Dzɛ̂ms 3:14 - To kə Kəzə̀ kə̀ Fughu ko

¹⁴ Abugho à kuūwn lô enyəa ghù ki kəmʉ̀nlo â ghì à loʼ gho. ghù vʉ̀a ghù mòʼò sugho enyəa ghù tsə̀ghàsə̀ aghî a dzə̀m, e kwo ko ghù lò so e tsɔ̂ɔ fə̀ŋ enyəa ghù kwo ghəa è li zo — mo abugho ghù ghəŋlo êzə̀, ghù fi nîi kɔ̀ʼɔ êsəŋò fə̀nsò nǎaŋ wò alo agha.

Dzɛ̂ms 3:14 Iomraidhean Croise

Matìo 27:18

Ù fə̀ enyə bvʉ nduw bòʼ ù kwo enyəa à lò ko kəmʉ̀nlo kə ghəŋlo ghe yia kwu fughu wô Yɛso.

Dzɔ̌n 16:2

Ghe lo dzùu nùghùun sə̌a wò ghɛ̀ an Ndughutə̀ne tə Tə̀dzûu tò. Nəghā e bùghòo nù, zəla mò à lò ko ndugho ù wi ghɛ, ù m moʼnlò enyəa e fi fwaʼà fwàʼ kə Kəzə̀.

Kə̀fwàʼ 13:45

A m bùghò Dzûu tə̀ fwə̂n kôʼ tsughu nɔ̂e wo aghì wò, ghe ŋ kàʼ ndùw alemʉnlo; alesùwnlò, alesùwnlò, ghe ŋ waʼn màʼà kɔ̀ʼ ghəa yia Pôl mò kəaa.

Kə̀fwàʼ 26:9

Ghuūghùe waŋā, mùgho mò tso kwo enyəa Ŋ̀ ki aletsoō kəŋo tsughu tədziī tə dzə̀m aletuū maʼà tsughu fwàʼ kə Yɛso ù Nazalɛ̀t wə̄n.

Kə̀fwàʼ 5:17

Tuw kə fɔ̀e ghèe ghê ghì ghə̀n à dzə̀m ghèe ghee mò lo a dzə̀m (tɔ̂ɔŋ dzeŋe kə tə̀ Sadùwsîi) n daŋso kàʼ ndùw aleghòʼ. Mʉ̌ʉn kə ŋ ghəəŋ tsughu ghee,

Kə̀fwàʼ 7:9

Tuw u təndùm u sɛ̀ u te wə m mʉʉn tsughu Dzùghùsî, nì fèe tsùghù ndùw wən alo Edzìpt, Zə̀ kə̀ ŋ kuuwn ti an tuw kə wə̄n.

Lumà 1:29

Ghe n lo mo ghəa à biigh ghə ŋ ghee alo tə fə̂ŋ lue dòʼò: ghəa a te a lo ebo, sə̀ à səa gho. Ghe ki kəmʉ̀nlo, à kʉ̀mè zo, winlo àghì, bàa eghue, tsèe kàŋlo àghì, ki kəghòʼ, màʼn sùghò tə̀fom.

Lumà 13:13

To sɛ̀ mô nyòʼn ghəəŋ ndùw aghəa tò ghî ghəla ghe mughu an tsə̂, mò à yò dzə̂ alo kələ̄m. Sɛ̀ ki dzə yo alendùw an lùʼu təla ghe mʉa kala lʉ̀ mò a te, ghəəŋ sùghò ghəa à nuūŋ gho fughu, ŋkāa ki sugho yo alemughu dzə̀adzə̀ kə emùghù ko, ŋkāa alebwiī baā kaaŋ tsəgha ghəa gho, ŋkāa aleki mʉ̌ʉn ko.

Lumà 2:17

Ghɛ̀ ghəla ghɛ̀ dzɛ̂ enyəa ghɛ̀ lo Tə̀dzûu, ghɛ̀ tsəghà tə̀ŋò dòʼò tsughu an làŋ kə Musî, ghɛ̀ yia tsɔ̂ɔ sugho fə̂ŋ tò enyəa ghɛ̀ lo ghî a Kəzə̀.

