Dzɛ̂ms 3:2 - To kə Kəzə̀ kə̀ Fughu ko

² Sɛ̀ a dzə̀m mǔuwn nɔʼɔ dàŋà tsə̀ghà nù. Abugho ghùw kuūwn nɔʼɔ̄ yo aŋ ghəa a wə̄n à kəaa gho, ù fi lo ghûw ù tsəghatsəgha, ù lò sugho nû alenaŋso ghuw kə ebwìi kə wə̄n ko.

Dzɛ̂ms 3:2 Iomraidhean Croise

Matìo 12:34

Wɛ a ufwī tò ghɛ! Ghɛ̀ lo ênzə̂n alekele dzə̀ è dzùŋ mò ghɛ̀ lo ghî à biigh gho a? Tɔŋlo enyəa à bɔɔm səa wò kô fəgha kəla kə lue doʼō ghùw an unʉ̀ghà.

Matìo 12:37

tɔŋlo enyəa ghù kè saʼ saʼa zəa ko an shwaʼ wʉ̂a, tò ghù lo saʼā bvʉ̂a sugho a te.”

Lumà 3:10

Ghe tɔm naŋa am Mwàʼsò kə Kəzə̀ enyəa, “Ghùw u li yo dzə̂ ù lo tsəghtsəgha, u mɔ̀ʼ kɔʼkɔʼ ŋgəmso yo dzə̂.

Lumà 7:21

À ndòʼ lǒ tò ghəa è foʼō naaŋ zo enyəa abugho M̀ moʼn tsughu aleghəəŋ ghəa è dzûŋ zò, à m bughòo kô ghəa è biigh zo.

1 Kòlentìan 9:27

Ǹ nîi nǎaŋ tsūghûu ghue waŋa tò kəkɔ̂ a tsəlà mùghò enyəa e kwo Ǹ lô so e kuūwn gùuŋ namso kə te ko mò à làbəlà è dzùŋ è te zughòo mùghò â ghì ghò.

Gàlashìan 3:22

Mwàʼsò kə Kəzə̀ kə̀ fwə̂n dzɛ̀ tsùghù enyəa aghî à dzə̀m am mbī lo ukɔ̀ â bo zo. E dêe enyəa, Zə̀ kə̀ lo fughuu kô namso kə̀là kə to naŋā â ghì ghəla ghe boō fughu â Yɛso Kə̀lestò.

Gàlashìan 5:17

Ghəa à laan ghəla gwən e ughùe è ləghaa enyəa to ghùw mò ghəŋlo boom dzəəŋ yo ghèe ghəla Zuʼ tə Zɔlɔ tə ləghaa. Ghəlā Zuʼ tə̀ Zɔlɔ tə ləghaa enyəa to ghùw mò ghəŋlo boom dzəəŋ sùghò yò ghèe ghəla gwən e ughùe e ghûw è ləghaa. Ghəa a te gho a bə̀ghà bwìi dzə̀ yò fwən wo. Êzə̀, ghəa a te a ghəəŋ nù ghɛ̀ yo aleghə̂əŋ ghəa à dzûŋ ghə̀là ghɛ̀ mô moʼò aleghəŋlo.

Kòloshìan 1:28

Ghàʼ mò zugho naʼn nduw tum è Kə̀lestò â ghì ghò a dzə̀m, kwɛ̀ɛn ndùw ghee, zoʼn ndùw ghee an tɔ wən u dzə̀m Zə̀ kə̀ fughu â ghàʼ, enyəa a e lo alenìi ndûw ghee a vʉ̀a Zə̀ kò mo ghe lo alo kəfəgha kə mɔ̀ʼ ghèe ghê Kə̀lestò.

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

Hibùlù 13:21

mô fughu ghɛ â fʉgha ù dzûŋ wə̀n ù dzə̀m, tò ghɛ̀ è bwiī nduw an dzə̂ è wə̀n. Kə è fwaʼā ghəa gho a zəŋò sɛ̀ am bàm e Yɛso Kə̀lestò, ghəa ghəla a ghəŋlo enyəa fə̀ŋ e wə̄n duʼnlo a te. To sɛ̀ mô fughuu Yɛso Kə̀lestò â kɔʼso məla n dòʼò tən. Zə e lo ko êzə̀.

Dzɛ̂ms 1:26

Abugho ghùw tsêe kaāŋ ghue u wə̄n wo enyəa e lo ghùw ù Kə̀zə̀ mo ù nàŋso yo nom kə wə̄n ko, ghəa a Kə̀zə̀ a wə̄n a te ghə ŋ kwuu yo ghəa zo.

Dzɛ̂ms 1:4

Ghɛ̀ ka tsughu ko nlò zə zo êzə̀, tò ghɛ̀ noo kpe tsughu, fə̂ŋ tɛʼɛ tə nɛɛ̄ tsughu, ghɛ è laʼa yo fəgha kə̀ li ko.

Dzɛ̂ms 2:10

tɔŋlo enyəa, abugho ghùw bùʼ naŋā mɛʼɛ̀ ko lwâŋ wən wo u dzə̀m, vʉ̀a ù bvʉ̀ tsughu ko kə mɔ̀ʼ etɔ̀ŋ, à fi lo enyəa ù m bvʉ̀ u dzə̀m.

1 Pità 3:10

Zə enyə lǒ nu ghe tɔm naŋa am mwàʼsò kə Kəzə̀ enyəa, “Ghùw wəla ù ləghaa alemùghù mùghù è dzûŋ zò àsùghò alezə mbī ki alefəghâan nom kə wə̄n, àsùghò enyəa shwaʼ ù biigh u ka e səā an dzughu e wə̄n.

1 Pità 5:10

Àsùghò abugho ghɛ̀ tsûuŋ fala tsughu aŋ kə̀mà fə enə̀gha, Zə̀ kəla kə ki se e kwuso zo, kəla ke mò tɔŋɔ̄ nyə wô ghɛ an səghanyəgha ŋ wə̄n məla n dòʼò tən, bòʼ sɛ̀ lô fəgha ko kə mɔ̀ʼ sɛ̀ à ghê Kə̀lestò, lo kôʼ enyəa ghəa ghɛʼɛ a dzə̀m ghə ŋ kòom dòʼò kədzûŋ — boo zɛʼɛ zə e tughuu sugho — Kə lo fughuu sughò ghɛ̀ â daʼa ko, ghɛ̀ e tɔʼ ti sugho.