Dzɛ̂ms 3:17 - To kə Kəzə̀ kə̀ Fughu ko

¹⁷ Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

Dzɛ̂ms 3:17 Iomraidhean Croise

Matìo 23:28

À bɔ̌ɔm lò sugho êzə̀ ghɛ̀ fweēn ghî à dzûŋ ghò alo esʉ̄, mò ghɛ̀ lo ghî a kə̀bàŋàdzə̀m, ki sugho ebo am fə̀n tɛʼɛ.”

Matìo 5:8

Dzɔ̀ lò â ghì ghəla ghe ki fə̂ŋ tə̀ zɔlɔ to, tɔŋlo enyəa ghe lo kòʼò nǔ Zə̀ kò.

Matìo 5:9

Dzɔ̀ lò â ghì ghəla ghe bughô â bughuso zo, tɔŋlo enyəa ghe lô ghee tɔɔŋ tsughuu enyəa ghe lo wɛ a Kə̀zə̀.

Lûk 21:15

nu Ǹ lo fughuu nù ghɛ â tɔ zo, à nom kə̀là ghùw ù kə̀tuw wɛʼɛ u mɔ̀ʼ kè dɔ̂ɔm yô alekōmsō ghɛ̀.

Lûk 6:36

“Kele nlò se è kwuso zo, to Tsele wɛʼɛ ki se è kwusō zo.

Dzɔ̌n 1:14

Shwaʼ u te wə n ndùw bùghò ghùw, tsùuŋ mùghùu tsughu sɛ̀ à ghee, Ù n dêe mɛ̀ʼn wò èsəŋò e dzə̀m aŋ ghəa a Kəzə̀, ŋgee dèe sùghò ghàʼ â ləgha zo. Ghàʼ a dzə̀m ŋ kòʼ daʼa kə wə̄n ko, daʼa kəla ù ki tǒ sɔ̀ʼ kə Wɛ kəla kə nughù wo a vʉ̀a Tsele.

Dzɔ̌n 1:47

A m bùghò Yɛso kôʼ Natanɛɛ̀l ù səā kəə̄ŋ wo a vʉ̀a wə̄n, Ù n dzɛ̀ tsùghù enyəa, “Kôʼ kùum kə ghuw kə Ezə̀lɛ̂ kò mo ù bə̌ən ghəəŋ yo ghəa gho a.”

Kə̀fwàʼ 11:24

tɔŋlo enyəa ù fə̀ lo ghùw ù dzùŋ mò à wən ki tən ko Zuʼ tə̀ Zɔlɔ, tughuu sùghò am fə̂ŋ zəla ù gaʼ tsughu aŋ Kə̀lestò. Ghe m fəghaan nì kpèʼe wò ndə̀mà tə aghì a vʉ̀a Mughu ù te.

Kə̀fwàʼ 9:36

Tsə̀ndə̄ghā è lǐ n lo an Dzopà ghe mò tɔŋlo enyəa à lǒ Tàbità, mo e moʼò an shwaʼ u Gə̀lês enyəa Dolkàs (tsəfəŋgwū). Nughò vʉ n lo mò ù ŋge gaʼ fə̀ŋ aleghəəŋ ko ghəa à dzûŋ ghò, ù ŋ ki sugho ù m bughuu sùghò â ghu ko.

Lumà 12:18

Abugho e lo alelo êzə̀, ghɛ̀ è dəma təla tsughu nlo aŋ ŋgəŋ zɛʼɛ aleghəəŋ ghəa ghəla a nîi wô bughun zo â ghɛ̀ à ghê ghì ghò a dzə̀m.

Lumà 12:9

E kuūm deē nduw nlò ləgha zo â ghì ghò. E baā nlò ghəa ghəla a dzɔ̂ɔ yo, tughu ndùw aleghəəŋ ghəa à dzûŋ ghò.

Lumà 15:14

Waazə̂ ghaŋa gho, aŋ ghuūghuè waŋa Ŋ̀ kûm kwò nû enyəa ghɛ̀ lo ghî a dzûŋ ghò, ghɛ̀ yia a ŋge kwo ghəa gho, kwo sugho alezoʼn ghue zɛʼɛ alo aghəa.

1 Kòlentìan 12:8

Zuʼ tə̀ Zɔlɔ tia tə ghəŋlo ghùw ù lì kə̂aa shwaʼ wəla ù ki tɔ wo, â ghùw Zuʼ tə̀ Zɔlɔ tə̀ mɔʼɔ̄ tə te tə m fughu wə̄n tɔ wo alezuuwkɛlɛ ghəa gho.

2 Kòlentìan 10:1

À lò ghuūghùe waŋā Pôl, Ǹ zumso buʼū wô ghu ko â ghɛ̀ an zən e Kə̀lestò wəla ù bughunlō, zʉ̀ lò sugho; mùghò wəla ghî a li a kə̂aa kaŋlo enyəa, abugho Ǹ ti an sə kɛʼɛ̄ mùghò n tsəŋlo, mùghò ŋ kuuwn ki fə̀ŋ abugho Ǹ nughù nduw!

