Dzɛ̂ms 3:13 - To kə Kəzə̀ kə̀ Fughu ko

¹³ Abugho ghùw lò am bvʉa zɛʼɛ̄ enyəa e tɔɔ nù, vʉ̀a ù zuuwkɛlɛ sùghò ghəa gho, ù dèe tsughu ghəa a te gho am fwàʼ kə wə̄n kə̀ dzûŋ kò am mwam u wə̄n àsùghò an tɔ u wə̄n.

Dzɛ̂ms 3:13 Iomraidhean Croise

Matìo 11:29

Nyə kɔʼ nlò am fàŋà kaŋā, ghɛ̀ zoʼn kele ghəa gho aŋ ghùu mùghò, nu Ǹ lo zʉ̀ kə ghûw, yìa M̀ bughunlō â fə̀ŋ, ghɛ̀ lo daŋso zʉnlō.

Matìo 21:5

“Dzǎa ndùw â wɛ a Zayòn ghò enyəa, Kòʼo nlò, Də̀ŋ kɛʼɛ chia kə bughōo a vʉ̀a ghɛ̀! Ù lò an zʉ̀ kə ughùe mò ù nyàʼ alo fəndzàkâs, an tsʉa u fəndzàkâs.”

Matìo 5:5

Dzɔ̀ lò â ghì ghəla ghe zʉ̂ tsughu ghue zo, tɔŋlo enyəa ghe lo kele nù fʉgha wə̄n ù dzə̀m Zə̀ kə̀ to naŋā â ghee.

Matìo 7:24

“Ghùw wəla ù zuw shwaʼ waŋa wən wo vʉ̀a ù bwìi nduw a te, ù lo dòʼn ko tǒ ghùw ù tɔ̀ɔ wəla ù fə̀ so e bəgha ndughu, kùʼ dzɔ̀ tsughu kəbəghànlò alo atīa.

1 Kòlentìan 6:5

Ŋ̀ ghəa ghən kə̂a wò enyəa Ǹ də̂nsò wô tuw kɛʼɛ. To e fɛ lò enyəa ghùw yò am bvʉa zɛʼɛ̄ ù tɔɔ̄ tò ù è biaan ghəa gho am bvʉa e waazə̂ a wə̄n a, tɔ̂ɔŋ ghì a Kəzə̀ a?

2 Kòlentìan 10:1

À lò ghuūghùe waŋā Pôl, Ǹ zumso buʼū wô ghu ko â ghɛ̀ an zən e Kə̀lestò wəla ù bughunlō, zʉ̀ lò sugho; mùghò wəla ghî a li a kə̂aa kaŋlo enyəa, abugho Ǹ ti an sə kɛʼɛ̄ mùghò n tsəŋlo, mùghò ŋ kuuwn ki fə̀ŋ abugho Ǹ nughù nduw!

2 Kòlentìan 8:24

Děe tsughu nlò an sə kə dzweŋe u ghì a Kəzə̀ enyəa ghɛ̀ ləghaa nù ghî ghən, àsùghò enyəa fə̀ŋ zəla ghàʼ tsɔ̂ nduw â ghee kùu ndùw ghɛ̀ à lò êsəŋò.

Gàlashìan 5:23

zʉ̀ kə emùghù àsùghò ghuw kə ebwìi kə̀ naŋso ko; abugho ghəa ghən enyə lǒ a zəŋò ghùw, làŋ kə̀ li yo dzə̂ alekɔlɔ̄ wə̄n.

Gàlashìan 6:1

Waazə̂ ghaŋa gho, abugho ghùw wɛʼɛ ù lòʼ ghəə̄ŋ boon tsughu ghəa è li zo, ghɛ̀ ghəla Zuʼ tə̀ dêe ghɛ â dzì, ghɛ̀ ŋ ki alenyoʼn kôom bɔɔ̄ tiso wô ghùw u te e bàm an dziī. À m bùghò ghɛ̀ ghəŋlo êzə̀, ghɛ̀ n nîi tsùghu èghòmlo enyəa e kwo ko ghùw wɛʼɛ lô kôom bvʉ̂a kômlo.

