Dzɛ̂ms 3:1 - To kə Kəzə̀ kə̀ Fughu ko

¹ Waazə̂ ghaŋa gho, e kwo ko ndə̀m zɛʼɛ lô so nyəa ndùw alebùghò doʼò ghe wàdè alezoʼn ghî ghò, tɔŋlo enyəa sɛ̀ ghəla sɛ̀ zoʼn ghî ghò, ghe kê sɛ̀ saʼa mo ghe tɔʼɔ̀ nyǎaŋ nyəa tsughuu nù ghəa a sɛ̀ ghò.

Dzɛ̂ms 3:1 Iomraidhean Croise

Matìo 10:24

Wàakə̀mwàʼsò ù lì yo dzə̂ ù tsəghàsə wàdè ù wə̄n, kɔ̂ɔ fə̀ li fə yo sughò fə tsəghàsə mughùbè ù wə̄n.

Matìo 23:13

“Ghɛ̀ ghê Dèekə̀làŋ ghɛ̀ à ghê ghî a Falàsîi ghò, ghɛ̀ lo an tsù ù ne wo; ghî a kə̀bàŋàdzə̀m tò ghɛ! nu ghɛ̀ fê nàŋa tsughu dzì enyəa ghî à ka alo kəwālā tsəghà nyə̀, ghuūghùe zɛʼɛ̄ zəa e buʼù nyəā ndûw sughò yo a fughu, ghɛ̀ yia ləghaa sughò yo aledèe tsughu dzì â ghì ghəla ghe dəmà aletsə̀ghàa nyə enyəa ghe nyəā ndûw.

Matìo 23:14

[Ghɛ̀ ghê Dèekə̀làŋ, ghɛ̀ à ghê ghî a Falàsîi ghò, ghɛ̀ lo an tsù ù ne wo; ghî a kə̀bàŋàdzə̀m tò ghɛ! nu ghɛ̀ tsêe yiikpūw, ghɛ̀ yia nɔɔ̄m zəa fʉgha u ghee wo, kuuwn fəŋo wò sə a aghì an də̀ghàdə̀ghà tə egɔ̀ŋlò. Ŋgoʼ zɛʼɛ̄ lo tsə̀ghàasə̌a è ghì à li ghən bòʼ ghəa ghən.]

Matìo 9:11

A m bùghò ghî a Falàsîi à kôʼ ghəa ghən gho, ghe m bvʉ â tsə̀təndə̄ghā tə wə̄n to enyəa, “À lǒ kwò Mughùbè wɛʼɛ sô zəa dzəə̄ŋ ghèe ghê dzə̀akə̀mwàʼsò a, àsùghò ghì à biigh à li ghən a?”

Lûk 16:2

Ghùw ù kǔu vʉ fi bughò tɔ̀ŋɔ naŋa tsughu nû ghùw ù kə̀fwàʼ ù wə̄n vʉ̀, bvʉ â wə̄n enyəa, ‘Ŋ̀ kən zuuw kâaŋ kə̀ kwò enyəa an zən zəghā a? Ghəŋlô ghù fughu nyə wo tàŋ è kə̀fwàʼ zə̀ghà, mbuu ghù lo kòom fwaʼà yo fɛ.’

Lûk 6:37

Ghɛ̀ ka e saʼa ghî ghò, Zə̀ kə̀ lô saʼā sughò ghɛ; kà nî sùghò enyəa ghùw ghə̌əŋ boon nù, Zə̀ kə̀ lô nîi sughò enyəa ghɛ̀ ŋ ghəəŋ bonlo. Ghuūw maʼa nlò bôo tə aghì tò, Zə̀ kə̀ lo Ghuūw maʼà sughò bòo tɛʼɛ.

Dzɔ̌n 3:10

Yɛso mo e bɛlɛ̀ nù ù n dzɛ̀ â wə̄n enyəa, “Ghù lò wàdè ù ne an Ezə̀lɛ̂, à lò kwò ghù sò məghaan ghəa ghə̀n à?

Kə̀fwàʼ 13:1

Aŋ ghì a Kə̀lestò ghən an Antìok ghiīshʉ̀ghà a Kəzə̀ a fə̀ lo a te ghèe ghê wàdè; Bànabàs ghèe ghê Sǎemòn (wəla ghe mò tɔŋlo enyəa à lǒ Ghùw ù Lə̀ŋo), àsùghò Lusìus, (ghùw ù Sìlêen), ghèe ghê Mànâen (mò noo a tsəlà Hɛlɔ̀d wəla ù fə̀ lô gɔvə̀nò), àsùghò Sôol.