Lumà 2:8

Yia kuuwn bugho â ghì ghəla ghe kwo tsughu ko ghue e ghee zo, ghuu màʼnlo e sə̀ŋò, kuuwn tughuu nyəa ndùw aŋ ghəa biigh gho, ghe lo kòʼò tsughuu nyə aŋ ghùu fɛ̀ɛn kə nʉ̀ghà u Kəzə̀ ù pfʉa wo.

1 Kòlentìan 13:4

Ləgha e ghəəŋ nù ghî ghə̀ n zumso tsughu eghue. Ləgha e ghəəŋ nù ghî ghə n dêe èdzɔ̀ aŋ ghùe e ghee. Ləgha e ghəəŋ dzə̀ yò enyəa ghùw è ki mʉ̌ʉn ko am fəgha kə ghûw ù lì, ləgha e ghəəŋ dzə̀ yo enyəa ghùw e kɔʼso kaaŋ ghue wo, ŋkāa ù è tsɔɔ̄ fə̀ŋ alo eghəa.

1 Kòlentìan 3:3

Tɔŋlo enyəa ghɛ̀ naam mùghù ko làŋà kə e mùghù kə ghì a mbī gho. Abugho ghɛ̀ mʉʉ̄n ghue zɛʼɛ zo, buu kəŋgè alo eghùe e fi mgbaŋa dèe ko enyəa ghɛ̀ lo ghî a mbī gho, ghɛ̀ yia ghəə̄ŋ sughò ghəa ghəla ghî a mbī a ghəə̄ŋ kaŋlo.

1 Kòlentìan 5:2

Ghɛ̀ sô yia ghaŋso sùghò èghue a? Ghɛ̀ mô ki alelaam diī nû, lò sugho alo ese. Ghɛ̀ ki aledzùu sə ghùw wəlà ù fòʼ ghəa zən zo am bvʉa zɛʼɛ̄.

1 Kòlentìan 5:6

Fəŋ zəla ghɛ̀ tsɔ̂ɔ kaŋlō, ghəa a te a dzɔ̂ɔ dzə yò. Ghɛ̀ kwo ko nû enyəa sə fə mbvùŋ fə bughōo fə n nyəŋ kǎan ndùw tuʼ kə kəbɛ̄ kə dzəm enyəa kə kɔʼɔ kɔʼ a?

2 Kòlentìan 12:20

M̀ fɛ tsəŋo enyəa abugho Ǹ lo bugho fì, Ǹ lô bughò koʼò ghɛ mò ghɛ̀ yo dzə̂ fəgha kə̀là M̀ moʼò enyəa ghɛ̀ lo ghè kò, ghɛ̀ koʼ kɔʼ sugho mugho mò Ǹ yo dzə̂ fəgha kə̀là ghɛ̀ mô ləghaa enyəa mùghò è lo ghè kò. Ǹ tsəŋo enyəa Ǹ lô bughò koʼò wo mò ghɛ̌ yia zughūu, mʉnlo èghue, pfʉso nnə̀ghà alo eghùe, kùmè alo eghùe, màʼn kǎaŋ tə̀nùʼ alo èghue, màʼn kǎaŋ tə̀fom alo eghùe, kɔʼso èghue, sòʼò kǎaŋ sùghò ùtsù.

Gàlashìan 5:15

Abugho ghɛ̀ chuūwn kaāŋ ghue zɛʼɛ zo alo tədzə̀, pfʉa sùghò àsɔŋ aŋ ghùe zɛʼɛ̄, nǐ nlò ghôom zò, ŋkāa ghɛ̀ lo dzuw maʼa mɛʼɛ̄ ghue zɛʼɛ zo.

Gàlashìan 5:20

mùʼù ŋ kɔ̀ʼsò mòʼ, nyàʼ n zùuw mò, bɛ̂ zə èghùe, kə̀zùghù, kə̀mʉ̀nlo, nə̀ghà m pfʉ̌a mò, ekʉmè, ndzùghùn kə emùghù àsùghò ghəa à ghəəŋ gho ghù tə̀ghū,

Gàlashìan 5:21

sə à səa gho am fʉgha u aghì, lʉ̀ m mʉ̀aa kala mò, dzweŋe ù biigh wo. Àsùghò ghəa à biigh à li gho. M̀ maa ghɛ bùʼ kwɛ̀ɛn dzə̀ tò aŋghəa Ǹ naām kwɛ̂ɛn wô ko sughò ghɛ êzə̄ŋ, enyəa ghùw wəla ù mùghu ŋgòʼ è mùghù zən zo yǒ tò ù e zə fɔ̂e u Kəzə̀.