Gàlashìan 6:4

To ghùw mò tɔ̀ʼɔ̀ lɛ̌ɛn tsughû ghəa a wə̄n à ghəəŋ gho alekòʼ enyəa a dzɔ̂ɔ ko nù a. Abugho ghəa a wə̄n a dzɔɔ̄, ù fi lo nû aletsɔ̀ fə̀ŋ aŋ ghəa ghəla ù lo mò ù ŋ ghəŋlo, mò ù bàan ndùw yǒ ghəa a wə̄n gho ghèe a ghûw ù lì ghò.

Efɛsùs 4:2

Aŋ ghəa ghən à dzə̀m ghɛ̀ ghəəŋ nduw â ghì ghò, e maʼn tsughuu nlò ghue zo, ghɛ̀ n zumso ghəəŋ ndùw ghəa a te gho alo eləghāa. E kɔɔn tsughuu nlò fə̂ŋ tò, pfʉso sùgho yǒ nʉghà wò abugho ghùw ghəə̄ŋ boon ghəa zo, bòʼ ləgha zəla ghɛ̀ ki â ghì ghò.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Kòloshìan 3:12

Ghɛ̀ tò ghî à zɔlɔ ghəla Zə̀ kə̀ shîaa kɔʼ, kə n naŋa tsughu fə̀ŋ e wə̄n a te, kele tsughu nlò se è kwuso zo, ghɛ̀ è dee nduw dzɔ̂ zò, zumso tsughu èghue, zʉ̀a tsùghuu èghue, kaa tsughu ezə alo eghəa.

1 Timotì 4:12

E kwo ko ghù lò bomlo enyəa ghùw ù lì koʼò lʉgha ghû mbuu ghù lò dzə̂ wɛ̂ɛtùghu. Ghùw kì aledòʼò tsughu tǒ tsə̌a è dzùŋ aŋghəa ghî ghela ghe boō fughu â Kə̀lestò lò alekòʼò nîi kɔʼ, an shwaʼ wûa ù kəaa wo, am mwam wʉ̂a ù dzûŋ wò, an ləgha zəghà â ghì ghò, am fə̀ŋ zə̀ghà zəla ghù gaʼ tsughu a zəŋò Kə̀lestò àsùghò am mùghùu zə̀ghà mò e ki yo dzʉ wo a te.

1 Timotì 6:11

Yia a bughò ghû a Timotì, ghù lǒ ghùw wəlà ghù lo mò ghù m boo fughu â Zə̀ kò. E kwo ko ghù lò boōm naāŋ dzʉ wə̄n wo, e kəŋo ko ghəa e tsəghatsəgha zo, fwàʼà ndùw fwàʼ kə Kəzə̀ kə̀a, naaŋ ndùw fə̀ŋ a zəŋò Zə̀ kò, ki sugho eləgha â ghì ghò; kɔɔn tsughu sugho fə̀ŋ, zumso tsughu sùgho ùghue.

2 Timotì 2:25

Ù kì alemaʼn tsughuu ghue wo alezoʼn ghì ghəla ghe kee təghasò shwaʼ wə̄n wo, kwo tən am fə̂ŋ e wə̄n enyəa Zə̀ kə̀ lo nû aleghəŋlo ghe tiī maʼà ghəa a ghee à biigh gho, ghe bugho zuūwkɛlɛ kɔʼ êsəŋò.

Taetùs 3:2

E tsʉā nduw ghee enyəa ghe ka e kəaa boon dzə ghəa e ghûw zò, ghe ka e kəŋo sugho shwaʼ wo. Ghe e kuuwn maʼn tsughuu ghue zo aŋ ghəa ghee à ghəəŋ gho, dèe nduw mwam è dzûŋ zò â ghì ghò a dzə̀m.