1 Kòlentìan 12:28

Zə kə fə̀ sûesʉ tsuʼ naŋa kɔʼ tum tə Kə̀lestò esə̄ an dzeŋe kə ghì a Kəzə̀, kə n daŋso tsuʼ naŋa kɔʼ ghiīshʉ̀ghà a Kəzə̀, aŋ ghì a kə̀təgha gho Zə̀ kə n tsuʼ naŋa kɔʼ ghê wàdè, daŋso tsuʼ kɔʼ ghî ghəla ghe deē sə̀ghà mò, daŋso tsuʼ naŋa kɔʼ ghî ghəla ghe baāŋ ghì a dzaŋa gho, kə n tsuʼ naŋa kɔ̀ʼ ghì ghəla ghe kwo alebianlo àghəa aleyoso aghì, tsuʼ tsughu ghiīshʉ̀ghà, tsuʼ tsughu, tsuʼ tsughu ghêe wàdè, tsuʼ tsughu ghî ghəla ghe deē səghàa mò, tsuʼ tsughu ghəla ghe baāŋ ghî ghò, tsuʼ tsughu ghəla ghe yôso, daŋso tsuʼ naŋa kɔ̀ʼ sùghò ghəla ghe saʼā ndə̀m è sàʼà tə tənàʼà tò.

2 Kòlentìan 5:10

Tɔŋlo enyəa sɛ̀ ghən à dzə̀m lo ndùw nyə̌a tēen nù an tia e sāʼ e Kə̀lestò. Ghùw ù sɛ̀ e ke lo alekelê namso kəla kə kpe â wə̄n — kə̀ dzûŋ ko ŋkāa kə̀ biigh ko, kùu ndùw fəgha kə̀là ù lǒ mò ù m fwàʼ aŋghəa ù mò lò aŋ gwə̀n e ughùe e ghûw wə̀ nsɔ̌ɔŋnchùw.

Efɛsùs 4:11

À lǒ wə̄n ù fə̀ fughu dwaʼa u te wo â ghì ghò enyəa, ghî à li gho e lo tum to, à li gho e lo ghiīshʉ̀ghà a Kəzə̀ ghò, à li gho e lo ghê èfɔɔŋgele, à li ghə̀ e lo ghî ghəla ghə lɛnlo à ghî a Kəzə̀ ghò lò sugho ghê wàdè.

1 Timotì 1:7

Ghe dəmà aledòʼò wàdè tə kəlàŋ, an làŋ kə Musî; dèe êzə̀ mo ghe tɔʼɔ̀ zǔuwkɛlɛ yo fəgha kəla lâŋ kə te kə lo ghè kò, aŋghəa ghe buʼù tsɔ̂ɔ ko fə̂ŋ tò a te.

1 Timotì 2:7

Zən lò eghee, ghe fə̀ tum sə wô mugho tǒ tum è Kə̀lestò àsughò wàdè alebwiī zoʼn wo Toʼò zo e te zo an làbəlà è dzùŋ zən àsùghò sə̀ŋò fəgha kəla kə lo êsəŋò kùu ndùw Yɛso. Ŋ̀ kaʼn yo gha gho Ǹ dzâa wò èsəŋò.

2 Timotì 1:11

Zə̀ chia kə shîaa kɔʼ mugho tǒ tum è Kə̀lestò àsùghò tǒ wàdè alezoʼn wo ghî ghò, nàʼn ndùw sùghò làbəlà è dzùŋ è te.

Hibùlù 13:17

E zuuw nduw nlò â ghì ghəla ghe lô tsoʼ tɛʼɛ to, ghɛ̀ è ghəəŋ nduw ghəa ghəla ghe dzâa wo. Ghe lɛnlo â ghɛ̀, nu ghe lo ki aleteso dzɛ̀ â Zə̀ kò ghəa ghən a dzə̀m ghe fə̀ fwaʼ â ghɛ̀. E zuuw nduw nlò â ghee to ghe fwaʼā â ghɛ̀ alo eduʼnlo. Ghɛ̀ lo alezə kə kwò a te abugho ghɛ ghəŋlo enyəa ghe e mʉŋe zee a?

Dzɛ̂ms 1:16

E kwo ko fəgha kə lô tsêe ghɛ a waazə̂ a fə̂ŋ ghaŋa gho.

Dzɛ̂ms 1:19

Waazə̂ ghaŋa gho, Ǹ ləghaa enyəa ghɛ̀ kele tsughu ghəa ghən gho, tò chìa è mbaa zuuw niī ghəa zo, tò ù è ka e chwaa kəaa ghəa gho, ù e ka è laŋā pfʉso sugho nʉghà wò.

Dzɛ̂ms 3:10

Yia a nîi dzughu è mɔʼɔ̄ e te zo fughuu Kə̀zə̀ a te â zɔ̀ɔŋ kò, sùuwn sùghò àghì a te. Waazə̂ ghaŋa gho, e ki dzə yo aledòʼò êzə̀.

1 Pità 5:3

Kà nlò è baŋso sə gho a zəŋò ghî ghəla ghe fughu naŋā enyəa ghɛ̀ è lɛnlo. E laam lo aledeē mwam e dzûŋ zəla ghe lo alekòʼò nî.