Gàlashìan 5:26

E kwo ko sɛ̀ lô so e kɔʼso èghue ŋkāa a ka e soʼsō kaaŋ ghî ghò. A ka e mʉʉn sugho fəgha kə ghûw kò.

Gàlashìan 6:13

Ghe ghəla ghe kəa ko ghəa gho kùu ndùw ghəa à sughoo a kə tigh ghən, ghuūghùe e ghee e bùʼù nǎaŋ sùghò yò lâŋ kə Musî kò. E ghee e lo ko aleghəəŋ kaŋlo enyəa to ghî a mô sùghô twigh u ghee tò ghe e ki kɔʼso mo a te.

Fèlepìan 1:15

À lò nû èsəŋò enyəa ghî à li a naʼn wò tùm è Kə̀lestò à mʉ̌ʉn ko alo tə fə̀ŋ, bwìi wò sùghò an tàaŋ tə efwe tə waazə̂, ghî à li yia kuūwn naʼn wo làbəlà è te am fə̂ŋ è tə̀ dzùŋ tò.

Fèlepìan 2:3

Kà nlò è ghəəŋ dzə ghəa gho mò ghɛ̀ moʼn tə̀la kô ghue zɛʼɛ, ŋkāa aŋ ghùe è deē zo. E koʼō nduw nlò ghî à li gho tò ghî ghəla ghe tsəghà sə ghɛ.

1 Timotì 2:4

Zə̀ kəla kə ləghaa enyəa tò aghî a dzə̀m am mbī mô zə kətuw ghe kele sughò èsəŋò.

1 Timotì 6:4

Ghùw ù te ŋ ki alekele tsughu enyəa ù tsòo ghaŋso kaāŋ tsə̀ghà sùghò ghue u wə̄n mò ù bùʼù zuuwkɛlɛ yo ghəa è li zo. Tsû u ghûw ù te e lo ko alekəŋo ŋgəaa kaaŋ tsəgha shwaʼ wo, ghəəŋ sughò enyəa ghî ghə̀ e pfʉa kaaŋ dzughu gho, zùghùu ŋgə̂aa kaaŋ tsə̀ghà sùghò, mo ghəa a te a bughò â mʉ̌ʉn ko, təfom, kə̀ghòʼ, moʼnlò è biigh zo, àsùghò ndə̀m kò.

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.

Dzɛ̂ms 1:18

À mò tsə̄m tsughu Kəzə̀ enyəa sɛ̀ doʼò tsughu wɛ a wə̄n, an shwaʼ u wə̄n ù səŋò wəla sɛ̌ fə̀ zuw, enyəa sɛ̀ doʼò tsughu kətuw am fʉgha u wə̄n u dzə̀m wəla ù mò gbə̂n wo.

Dzɛ̂ms 3:16

Tɔŋlo enyəa abugho mʉ̌ʉn kə lô alo kəlùʼu, ghî yia a moʼn kaŋlo enyəa to à mò tsə̀ghàsə ko ghee a zəŋò ghì à li gho, luʼū kə te kə n lo waʼn kə kəlùʼu, ghə ŋ ghəəŋ kaaŋ sùghò ŋgòʼ tə aghəa tə̀ biigh tən tə̀ dzə̀m a fughu.

Dzɛ̂ms 5:19

Waazə̂ ghaŋa gho, abugho ghùw ù mɔ̀ʼ am bvʉā zɛʼɛ̄ zə̀ghàa maʼà tsughu səŋò zò, làʼ nùghù ndùw an dziī è nùghù, ghùw ù li vʉ̀a ù bùghò nî tiso naŋa sə wo wə̄n ebàm an dziī è sə̀ŋo,