Dzɛ̂ms 2:5 - To kə Kəzə̀ kə̀ Fughu ko

⁵ Waazə̂ ghaŋa gho, tiso kɔʼ nlò tuw ko edzūŋ, Zə̀ kə̀ kâ shìaa ghî ghəla ghe laā fɛ am mbī enyəa ghe e kuuwn lo ghî à kuu gho aŋghəa ghe gaʼ tsughu fə̀ŋ a zəŋò Zə̀ kò. À lǒ ghee ghe lo ki alezə fɔe wəla Zə̀ kə fə̀ to naŋā â ghì a wə̄n ghəla ke ləghaa.

Dzɛ̂ms 2:5 Iomraidhean Croise

Matìo 11:5

ghî à foō a koʼò wò tə̀luʼū, à məla bwiī yia bwîi wô tsəghatsəgha, yia baaŋ ghî a tətsùghò ghò, kùʼ vʉa u zuūw wô ghəa gho, ghî à kpuuw yia zôom nùghùun kɔʼɔ alo evʉ̄, yìa M̀ fughuu sugho Làbəlà è Dzùŋ â ghì à laa gho.

Matìo 25:34

Də̀ŋ kə te kə lo daŋso dzɛ̂ â ghì ghəla ghe lo aŋ kwe u wə̄n ù təma wo enyəa, ‘Bùghò nlò, ghɛ̀ ghəla Bəghà lǒ mò ù ŋ ghɛ̀ â bughuso e fughu, ghɛ̀ e lo an fɔ̀e u kədə̀ŋ wəla ghe fə ki naŋa to â ghɛ̀ tèetèe aŋghəa mbī fə̀ kaʼ tsughu.

Matìo 5:3

“Dzɔ̀ lò â ghì ghəla ghe ləə̄m təla ko â Zə̀ kò, nu fɔ̂e u kəwālā u lo â ghee.

Mâk 7:14

Yɛso ŋ kòom tɔ̀ŋɔ wò saʼ kə aghì chì ko ebàm, dzɛ̀ â ghee enyəa, “Ghɛ̀ a dzə̀m naŋa wo nlò tuūŋ wɛʼɛ wo fɛ â mùghò, ghɛ̀ zuw tsughu fəgha kə̀là Ǹ so Ǹ dzâa wô;

Lûk 12:21

Yɛso n tsughu tsən tsughu enyəa, “Zən lò ghəa zə̄lā e kê lo ghè zò a zəŋò ghùw wəla ù zùuŋ naāŋ fʉgha wo aŋ ghùe u wə̄n, kuuwn lāa am bàm e Kə̀zə̀.”

Lûk 12:32

Yɛso ŋ kə̀a ndùuŋ ndùw enyəa, “Ghəa ghɛ̀ bûʼ lô ko fɛ alo fətùʼù, tò kaʼa fə təndzì, kà nlò ghəa e tsə̀ŋ, nu à lò kətsoʼnlo â Tsele wɛʼɛ alefughu ghɛ â bəla zo am fɔ̀e u wə̄n.

Lûk 16:22

Zə m bùghò sə kɔʼ enyəa ghùw ù lǎa wən bùghò kpuw tsughu nû, tsə̀təndə̄ghā tə Kəzə̀ tə n nì ndùw wə̄n a vʉ̀a Abə̀làhâm. Ghùw ù kǔu wən m bùghò kpùw tsùghù è sugho, ghe n tsəla tsughu wə̄n.

Lûk 16:25

Abə̀làhâm ŋ kuūwn dzɛ̀ ndùw â wə̄n enyəa, “Ŋ wɛ, kele tsughu enyəa, ghəa ghù mò mughù am mbī, ghù mò ki fʉgha ù dzûŋ wò, Lazālùs ŋ kuuwn mùghù an tsù; êzə̄ŋ, ù kǔuwn mùghù alo nsəghanyəgha fɛ̄, ghù vʉ̀a ghù kuūwn lo an tsù.

Lûk 22:29

M̀ fɛ fùghù wò ghɛ̀ â fɔ̀e wò to Bəghà fə̀ fughu â mùghò,

Lûk 6:20

Ù n daŋso nùghùsò kɔʼ kətuw, lɛɛn ndùw tsə̀təndə̄ghā tə wə̄n, dzɛ̀ enyəa, “Dzɔ̀ lò ghɛ ghî à laa gho, tɔŋlo enyəa fɔ̂e u Kəzə̀ ù lɛɛn ghɛ̀.

Dzɔ̌n 7:48

À lǒ mò ghɛ̀ kôʼ nǔ ghî à ne à li gho ŋkāa ghî a Falasîi à li gho, ghe boō fughu â wə̄n a?

