Dzɛ̂ms 2:14 - To kə Kəzə̀ kə̀ Fughu ko

¹⁴ Waazə̂ ghaŋa gho, ghùw zə̌a kɔʼɔ̀ kə̀ kwò a te a, abugho ghùw dzɛ̀ enyəa e boo fughu â Kə̀lestò a, mò fwàʼ kə wə̄n kə̀dzûŋ kə̀ dêe tsùghuu yo fəgha kəla ù boō fughu tsughu a te a? To ù n tuw kə zəā a, enyəa ù bǒo fughu â Kə̀lestò à?

Dzɛ̂ms 2:14 Iomraidhean Croise

Matìo 5:20

Ghəa Ǹ dzâa wô fɛ â ghɛ̀, à gɔ̀ʼɔ̀ ko mò ghɛ̀ doʼò tsùghù tsəghatsəgha tsə̀ghàtàʼà tsughu ghê Dèekə̀làŋ à ghì a Falasîi ghò, ghùw wɛʼɛ kê tsò nyə̀ kòʼ yò am fɔ̀e u kəwālā.”

Lûk 3:11

Ù m bɛ̀lɛ̀ ndùw ghee enyəa, “Abugho ghùw wəla ù ki ndzʉ to tə bə̀ghà ù dzùghù tsughu ghèe ghùw wəla ù ki yo, wəlà ù ki fʉghàzəa wo, ù bɔɔ̄m ghəə̄ŋ sughò alo kətə̀ŋ.”

Lûk 6:49

Ghùw wəla ù kuūwn zuw, kè bwîi aŋ ghəa a te gho lo tǒ ghùw wəla ù fə̀ bəgha ndughu mo ù kà kùʼ bəghàan kò; fʉ̀ghàdzughù tə̀ mo e bughò tə̀ma wò ko ughue a te, zə̀ n daŋso seʼe bvʉ̀ e tsughu, biso seʼê tsughu seʼe è fɛɛ̄n zo.”

Kə̀fwàʼ 15:9

Ù n sùw màʼà sùghò bòo tə ghee bòʼ ghe gaʼ tsughu fə̀ŋ aŋ Kə̀lestò. Ù bàa yò kpiī wo sɛ̀ à ghê Tòʼò zò.

Kə̀fwàʼ 8:13

Ghuūghùe u Sǎemòn wə̀ n tso boo fughu daŋso èsugho. A m bùghò ghe fughu tsughu wə̄n â mùghù ŋ Kə̀zə̀ mò, ù m mughu zee ko am bùghu e Felêp, dzughu zə n zùm ndùw wən enyə abugho ù kòʼ fɛ̀ɛn tə aghəa tə ushʉ̀ghà tə nîi bəla ko.

Kə̀fwàʼ 8:21

Ghù tso ki yo ghu ko aŋ ghəa ghən, mbuu fə̀ŋ zə̀ghà dzə̌a nù an sə kə Kəzə̀.

Lumà 2:25

Abugho ghe sugho tsughu tigh kə ghûw kò, a lò ghəa e dzûŋ zò abugho ghùw u te bwîi aŋghəa lâŋ kə Musî kə̀ deē, abugho ghue u ghùw u te ù bwìi yo alo kəlàŋ, a mo soō to ghe mo biso sugho dzə̀ tigh kə ghûw u te.

1 Kòlentìan 15:2

Zən lǒ làbəlà zəla è lo ghəŋlo Zə̀ kə̀ lo bəghāsə̄ ghɛ, abugho ghɛ̀ tɔ̂ʼ kwu kele tsughu shwaʼ wəla mùgho mò bugho naʼa, buw êzè, à f lo enyəa fəgha kəla ghɛ̀ moʼò enyə ghɛ̀ mò boo fughu a te fi lo kènughùnùghù.

1 Kòlentìan 16:22

Tsû ù lo â ghùw wəla ù tue maʼà aleləgha Mughu ù te. Bùghò a Mughu ù te!

Gàlashìan 5:13

Yia a bughò ghɛ a waazə̂ ghaŋa gho, Zə̀ kə̀ mò ghɛ shìaa nughu sə wo enyəa ghɛ̀ e ndzəə̄m mughu. E kuuwn kwo ko ghùw wɛʼɛ lô so e nîi ndzə̀m kə emùghù kə te ko tò dzì è lì â wə̄n aleghə̂əŋ ghəa à biigh ghəla gwən e eghuè zɛʼɛ e ləghaa ghè ghò. E laam kuuwn mughu nlò alo eləgha, yosò sùghò ghue zɛʼɛ.

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

1 Tɛ̀sàlonìan 1:3

Ghə̄a ghàʼ zə̂əŋ zeē ko ghɛ aŋ gɔ̀ɔŋ zaʼa â Zə̀ kò, Tsele ù sɛ̀, ghàʼ nîi zə̀a yò fwàʼ kəla ghɛ̀ fwaʼā bòʼ ghɛ̀ boo fughu â Kə̀lestò, àsùghò ghəa à dzûŋ ghə̀là ghɛ̀ ghəŋlo â ghî ghò bòʼ ləgha zəla ghɛ̀ ki ghè zò, àsùghò tùʼ zəla ghɛ̀ ndzəmà chiī a zəŋò Mughùbè ù sɛ̀ Yɛso Kə̀lestò.