2 Kòlentìan 6:6

Ghǎʼ yia dê tsughu enyəa ghàʼ zɔlɔ nù, dè sùghò enyəa ghàʼ tɔɔ nù, dè sùghò ghue zəla ghàʼ maʼà tsughu, dè sùghò dzɔ̂ zaʼa, Shʉghà ù Kəzə̀ vʉa u lo a zəŋò, ghǎʼ yia ləghaa ghî ghò am fə̂ŋ zaʼa e dzə̀m,

2 Kòlentìan 7:11

Kòʼ ghəa ghə̀là ŋgòʼ è mùŋe zəla Zə̀ kə̀ ləghaa ghəə̄ŋ tsughu ghɛ a, ghɛ̀ yia muʼū â mbuuw mò, ghɛ̀ yia a ki ghɛ̂ zò aledèe tsughu enyəa ghu ghɛʼɛ zɔlɔ nù aŋ ghəa ghəla ghe kwuū ghɛ a te. Ghɛ̀ mò pfʉso n nəghà ghɛ̀ à ghê ghì ghəla ghe mò ghəəŋ boōn ghɛ â ghəa gho, ghɛ̀ n tsəŋo enyəa Zə̀ kə lo fɔeso nù ghɛ, ghɛ̀ n ləghaa enyəa tò M̀ mô bughò tɛ̂ a vʉ̀a ghɛ̀, ghɛ̀ n dəmà sùghò aleghə̂əŋ ghəa zəla e lô tsəghatsəgha, ghɛ̀ m fɔesò ghì ghəla ghe ghəə̄n boōn tsughu ghəa zo. Aŋ ghəa ghən a dzə̀m, ghɛ̀ n dè enyəa ghɛ̀ kaām nɔʼ dzə̀ aŋ ghəa è li zo.

2 Kòlentìan 9:10

Zə̀ kəla kə fughuu ŋgòʼ tò â ghùwsūm àsùghò fʉ̀ghàzəa wo â ghì ghò alezə, kə lo fughuu mɛ̀ʼn ghɛ̀ â ŋgòʼ tɛʼɛ to tə dzə̀m, kə ghəəŋ sughò ghɛ̀ kele fʉgha wo u dzə̀m aŋghəa ghɛ̀ bughuu â ghu ko a te.

Efɛsùs 5:9

Abugho ghuw ti an tsə̂, ghəa ghən a dzə̀m ù ghəŋlo ghə n dzɔ̂ɔ, lò tsəghatsəgha, lò sugho èsəŋò.

Fèlepìan 1:11

Yɛso Kə̀lestò kè ghə̌əŋ sùghò nù mughù zɛʼɛ zə e ke lo è dzûŋ zò, zəla e ki kɔʼso mò à kəma mò â Zə̀ kò.

Fèlepìan 4:8

Alemìasò tsughu shwaʼ waŋā waazə̂ ghaŋa gho, naŋa tsughu nlò moʼn zɛʼɛ zo an ghəa dzuŋ ghò àsùghò aŋ ghəa ghəla a ki kɔʼso mò, àsùghò ghəla alo tsəghatsəgha àsùghò ghəla alo èsəŋò, ghəa a zɔlɔ à sùghò ghəla ghî ləghaa alezuw àsùghò alekòʼ

Kòloshìan 1:10

Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

1 Tɛ̀sàlonìan 2:7

Ghǎʼ yia kuuwn zumsō tsughu ko ghue zo am bvʉa zɛʼɛ̄ tò zə̂awɛ̀ ù lɛnlō â wɛ a wə̄n gho.

1 Timotì 5:21

M̀ fɛ êzəŋ kûu dzàa wò nù â ghù an sə kə Kəzə̀ ghèe Kə̀lestò Yɛso à tsə̀təndə̄ghā tə Kəzə̀ tò enyəa ghù è bɔm bwiī nduw an tsʉ̀ zəla mùgho mò zoʼn ghû a te, mò ghù tàŋso yo kàʼ mə esʉ mə̀ àghì mò abugho ghù ghəə̄ŋ ghəa zo.

2 Timotì 2:24

Ghùw ù kəfwàʼ u Mughu ù te ki yo aledòʼò ghùw wəla ù kəŋo shwaʼ wo; ù lǎam ki alelo ghùw wəla ki mwam ù dzûŋ wò a zəŋò ghì ghò a dzə̀m, lò sugho wàdè ù dzùŋ wəla ù kaā tsughu zə zo.

Taetùs 1:15

Ghî ghə̀là ghe ki fə̂ŋ tə̀ zɔlɔ to, ghəa ghə̀n à dzə̀m zɔ̀lɔ nù â ghee. Yia a bughò ghəla ghe fwəlà luʼū to, boom fughuu ndùw sùghò yò, aghəa a dzə̀m â ghee lo à dzəa gho; tɔŋlo enyəa moʼnlò e ghee e bûʼ fwə̀n lò sugho nû, àsùghò fə̀ŋ tə ghee to.