Kə̀fwàʼ 7:2

Sìtofɛ̀ m bɛ̀lɛ̀ tsùghù enyəa, “Waazə̂ ghaŋa gho, ghê tsele ghaŋā, zəən tsughu nlò shwaʼ waŋa wo! To tselè ù sɛ̀ Abə̀làhâm è ndûw mughùu an Halàn, à fə̀ lo mò Zə̀ kə nsəghanyəgha kə m bùghò sə̀ a vʉ̀a wə̄n aŋghəa ù mò lo am Mɛ̀sòpòtɛmìa,

Lumà 8:17

Ghəa sɛ̀ lò wɛ a wə̄n gho, sɛ̀ lo zəa sùghò nù fʉgha wəla Zə̀ kə fə̀ to naŋa â ghî a wə̄n gho. Sɛ̀ à ghê Kə̀lestò lò dzeŋe zəa sùghò nù fəgha kəla Zə̀ kə mò naŋa â wə̄n; tɔŋlo enyəa, abugho sɛ̀ fala dzəŋlo sɛ̀ à ghê Kə̀lestò, sɛ̀ à ghee e ke dzeŋe lo sugho a dzə̀m an səghanyəgha ŋ wə̄n.

1 Kòlentìan 2:9

Aŋghəa e bûʼ lô ko êzə̀, ghe tɔm naŋa am Mwàʼsò kə Kəzè enyəa, “Fəgha kəla sə e lo mo e kaām kôʼ, ŋkāa tuūŋ kə lo mo kə ka n zuw sùghò, ŋkāa fəŋ è ghùw lǒ mò è kaam kele, à lò fəgha kəla Zə kə naŋā â ghì ghəla ghe ləghaa wə̄n.”

2 Kòlentìan 4:15

Ghəa ghə̀n à dzə̀m fɛ lo ko aleyòsò ghɛ̀; ghəa dzɔ̀ e Kəzə̀ kə̀ nyəŋō ndûuŋ nduw â ndə̀mà tə aghì tò, e lo nû aleghəŋlo ghe e ŋgee fughuu zɔ̀ɔŋ kò, mò à fi lo ŋkɔʼso ghe fughuu â Zə̀ kò.

2 Kòlentìan 6:10

Ghî à li yia lɛɛn ghaʼ tò ghàʼ lo ghî ghəla ghe lô alo esē, mo a tsôo dùʼn tsə̀ghà ko nù. Ghî à li yia lɛɛn ghaʼ tò ghî ghəla ghe ki yo fəgha ko, mo a ki fʉgha wə̀n ù dzə̀m, à li lɛɛ̄n ghàʼ tò ghî à laa gho, mò ghàʼ ghəəŋ nù ndə̀m è àghì zə̀a è kuū.

2 Kòlentìan 8:9

Tɔŋlo enyəa ghɛ̀ kwo nû dzɔ̂ e Mughubè Yɛso Kə̀lestò zò, enyəa aŋghəa ù mò buʼù kuū ko fɛ, ù n naam tùe zə̀ghàa ndùw kô kum e wə̄n e t zo bùghò dòʼò tsughu ghùw ù lǎa ko ghəa zɛʼɛ, enyəa an lɛ e wə̄n zən, ghɛ̀ è lo alebùghò doʼò ghì a kuu gho.

Efɛsùs 1:18

Yìa Ŋ̀ gɔ̂ɔŋ sugho enyəa to Zə̀ kə mô tsʉ tuw wɛʼɛ, ghɛ̀ zuuwkɛlɛ tùʼ zəla ghɛ̀ chiī ghè zò aŋ ghəa zəla Zə̀ kə mò tɔ̀ŋɔ ghɛ̀ a tè, àsùghò enyəa ghɛ̀ e kwo sugho namso kə wə̄n kə̀ ne kəla ù fə̀ to naŋā â ghì a wə̄n à dzûŋ ghò,

Efɛsùs 3:8

Ghəa e bûʼ lô ko enyəa Ŋ̀ kâ tso kɔ̀ʼ kpe to ghe e tɔŋɔ mùghò enyəa Ǹ lo ghùw ù Kə̀zə̀, ghe fə̌ fwàʼ kən kə fughu wo â mùghò alezùghò naʼa kum e ne zəla e lo am bàm e Kə̀lestò â Tòʼò zò,

1 Tɛ̀sàlonìan 2:12

enyəa ghɛ̀ è mughu tsughu mughù zəla Zə̀ kə̀ ləghaa ghè zò. Ù lǒ Zə̀ kəla kə mò tɔŋɔ̄ nyə wô ghɛ am fɔ̀e u wə̄n, àsùghò an səghanyəgha ŋ wə̄n.

2 Tɛ̀sàlonìan 1:5

Zə zəla ghɛ̀ ka tsughu lo tsə̌a aledèe tsughu enyəa Zə̀ kə̌ sàʼ è wən saʼa an ndziī è tsəghatsəgha, à fi lo enyəa kə lo ghəəŋ nù ghɛ̀ doʼo tsughu ghî ghəla ghe lo mo ghe ŋ kɔʼkpe am fɔ̀e u wə̄n wəla ghɛ̀ fanlo bòʼ ghè wò.

1 Timotì 6:18

Dzàa tsughu â ghee enyəa ghe e deē dzɔ̂ zò, ŋgee fwàʼà ndùw ghəa à dzûŋ gho â ghì ghò. Ghe e mwaʼā aleyòsò àghì, ki zǐi alefughuu fʉgha wo â ghì ghò.

