Dzɛ̂ms 2:21 - To kə Kəzə̀ kə̀ Fughu ko

²¹ Tsele ù ghê tsele a sɛ̀ Abə̀làhâm fə̀ doʼo ênzə̂n ghùw ù tsəghatsəgha an sə kə Kəzə̀ a? À fə̀ lo bòʼ fwàʼ kə wə̄n kə̀ dzûŋ kò, aŋghəa ù fə̀ nî gaʼ kɔʼ wɛ ù wə̄n ù nùu, Aezìk alo kətsaʼ alesàa fughu â Zə̀ kò.

Dzɛ̂ms 2:21 Iomraidhean Croise

Matìo 12:37

tɔŋlo enyəa ghù kè saʼ saʼa zəa ko an shwaʼ wʉ̂a, tò ghù lo saʼā bvʉ̂a sugho a te.”

Matìo 3:9

E kwo ghɛ̀ lô moʼò enyəa ghɛ̀ lo nû alezə kətuw abugho ghɛ̀ dzâa tsùghù dzə̂ enyəa, ‘Abə̀làhâm lǒ tsele waʼa.’ Tɔŋlo enyəa to Zə̀ kə̀ nîi kɔʼ tia ghən kə fənsò fughuu kɔʼ awɛ a te â Abə̀làhâm.

Lûk 1:73

tɔ̂ɔŋ kàa ŋ wə̄n məla ù fə̀ zə naŋa ghèe ghê tselè ù tsele a sɛ̀, Abə̀làhâm.

Lûk 16:24

Ù n dì sə̀ wò enyəa, “Tsele waŋā Abə̀làhâm, kwuso se zo a zəŋò mùghò ghù tum tsughu Lazālùs, tò ù tsùu kɔʼ wàakə̀ghu ù wə̄n alo mmùghu, ù bùghò bvʉ̂ʉn wô tɔŋ waŋa a te; nu ŋ ŋgee zuuw èfɔnlo fɛ aŋ wə̀n wən.”

Lûk 16:30

Tûw vʉ mo enyəa, “Ɛ̂ŋgaŋ a tsēlē, abugho ghùw laam ndûw a vʉ̀a ghee, mò ù nùghù tsùghù fɛ an naʼ zə evʉ̄, to ghe zuw, ghe kuwnlo.”

Dzɔ̌n 8:39

Ghe bɛ̀lɛ̀ ndùw wə̄n enyəa, “Abə̀làhâm lo tsele waʼā.” Yɛso n dzɛ̀ â ghee enyəa, “Abugho ghɛ mô lô wɛ gho Abə̀làhâm ghò, to ghɛ̀ mô ghə̌əŋ sùghò ghəa ghəla Abə̀làhâm fə̀ ghəŋlo.

Dzɔ̌n 8:53

À lò enyəa ghù tsə̀ghàsə nû tsele waʼā Abə̀làhâm ghèe ghê ghiīshʉ̀ghà a Kəzə̀ ghəla ghe fə̀ kpuwnlo a? Ghù mòʼò enyəa ghù lò ndugho a?”

Kə̀fwàʼ 7:2

Sìtofɛ̀ m bɛ̀lɛ̀ tsùghù enyəa, “Waazə̂ ghaŋa gho, ghê tsele ghaŋā, zəən tsughu nlò shwaʼ waŋa wo! To tselè ù sɛ̀ Abə̀làhâm è ndûw mughùu an Halàn, à fə̀ lo mò Zə̀ kə nsəghanyəgha kə m bùghò sə̀ a vʉ̀a wə̄n aŋghəa ù mò lo am Mɛ̀sòpòtɛmìa,

Lumà 3:20

Zə̀ kə lo dzàa dzə̀ yò enyəa ghùw ù lì lò tsəghatsəgha bòʼ enyəa ù mò tɔʼɔ̀ naaŋ tsəghà lâŋ kò, nu lâŋ kə̀ ghəəŋ nù ghùw ŋ kele enyəa e ŋ ghəəŋ bo zo.

Lumà 4:1

A lo aledzàa tsughu êndūghō kùu ndùw Abə̀làhâm, tsele ù ghê tsele ghaʼa a? Ù fə̀ zoʼn kele kɔʼ êndūghō?

Lumà 4:12

Abə̀làhâm lò sugho tsele â ghî ghəla ghe lo mo ghe n tigh kə ghee kə sugho, mo e kâ tsò mìaa tsughu ko enyəa ghe sugho tsughu tigh kə ghee. Mo e lo nu enyəa ghùw ù te gaʼ sùghò fə̀ŋ è wə̄n a zəŋò Zə̀ kò tò Abə̀làhâm fə̀ gaʼ a te aŋghəa ghe fə̀ lo mo ghe kaām tigh kə wən kə m bûʼ sugho.

Lumà 4:16

Zə̀ lò e ghee à mìaa ko fə̀ŋ zəla ghùw gaʼ tsughu a zəŋò Zə̀ kò è ghəŋlo enyəa ù kele dzɔ̀ e Kəzə̀. Dzɔ̂ zən fɛ lo tǒ tsə̌a aledèe wô enyəa Zə̀ kə̀ lo ghəəŋ nù ghəa ghəla kə fə̀ to naŋa â waawɛ ghə Abə̀làhâm ghò a dzə̀m — ghəla ghe gaʼ tsughu fə̀ŋ a zəŋò Zə̀ kò tò aŋghəa Abə̀làhâm fə̀ gaʼ sugho fə̀ a zəŋò Zə̀ kò a te. E ka yò ko â ghì ghəla ghe zuuw lâŋ kò, mo dzɔ̂ e te e lo sugho â ghì ghəla ghe gaʼ sugho fə̀ŋ a zəŋò Zə̀ kò tò Abə̀làhâm, tɔŋlo enyəa Abə̀làhâm lo tsele ù sɛ̀ a dzə̀m.

Hibùlù 11:17

À fə̀ lo fə̀ lo bòʼ Abə̀làhâm fə̀ boō fughu â Zə̀ kò e fə̀ ghəŋlo u n nì kɔ̀ʼ Aezìk enyəa e ndûw sâa fughu â Zə̀ kò, aŋghəa Zə̀ kə fə̀ mɔ̂msò kôʼ tsughu wə̄n. Ghùw wəla ghe fə̀ fughu naŋa to ke te ko â wə̄n fə̀ lo nû alenìi sâa ndûw wɛ ù wə̄n ù nùu.

Dzɛ̂ms 2:18

To ghùw ù lì kuuwn dzâa tsughu enyəa, “Ghùw lò nû ù boō ko â Zə̀ kò, ù li vʉ̀a ù lo ù ghəə̄ŋ à dzûŋ ghò.” N sô bɛlɛ̀ wô enyəa, “Děe wò mugho â ghùw wəla ù dzɛ̀ enyəa u bǒo fughu â Kə̀lestò mò ù ghə̌əŋ yo ghəa à dzûŋ gho, Ǹ sô dêe wô â ghù enyəa M̀ boo fughu â Kə̀lestò am fwàʼ kaŋa kə̀ dzûŋ kò.”

Dzɛ̂ms 2:24

Ghù n tɔ̀ʼ kòʼ êzə̄ŋ enyəa Zə̀ kə ghùw nîi ko enyəa ù lo tsəghatsəgha bòʼ fwàʼ kə wə̄n kə̀ dzûŋ kò, mò à kà yò ko am enyəa ù bǒo fughu tsughu ko â Zə̀ kò.