Taetùs 3:2

E tsʉā nduw ghee enyəa ghe ka e kəaa boon dzə ghəa e ghûw zò, ghe ka e kəŋo sugho shwaʼ wo. Ghe e kuuwn maʼn tsughuu ghue zo aŋ ghəa ghee à ghəəŋ gho, dèe nduw mwam è dzûŋ zò â ghì ghò a dzə̀m.

Hibùlù 12:11

Abugho ghe bɛ tsughu mbɛ an tuw kə sɛ̀ à n lo ko an nəgha e te zo to a emuŋe, duʼn yo. A mo e tsûuŋ tsùghuu ko enyə, ghî ghəla ghe mò bɛ mbɛ an tuw kə ghee m bùghò zoʼn kele kɔʼ aŋghəa e ki alemùghù alo ebughunlo an dziī zəla e lô tsəghatsəgha.

Hibùlù 12:14

Də̀ma tsughu nlò enyəa ghɛ̀ è lo alo ebughunlo ghɛ à ghê ghì ghə̀n à dzə̀m, ghɛ̀ mughuu tsughu sugho mughùu è zɔlɔ zo. Abugho ghùw mùghù yo êzə̀, ù yò alekòʼ Mughu ù te.

Dzɛ̂ms 1:17

Ghəa à dzûŋ ghò a dzə̀m àsùghò ghəla a lô tsəghatsəgha, à fùghuu tsughuu wò Tsele ù te wəla Ù bɔm zuw zo. Aŋ wə̄n, fə̀ŋ è wən kuuwn tsə̀ghà yò, ghəa è li e yo sugho a zəŋò wə̄n e lo alenìi wô kə̀ləm.

Dzɛ̂ms 1:5

Abugho ghùw wɛʼɛ ləghaa alekele ùtɔ [am fəgha kəla Zə̀ kə̀ ləghaa], ù m bvʉ̀ ndùw â Zə̀ kò, Zə̀ kə̀ sô fùghuu nù, tɔŋlo enyəa, Kə bughuu â ghu ko, fughuu ghì ghə̀n à dzə̀m â fʉgha wo mò Kə sə̂əm yò.

Dzɛ̂ms 2:13

Nu Zə̀ kə̀ lo kwuso yo se zo a zəŋò ghùw wəla ù saʼā sāʼ mò ù kwùso yo se zo. Zə̀ chia kə lo kuūwn kwusō se zo a zəŋò ghì ghəla ghe kwusō se zo abugho ghe saʼā ghî ghò an tia e sāʼ.

Dzɛ̂ms 2:4

Ghɛ̀ fi mgbaŋa bàa ù kpiī aŋ ghəa yì êzə̀ aŋ ghùe zɛʼɛ̄ à, ghɛ̀ yia a lô sughò ghî ghəla ghe saʼā sàʼ to mo ghe ki mòʼnlò è biigh zo.

Dzɛ̂ms 3:15

Ŋgòʼ è ùtɔ wən yò dzə̂ tɔ wəla u lo alesəā tsughu wô alo kəwālā, à lò tɔ u mbī wo, à kà fùghù wò dzə̀ Zuʼ tə Kəzə̀ tò tɔ u te wo, à lò tɔ wə avʉatsə̄a.

Dzɛ̂ms 4:8

Kuʼn kəŋo ndùw nlǒ a zəŋò Zə̀ kò, Zə̀ kə̀ lo kuʼ kəŋo wô sughò a zəŋò ghɛ̀. Səso nùghu nlò ghu kɛʼɛ ko aŋ ghə̀a à biigh gho, ghî à biigh ghən. Ghɛ̀ suw maʼa sugho nlò fə̂ŋ tɛʼɛ to a ghî a kə̀bàŋàdzə̀m ghən.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

1 Pità 2:1

Ghəa e lô enyəa Zə̀ kə m fughu ghɛ â mùghù è fughu zo, e fi lo enyəa, ghɛ̀ kuwnlo nlò fə̀ŋ tɛʼɛ tə̀ biigh to, ghɛ̀ maʼa ghəa a kə̀bàŋàdzə̀m ghò, gha à kaʼn gho, kə̀mʉ̀nlo, ghɛ̀ maʼa sugho nùʼ tò.

1 Pità 2:18

Ghî à fwaʼa gho, e zuuw nduw nlò â ghê mughùbè ghɛʼɛ, fughuu sugho ghe â kɔʼso mò am fə̂ŋ zɛʼɛ e dzə̀m, ghəŋlo êzə̀ mò ghɛ̀ taŋso yo enyəa ù lǒ ghùw ù dzùŋ ŋkāa ghùw ù bǐigh.

1 Dzɔ̌n 3:18

Wɛ ghaŋa gho, sɛ̀ ki yo aleləghaa ko ghue zo aŋ ghəa à nəghaan kəaa gho, a ki sughu aledeē nduw ləgha zo an fwàʼ kə sɛ̀ àsùghò alo êsəŋò.

1 Dzɔ̌n 3:3

À fi lo enyəa ghùw wəla ù chǐi tùʼ a zəŋò Yɛso, ù fi sūw zɔ̀nso tsughu ghue u wə̄n, tò aŋghəa Kə̀lestò zɔlɔ̄ a te tsɛʼɛ̀tsɛʼɛ̀.