Dzɛ̂ms 2:8 - To kə Kəzə̀ kə̀ Fughu ko

⁸ Abugho ghɛ̀ kûu naaŋ lâŋ kə fɔ̀e u Kəzə̀ wò, aŋghəa mwàʼsò kə Kə̀zə̀ kə̀ dêe tsughu enyəa, “Ghù ki aleləghāa wàazùghù aŋ ghəa ghəla ghù ləghaa ghue wʉ̀a wò a te.”

Dzɛ̂ms 2:8 Iomraidhean Croise

Matìo 22:39

Kə̀ li chia kə məghà nduw mo kə tughuu sùghò tò kə sûesʉ kən. Kə te kə dzɛ̂ enyəa, ‘E ləgha Wàazùghù tò aŋghəa ghù ləghàa ghue wùa wò a te.’

Matìo 25:21

Mughùbè ù wə̄n n dzɛ̀ â wə̄n enyəa, ‘Ghù n nyɔ̀ʼ fwàʼ, ghù lǒ ghùw ù kə̀fwàʼ ù dzùŋ to a e naŋa aŋ ŋgòʼ; ghù n sə fən kwu kele dzɔ̀, Ǹ naaŋ ghù êzəŋ tò ghù e lɛnlo â ndə̀m. Nyə wò tò ghɛ̀ à mughùbè wùa saŋlo.’

Matìo 25:23

Mughùbè ù wə̄n n dzɛ̀ à wə̄n enyəa, ‘Ghù n nyɔ̀ʼ fwàʼ, ghù lǒ ghùw ù kə̀fwàʼ ù dzùŋ to a e naŋa aŋ ŋgòʼ; Ǹ naaŋ nù ghû êzə̄ŋ, ghù è lɛɛn ndə̀m, tɔŋlo enyəa ghù n sə fən fə kwu kele dzɔ̀; nyə wò tò ghɛ̀ à mughùbè wùa saŋlo.’

Matìo 7:12

À fi lo enyəa, ghəa ghə̀là ghù ləghaa enyəa ghî ghə̀ è ghəəŋ wo â ghù, e bɔɔm ghəəŋ nduw sugho ŋgòʼ è ghəa a te gho â ghì ghò. Kən lò fəgha kəla kə lo an laŋ kə Musî àsùghò fəgha kəla mwàʼsò kə Kəzə̀ kəla ghiīshʉ̀ghà a fə̀ tɔ naŋa tsughu.”

Lumà 13:10

Abugho ghùw ləghaa dzə ghùw wəla ù lo am bùghu e wə̄n, ù kòom yò aleghəəŋ ghùw ù te â bo zo. E fi lo enyəa, aledè èləgha â ghùw, à lò alelueso ulwàŋ u dzə̀m.

Gàlashìan 5:14

Tɔŋlo enyəa lwâŋ u Musî wə̀n u dzə̀m ghe n nì kwu kɔlɔ kɔʼ alo kəlàŋ kə mɔ̀ʼ mo kə dzɛ̂ enyəa “Ləgha wàazùghù tò aŋghəa ghù ləghaa ghue wʉ̀a wò a te.”

Gàlashìan 6:2

E yoso nlò ghue zɛʼɛ zo alebòʼò mbùŋ kə waazə̂ ghɛʼɛ. Abugho ghɛ̀ ghəŋlo êzə̀, ghɛ̌ fi luesô làŋ kə Kə̀lestò.

Fèlepìan 4:14

E mò naam ŋge dzɔ̂ɔ sugho nû â ghɛ̀ aleyòsò mùghò an tsù waŋa.

1 Tɛ̀sàlonìan 4:9

Ghàʼ ndôʼ kì dzə yo aletɔɔ wo ghɛ̀ â mwàʼsò kò kùu ndùw ləgha zə eghùe zɛʼɛ̄. Zə̀ kə̀ maā ghɛ ki zoʼnlo aŋghəa ghɛ̀ ki aleləghā ghue zɛʼɛ zo a te.

Dzɛ̂ms 1:25

Abugho ghùw kuuūwn tɔ̂ʼ naŋa tsughu tuw ko an làŋ kə̀ səŋò kò, lâŋ kəla kə bəghaasəa ghî ghò, Zə̀ kə̀ lo bughuso nǔ ghùw ù te, abugho ghùw ù te fwàʼà səā ndûw ghəa a te gho mò ù zə̌ən ko yo (ghəa ghəla lâŋ kə te deē) an tùʼ è zəən zo, nìi zə̀a ndùw.

Dzɛ̂ms 2:12

Ghɛ̌ fi ki alekəaa ghəa gho, fwàʼà ndùw sùghò tò ghî ghəla ghe lo saʼā ghee an làŋ kəla kə ghəŋlo enyəa ghî à zə kətuw.

Dzɛ̂ms 2:19

Ghù bǒo fughu nû enyəa Zə̀ kə̀ lo ko kə mɔ̀ʼ a? Abugho ghù boō fughu dzə êzə̀, ghù fi ti a te, zʉ̀ ù biigh u bûʼ bǒo fùghù sùghò êzə̀, vʉa u tsəŋo sugho.

Dzɛ̂ms 4:11

Waazə̂ ghaŋa gho, kà nlò dzə̀ è bǐigh kele a zəŋò ghì à li gho. Chìa wəla ù kə̀a nduw dzə̀ è bǐigh â wàazə̀ ŋkāa ù saʼ nduw wàazə̀, ù fi kə̂aa dzə̀ è bǐigh â làŋ kò, saʼa sùghò làŋ kə te ko. Abugho ghù fwə̀là saʼā lâŋ kò, ghù fi bwîi dzə yò an làŋ kə te ko, ghù lò ko sàʼà ù təsāʼ.

1 Pità 2:9

Yia a kuūwn bughò ghɛ, ghɛ̀ lo aghî mo ghe ghɛ shîaa nù, fɔe kə təfɔ̀e, naʼ è zɔlɔ zo, ghî a Kəzə̀, ghəla ghe tsɔʼ kɔʼ alezughoo nduw dzɔ̀ e fwàʼ kə wə̄n wəla ù mò tɔŋɔ̄ nughù sə wo ghɛ alo kələm, naŋa wò ghɛ̀ an dzɔ̀ɔdzɔ̀ kə tsə̄ kə wə̄n.