2 Timotì 4:18

Mughu ù te lo bəghaasəa nù mugho aŋ ghu kə ghəa à biigh ghəla a ləghaa alenomso mùghò. Ù lo nyoʼn nîi nyəā ndûw mùghò am fɔ̀e u kəwālā u wə̄n. Gɔ̂ŋ zaŋa e lo enyəa, to ghî à mô tə̀ma ŋkəma, fughuu sùghò ŋkɔʼso â Zə̀ kò to mbī kê bughò mîaa. Zə e lo ko êzə̀.

2 Timotì 4:8

Namso kə ləəm mùghò êzə̄ŋ alo kəwālā am fwàʼ kə̀ dzûŋ kə̀là Ǹ lo mò mùghò fwâʼ ghè kò; Namso kən kà yò ko â mùghò, kə lo â ghì ghən à dzə̀m ghe ki ləgha zo alekòʼ tsuʼ fəla Kə̀lestò kè bughōo a te ebàm. À namso kə te kə naŋa Mughu ù te wəla ù saʼā ghî ghò a dzə̀m am fôʼ è tsəghatsəgha.

Hibùlù 11:26

Ù m mòʼn tsùghù sùghò enyəa e dzɔ̂ɔ alefala am bàm e Kə̀lestò tsə̀ghàtàʼà sə alekelê fʉgha u dzûŋ wəla u lô an naʼ zə Edzìpt, nu ù fə̀ mòʼn təla nduw ko namso kəla kə lo a sə ko.

Dzɛ̂ms 1:12

Dzɔ̀ lǒ â ghùw wəla ù ka tsughu zə zo abugho ghəa a mɔ̂msò kaāŋ wə̄n, tɔŋlo enyəa abugho ù ghaʼ tsughu ghəa a te gho, ù lo zə e tsɛlɛ̀ aŋghəa Zə̀ kə fə̀ to naŋā â ghì ghəla ghe ləghaa wə̄n.

Dzɛ̂ms 1:16

E kwo ko fəgha kə lô tsêe ghɛ a waazə̂ a fə̂ŋ ghaŋa gho.

Dzɛ̂ms 1:19

Waazə̂ ghaŋa gho, Ǹ ləghaa enyəa ghɛ̀ kele tsughu ghəa ghən gho, tò chìa è mbaa zuuw niī ghəa zo, tò ù è ka e chwaa kəaa ghəa gho, ù e ka è laŋā pfʉso sugho nʉghà wò.

Dzɛ̂ms 1:9

Abugho wàazə̀ wɛʼɛ ù lì am bvʉa zɛʼɛ̄ laā, ù kì aletsɔɔ̄ fə̀ŋ enyəa Zə̀ kə̀ ŋ wən kɔʼso naŋa.

1 Pità 1:4

Sɛ̀ e chiī tùʼ enyəa sɛ̀ lo kele fʉgha ù səŋò wəla Zə̀ kə̀ to naŋa â ghì a wən gho. Kə naŋa fʉgha u te wo â ghɛ alo kəwālā; an lùʼu kəla u buw aleboō koʼò tsəghà, ŋkāa u buw sugho alefìaa.

2 Pità 1:11

ghe kê kpeēnîi sughò ghɛ̀ am fɔ̀e ù doʼn təla wəla à ki Mughùbè ù sɛ̀, tɔɔŋ Bəghambī, Yɛso Kə̀lestò.

Edêe Fughu 2:9

“Ŋ̀ kwo nû tsû wɛʼɛ wo àsùghò aŋghəa ghɛ̀ laa a te (dèe êzə̀ mò ghɛ̀ kuuwn kuu nù aŋ ghəa a Kəzə̀). Ŋ̀ kwo sugho nû shwaʼ ù biigh wəla ghî ghəla ghe dzɛ̂ enyəa ghe lo ghî a Tə̀dzûu, mo ghe yo dzə̂ kəa kaŋlō an tuw wɛʼɛ. Ghe lo ghî ndùghùne e Satàn.

Edêe Fughu 21:7

Ghùw wəla ù lo ghaʼ tsughu ghəa a biigh gho kê zə̌a fʉgha wə̄n, Ǹ lo doʼò tsughu Zə̀ kə wə̄n, ù è ke lo wɛ waŋā.

Edêe Fughu 3:18

Zən lò e ghee Ǹ tsʉ̂a wô ghɛ enyəa, ghɛ̀ zue tsɛ zo aŋ ghùu mùghò mo ghe n tsə̄ alo kənàm; tò ghɛ̀ lo doʼo ghî à kuu gho. Ghɛ̀ zue sugho ndzʉ tə̀ fəma to, ghɛ̀ dzəla kəŋ naŋa tuw kɛʼɛ kə̀ dəla chi aŋ ghùe zɛʼɛ̄ è zum zə̀, e kwo ko ghî à lô koʼō. Ghɛ̀ zue kɔʼ sugho twi wə asə wo, ghɛ̀ e dzəla tsughu an sə ghɛʼɛ̄, tò ghɛ̀ e koʼo luʼū to.