Hibùlù 13:5

Kâ nlò fə̂ŋ tɛʼɛ to aŋghəa a ukʉa gaʼ, nǐi tsughu nlò enyəa fəgha kə̀là ghù wɛʼɛ ki kə m kpe â wə̄n; nu Zə̀ kə̀ dzɛ̂ tsughu enyəa, “Ŋ̀ kê bvʉ̀so màʼà kòʼ yò ghɛ, Ŋ̀ kê zə̀ghàa tàʼa kòʼ sùghò yò ghɛ.”

Dzɛ̂ms 1:21

À fi lo enyəa ghɛ̀ ki alezə̀ghàa maʼà dzə̀adzə̀ tə bòobò tə aghəa tɛʼɛ̄ tə te to, ghɛ̀ ni ŋgɔɔm naŋa wo shwaʼ wəla Zə̀ kə̀ dzə̂n naŋā am fə̀ŋ tɛʼɛ, mo u ki kədaʼa alebəghaasə ghɛ.

Dzɛ̂ms 2:18

To ghùw ù lì kuuwn dzâa tsughu enyəa, “Ghùw lò nû ù boō ko â Zə̀ kò, ù li vʉ̀a ù lo ù ghəə̄ŋ à dzûŋ ghò.” N sô bɛlɛ̀ wô enyəa, “Děe wò mugho â ghùw wəla ù dzɛ̀ enyəa u bǒo fughu â Kə̀lestò mò ù ghə̌əŋ yo ghəa à dzûŋ gho, Ǹ sô dêe wô â ghù enyəa M̀ boo fughu â Kə̀lestò am fwàʼ kaŋa kə̀ dzûŋ kò.”

Dzɛ̂ms 3:1

Waazə̂ ghaŋa gho, e kwo ko ndə̀m zɛʼɛ lô so nyəa ndùw alebùghò doʼò ghe wàdè alezoʼn ghî ghò, tɔŋlo enyəa sɛ̀ ghəla sɛ̀ zoʼn ghî ghò, ghe kê sɛ̀ saʼa mo ghe tɔʼɔ̀ nyǎaŋ nyəa tsughuu nù ghəa a sɛ̀ ghò.

Dzɛ̂ms 3:17

Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

1 Pità 1:15

Ghəa e kuūwn lô enyəa ghùw wəla ù tɔŋɔ̄ ghɛ zɔlɔ nù, ghɛ̀ ki alezɔlɔ sugho êzə̀ aŋ ghəa ghɛʼɛ̄ à ghəəŋ gho.

1 Pità 2:12

E deē nlò mwam è dzûŋ zò am bvʉ̀a e ghì ghəla ghe kaām kwo yo Zè kò, to zə e lo enyəa mo ghe kwuu ko ùgəŋ a zəŋò ghɛ̀, ghe ŋ koʼò wo fwâʼ kɛʼɛ kə̀ dzûŋ kò, fughuu ùkɛɛ â Zə̀ kò an tsuʼ wəla kə kê kôom bughoo a te ebàm.

1 Pità 2:9

Yia a kuūwn bughò ghɛ, ghɛ̀ lo aghî mo ghe ghɛ shîaa nù, fɔe kə təfɔ̀e, naʼ è zɔlɔ zo, ghî a Kəzə̀, ghəla ghe tsɔʼ kɔʼ alezughoo nduw dzɔ̀ e fwàʼ kə wə̄n wəla ù mò tɔŋɔ̄ nughù sə wo ghɛ alo kələm, naŋa wò ghɛ̀ an dzɔ̀ɔdzɔ̀ kə tsə̄ kə wə̄n.

1 Pità 3:4

Dzɔ̂ zɛʼɛ e laam ki alelō fə̂ŋ tɛʼɛ tə̀ dzûŋ tə̀là ghɛ̀ ki ghè tò, tɔ̂ɔŋ dzɔ̀ zəla ê kê tseēn kôʼ tsəghà yo, nu à lò dzɔ̂ zəla e səā kɔʼɔ̄ wô am bughuun kə zʉ̀ kə fə̂ŋ. Zən lò ghəa zəla e dzɔ̂ buʼ an sə kə Kəzə̀.