm e te n dzɛ̀ â ghee enyəa ghe e bɔɔ̄ kɔʼ fəmùʼù am fwěen kə nyòoŋgwən zəa ghe mò kaʼ alo kəkɔ̀ɔ, zə̀ n naām lò â tuw ko.

Edêe Fughu 18:23

Kɛ̀ʼɛ̀ kê kòom bàŋ kòʼ yò fɛ an naʼ zən. A kê koōm yo alezūw dzə̀ è wìzən ŋkāa è nùuwizən e saʼa fɛ an naʼ zən Ghɛ̀ ghî a mbòʼkùm ghən an naʼ zən mò lo ghî à səŋò ghò fɛ am mbī, vûŋ wəla ghɛ̀ mò ki fɛ alo enaʼ n sè mə̀ŋso tsughu tənaʼà tə dzə̀m kpe.

Edêe Fughu 19:20

Ghe ŋ kwu kɔʼ nyòm è ne zə̀, kwu dzəəŋ kɔ̀ʼ sùghò ghùwshʉ̀ghà wə àgha vʉ̀a ù mò dê tsughu sə̀ghàa mò an sə kə nyòoŋgwə̄n e ne zə. Ù n sè mə̀ŋso tsughu aghì nɔɔm tsughu ghî yia ghe mo tsə̂so naŋa ghee an tsə̌a è nyòm è ne zə̀, àsùghò ghì ghəla ghe kɔʼso mùʼù fia fə fweēn nyòm è te. Ghe n nì kɔʼ nyòm è ne e te ghèe ghùwshʉ̀gha wə̀ agha vʉ̀ â sə a tughu gho, màʼà nyə̀ ndùw am fɛ̀ɛn fɛ̀ɛn kə uwə̀n u biigh wo mo zuʼ kə̀ ləma kə̀ biigh kə̀ li kə mò səa wo an nyoʼ uwə̄n u te wo mo ghe tɔŋlo enyəa à lò sulfò.