Dzɛ̂ms 2:23 - To kə Kəzə̀ kə̀ Fughu ko

²³ Ghəa ghən mò fɛ lueso tsughu ghəa ghəla ghe tɔm naŋa am Mwàʼsò kə Kəzə̀ enyəa, “Abə̀làhâm fə̀ boo fughu â Zə̀ kò, Zə̀ kə̀ n nì ndùw wə̄n an taŋ enyəa ù lǒ ghùw ù tsəghatsəgha.” Ghe n tɔŋɔ ndùw wə̄n enyəa ù lǒ ghùwfən ù Kə̀zə̀.

Dzɛ̂ms 2:23 Iomraidhean Croise

Mâk 12:10

Ghɛ̀ kaām tɔɔŋ Mwàʼsò kə Kəzə̀ kən enyəa, ‘Tia è mɔʼɔ̄ zəla ghê bɔ̀ɔtə̀ndughu mò shîa maʼa ŋ kòom bùghò dòʼò tuw kə etīa ko an tia ghə ebūw.

Mâk 15:27

Ghe mo e təghàan wə̄n, tə̀ghàa dzə̌əŋ kɔʼ ghèe ghêe ghìitsɔŋɔ à li gho a bə̀ghà, u mɔ̀ʼ aŋ kwe u wə̄n ù təma wo, u mɔ̀ʼ alo ù kwû wò.

Lûk 4:21

Ù ŋ kāʼ ndùw aledzɛ̀ â ghee enyəa, “Shwaʼ u Kəzə̀ wəla ghɛ̀ zuw nɛ, ghəa a te ghə m bəla kə nî.”

Kə̀fwàʼ 1:16

“Waazə̂ ghò, lâŋ kə Kəzə̀ kəla Zuʼ tə̀ Zɔlɔ tə tsom kɔʼ Dɛvìd enyəa ù fughuu səā wô an dzughu e wə̄n kùu ndùw Dzudàs wəla ù mò bû wô ghî ghəla ghe mò kwu Yɛso, kə ki aleluesō tsughu ughue.

Lumà 11:2

Zə̀ kə̀ kâ ghì a wə̄n ghəla kə fə̀ ki shiāa to mbī e kaʼā tsughu tue màʼà dzə̀, ŋkāa ghɛ kwo yo fəgha kə̀là mwàʼsò kə Kəzə̀ kə̀ dzaā kuu ndùw Elaedzà a, aŋghəa ù fə̀ dîi tsû u wə̄n wo a te â Zə̀ kò kùu ndùw ghì ghə Ezə̀lɛ̂? Ù n dzâa tsùghu enyəa,

Lumà 9:17

Nu ghe tɔm naŋa am Mwàʼsò kə Kəzə̀ enyəa, “Zə̀ kə fə̀ dzɛ̂ ndùw â də̀ŋ kə Edzìpt kò enyəa, ‘Soo kə eghəa kəla mùghò fə̀ tsuʼ naŋa kɔʼ ghû a te an ndàŋ è kədə̀ŋ fə̀ lo enyəa, Ŋ̀ kê nî ghù Ǹ dê dwaʼa waŋā a te, enyəa zwɔ̂ŋ waŋa u kê kûu ŋgəaa wô mbī e dzə̀m.’ ”

Gàlashìan 3:22

Mwàʼsò kə Kəzə̀ kə̀ fwə̂n dzɛ̀ tsùghù enyəa aghî à dzə̀m am mbī lo ukɔ̀ â bo zo. E dêe enyəa, Zə̀ kə̀ lo fughuu kô namso kə̀là kə to naŋā â ghì ghəla ghe boō fughu â Yɛso Kə̀lestò.

Gàlashìan 3:6

Nǐi tsughu ko Abə̀làhâm, tsele ù ghê tselè sɛ̀, aŋghəa Mwàʼsò kə Kəzə̀ kə̀ dzɛ̂ enyəa, “Ù fə̀ boo fughu tsughu â Zə̀ kò, bòʼ fə̀ŋ zəla ù fə̀ gaʼ tsughu a zəŋò Zə̀ kò, Zə̀ kə̀ n nì ndùw wən enyəa ù lò tsəghatsəgha.”

2 Timotì 3:16

Aghəa a dzə̀m am Mwàʼsò kə Kəzə̀, à dè fùghù wò Kə̀zə̀ enyəa ghe tɔɔ̄ naŋa nyəa tsughu, enyəa ghe e zoʼn ghî ghò a te, ghe e kwɛɛ̄n ghî ghò a te, tsʉ̀a àghì a te, enyəa ghe e mughu mughù è tsəghatsəgha zo.

Dzɛ̂ms 2:24

Ghù n tɔ̀ʼ kòʼ êzə̄ŋ enyəa Zə̀ kə ghùw nîi ko enyəa ù lo tsəghatsəgha bòʼ fwàʼ kə wə̄n kə̀ dzûŋ kò, mò à kà yò ko am enyəa ù bǒo fughu tsughu ko â Zə̀ kò.

1 Pità 2:6

Tɔŋlo enyəa shwaʼ u Kəzə̀ ù dzɛ̄ enyəa, “Kòʼo nlò, Mùghò n shìaa kɔ kə etīa ko, kəla Ŋ̀ kuʼū nyəa tsughu tò tia zə ebuw zo am bə̀ghàan kə Zayɔ̀n; àsùghò enyəa, ghùw wəla ù boo fughu tsughu dzə â wə̄n kè kèle kòʼ yò tuw kə̀ dəla ko.”