1 Timotì 1:5

Ghəa è səŋò zəla M̀ fughuu wô ghû â làŋ kən ko lo enyəa to kə mô lò aleghəŋlo ghî a Kə̀lestò ghə̀ e ləghaa ghue ghee zo; ŋgòʼ è ləgha zəla e səā wo am fə̂ŋ è zɔ̀lɔ, à mòʼnlò è dzuŋ zò, Abugho ghe ləghaa ghue e ghee zo enyə, e fi dêe nù enyəa ghe ŋ kùm bǒo fughu â Kə̀lestò.

1 Timotì 4:8

E dzɔ̂ɔ ko nù alenumsō zee gwən e ughùe zò, e kuuwn ŋgè dzɔ̀ tsə̀ghàtàʼà sə alo tədzǐi tə dzə̀m abugho a zoʼn zeē ghue e sɛ̀ zò alekelê ghəa a Kəzə̀. Ghəa a Kəzə̀ a ki to kəla kə ki mughù zə̀n èzəŋ àsùghò zəla e kê lô tən tsəgha.

Taetùs 1:16

Ghe dzâa wò alo edzughu enyəa ghe ŋge kwo Kəzə̀, ghe yia kuūwn tuū maʼn Zə̀ kò aŋ ghəa a ghee à ghəəŋ gho. Mwam e ghee e dzəa nù, ghe zuuw yo â Zə̀ kò, ghe tsô bùʼ yò sughò aleghə̂əŋ ghəa è dzûŋ è li zo.

Taetùs 3:8

Ghəa ghə̀là Ŋ̀ kə̂a wô fɛ â ghù kùm lǒ èsəŋò. Ǹ ləghaa enyəa ghù è tughusō dzaā kweēn nduw ko ghəa ghən gho â ghee, to ghî ghəla ghe boo fughu tsughu â Zə̀ kò è ke tɔʼ lo alegaʼa tsughu fə̀ŋ aleghəəŋ ghəa à dzûŋ ghò. Ghəa a te a dzɔ̂ bùʼ nù yòsò sùghò â ghì ghə̀n à dzə̀m.

Hibùlù 11:17

À fə̀ lo fə̀ lo bòʼ Abə̀làhâm fə̀ boō fughu â Zə̀ kò e fə̀ ghəŋlo u n nì kɔ̀ʼ Aezìk enyəa e ndûw sâa fughu â Zə̀ kò, aŋghəa Zə̀ kə fə̀ mɔ̂msò kôʼ tsughu wə̄n. Ghùw wəla ghe fə̀ fughu naŋa to ke te ko â wə̄n fə̀ lo nû alenìi sâa ndûw wɛ ù wə̄n ù nùu.

Hibùlù 13:9

E kwo ndə̀mà tə etsʉ̀ tə̀ fughu tə̀ li tə lô bughò sêe nughùun tsughuu ghɛ an dziī è tsəghatsəgha. À lò ghəa è dzûŋ zò abugho fə̀ŋ e ghùw nɛɛ̄ tsughu mò à lò dzɔ̀ e Kəzə̀, mò à yo dzə̂ aŋ ghəa à naŋlo a lwàŋ u ghəa a ufʉ̀ghàzəa, mo lwâŋ wən yòso yò ghee aŋ ghəa è li zo.

Dzɛ̂ms 1:16

E kwo ko fəgha kə lô tsêe ghɛ a waazə̂ a fə̂ŋ ghaŋa gho.

Dzɛ̂ms 2:16

vʉ̀a ù so e səā bwînlò, ghùw wɛʼɛ ù lì n dzɛ̀ â wə̄n enyəa, “Ndùw kədzûŋ, Zə̀ kə̀ bughuso ghù, e zəa kuuw tsughu, dzə̀ən kɔ̀ʼɔ̂ fəgha kə ufwo.” E ghee yosò aŋ kwò abugho ghù dzɛ̀ ndûw êzə̀ à, mò ghù kà wə̄n â fəgha kə̀là ù ki yo fughu ndùw a?

Dzɛ̂ms 2:18

To ghùw ù lì kuuwn dzâa tsughu enyəa, “Ghùw lò nû ù boō ko â Zə̀ kò, ù li vʉ̀a ù lo ù ghəə̄ŋ à dzûŋ ghò.” N sô bɛlɛ̀ wô enyəa, “Děe wò mugho â ghùw wəla ù dzɛ̀ enyəa u bǒo fughu â Kə̀lestò mò ù ghə̌əŋ yo ghəa à dzûŋ gho, Ǹ sô dêe wô â ghù enyəa M̀ boo fughu â Kə̀lestò am fwàʼ kaŋa kə̀ dzûŋ kò.”

Dzɛ̂ms 2:26

Nu abugho ghùw kòom zwîi yo, ù fi lo mò u m kpuw. À lò sugho eghəla abugho ghùw boō fughu tsughu ko â Zə̀ kò mò ù fwàʼà ǒ fwàʼ kə̀ dzûŋ kò, ghùw ù te kâ fi tso boo fùghù kè dzə̀ â Zə̀ kò.

2 Pità 1:5

Zən lò e ghee ghùw ki alesɔʼn tsughu ŋkāa aletəmabaʼso ndùw èdzɔ̀ am boo e wə̄n, àsùghò alebaʼso ndùw tɔ u ghəa Kəzə̀ an dzɔ̀ e wə̄n;