Dzɛ̂ms 2:20 - To kə Kəzə̀ kə̀ Fughu ko

²⁰ Làʼsò kə ghûw kən, ghù lə̀ghaa enyəa a dêe wô â ghù enyəa à lǒ kə̀nughùnughù abugho ghù dzɛ̀ enyəa e boo fughu â Kə̀lestò mò ù dèe tsùghuu yo am fwàʼ kə wə̄n kə̀ dzûŋ kò a?

Dzɛ̂ms 2:20 Iomraidhean Croise

Lumà 1:21

Ghəa ghe mò bûʼ kwo ko Zə̀ kò, ghe mò fughuu dzə yo ghè kò â kɔʼso mò àsùghò zɔ̀ɔŋ ko. Ghe n nî kɔ̀ʼ tɔ u ghee naŋa ndùw an làŋà tə aghəa, moʼnlò è biigh zəa e nyə lue tsughu am fə̀ŋ tə ghee.

Lumà 3:28

Tɔŋlo enyəa a n tɔʼn kele sə kɔʼ enyəa à lò ko fə̀ŋ zəla sɛ̀ gaʼ tsughu a zəŋò Yɛso e ghəŋlo enyəa ghùw dòʼo tsəghatsəgha a vʉ̀a Zə̀ kò, mò a yò dzə bòʼ enyəa ghùw tɔ̀ʼɔ bwìi aŋghəa lâŋ kə̀ deē.

Lumà 9:20

Ghù kǔuwn lò ndughoo, ghùw nsɔ̌ɔŋnchùw to ghû alekuêen nduw ghəa zo an dzughu e Kəzə̀ a? To ndzə̀ŋ fə̀ n nùghù bvʉ̀ ndùw â ghùw wəla ù mò bɔm ghè fò enyəa, “À lǒ kwò ghù mò bɔm mugho enyə a?”

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Gàlashìan 6:3

Tɔŋlo enyəa abugho ghùw mòʼò enyəa e lo fəgha kə̀ li ko mò ù bùʼ yò dzə̂ kə ghee, ù fi tsêe ghue ū wə̄n.

Kòloshìan 2:8

E kwo ko ghùw ù lì lô so è ndûw bùghòo â tɔ u ghì am mbī wo, ù bùghò ghəə̄ŋ tsughu enyəa ghɛ̀ doʼo tsughu kɔ̂ wò â wə̄n, aghəa mò à lò nzə̀azə̀a ŋ kwu mò ghî a mbī a mò moʼn sə kɔʼ, zoʼn ndùuŋ tsùghuu wò àghì a te, àsùghò ghəla a nughùun wo aŋ ghùu shʉ̀ghà u mbī wo, mo a te a kâ sə̀ dzə̀ aŋ ghùu Kə̀lestò.

1 Timotì 1:6

Ghî à li ghə n zə̀ghà màʼà səŋò zən zo, kuuwn sə̀ tsə̀ghà tsùghù alekəā kaaŋ shwaʼ ù laʼso wo.

Taetùs 1:10

Ŋ̀ ghəa ghən kə̂aa bòʼ ndə̀mà tə aghì tə̀ lo nû ghe tuū mâʼn êsəŋò, ghî ghəla ghe kə̂aa kaāŋ zuum tə aghəa to, fɔɔ kaaŋ sùghò tɔ u aghì an làʼsò zəla ghe kəaa ghè zò, a ka dɔ̂m tàŋ ghî ghəla ghe teē tən tsughu ko am bùghoo kə Tə̀dzûu kən enyəa to ghe mô tèlè sùghoo tsughûu tiigh kə ghûw.

Dzɛ̂ms 1:26

Abugho ghùw tsêe kaāŋ ghue u wə̄n wo enyəa e lo ghùw ù Kə̀zə̀ mo ù nàŋso yo nom kə wə̄n ko, ghəa a Kə̀zə̀ a wə̄n a te ghə ŋ kwuu yo ghəa zo.

Dzɛ̂ms 2:17

À lò sugho eghəla abugho ghùw dzɛ̌ enyəa e boo fughu â Zə̀ kò, mò ù dèe yò aŋ ghəa a wə̄n à ghəəŋ gho, boo e wə̄n e te e fi lo kə̀nughùnùghù.

Dzɛ̂ms 2:26

Nu abugho ghùw kòom zwîi yo, ù fi lo mò u m kpuw. À lò sugho eghəla abugho ghùw boō fughu tsughu ko â Zə̀ kò mò ù fwàʼà ǒ fwàʼ kə̀ dzûŋ kò, ghùw ù te kâ fi tso boo fùghù kè dzə̀ â Zə̀ kò.