Dzɛ̂ms 2:1 - To kə Kəzə̀ kə̀ Fughu ko

¹ Waazə̂ ghaŋa gho, kà nlò kpiī wo e baā aŋghəa ghɛ̀ lo mò ghɛ̀ m boo fughu â Yɛso Kə̀lestò, Mughu ù te wəla ù ki səghanyəgha mò.

Dzɛ̂ms 2:1 Iomraidhean Croise

Matìo 22:16

Ghe n tùm ndùw tsə̀təndə̄ghā tə ghee ghèe ghê ghì a Hɛlɔ̀d à li gho a vʉ̀a Yɛso; ghî a tum yi ghə n ndùw dzɛ̀ â wə̄n enyəa, “Wàdè, ghàʼ kûm kwò nû enyəa, ghù lǒ ghùw wə̀ èsəŋò, ghù vʉ̀a ghù kùu zoʼn sugho ghî ghò â səŋò zò aŋ ghəa a Kəzə̀. Ghù bùʼù nǎaŋ yo tuūŋ ko aŋ ghəa ghəla ghî à moʼò an tsʉ̀ zəla ghùw fughuu â ghì ghò, ghù vʉ̀a ghù naāŋ sughò yô sə zo am fəgha kəla ghùw lǒ ghè kò.

Kə̀fwàʼ 10:34

Pità fi kaʼ tsughu nû ghəa à kəaa gho. Ù n nì tsùghù enyəa, “Kùmkùm mùghò ŋ kòʼ enyəa Zə̀ kə̀ bâa yò kpiī wo,

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

Kə̀fwàʼ 24:24

A m bùghò tsuʼ n lǐ n tsəghà tsughu, Fɛlècks n ndùw sə̀ tsùghù wò ghèe wì, Də̀lùsilà, mò à lò zən à Dzûu; ù n dzɛ̀ tsùghù enyəa ghe nîi wô Pôl. Ù n tɔ̀ʼ zə̌ən sùghò ghəa yìa ù kə̌a kùu ndùw fə̀ŋ è gàʼa a zəŋò Kə̀lestò Yɛso.

Kə̀fwàʼ 7:2

Sìtofɛ̀ m bɛ̀lɛ̀ tsùghù enyəa, “Waazə̂ ghaŋa gho, ghê tsele ghaŋā, zəən tsughu nlò shwaʼ waŋa wo! To tselè ù sɛ̀ Abə̀làhâm è ndûw mughùu an Halàn, à fə̀ lo mò Zə̀ kə nsəghanyəgha kə m bùghò sə̀ a vʉ̀a wə̄n aŋghəa ù mò lo am Mɛ̀sòpòtɛmìa,

Lumà 1:11

M̀ mbûŋlò alekòʼò wô ko ghɛ̀ alo esə̄ tò mùghò è lo aleghəŋlo Zuʼ tə Kəzə̀ tə fughu ghɛ â fughu kə nə̀ŋò ŋəŋ ko, fə̂ŋ tɛʼɛ tə nɛɛ̄ tsughu aŋ ghəa e Mughu ù te.

1 Kòlentìan 2:8

Ghùw u mɔ̀ʼ aŋ ghì ghəla ghe fə̀ saʼā tuw u aghì wò fɛ am mbī ka fə̄ zuwkɛ̄lɛ̄ dzə ghəa ghən; tɔŋlo enyəa abugho ghe fə zuūwkɛlɛ̄ tsughuu, to ghe ka mō Mughu ù te wəla ù ki dwaʼa wo u dzə̀m təghàa dzə̀ alo kədàŋlo.

Kòloshìan 1:4

Ghàʼ enyə ghəəŋ tsə̀ghà bòʼ aŋghəa ghàʼ mò zuw tsughu enyəa ghɛ̀ gaʼ fə̀ŋ a zəŋò Kə̀lestò Yɛso, àsùghò bòʼ ləgha zəla ghɛ̀ ki â ghì a Kəzə̀ ghò a dzə̀m.

1 Timotì 1:19

Tɔ̀ʼɔ teme tsughu ko aŋghəa ghù boo fughu a te â Yɛso, ghù kele tsughu sughò fə̀ŋ è zɔ̀lɔ. Ghî à li a lo nû ghe kôom buʼù kɔʼɔ̄ shiāa yo aleghə̂əŋ ghəa zəla e lô tsəghatsəgha, ghəa a te yia a ghəŋlo, ghe yia kôom yo aleboō fughu â Zə̀ kò.

1 Timotì 5:21

M̀ fɛ êzəŋ kûu dzàa wò nù â ghù an sə kə Kəzə̀ ghèe Kə̀lestò Yɛso à tsə̀təndə̄ghā tə Kəzə̀ tò enyəa ghù è bɔm bwiī nduw an tsʉ̀ zəla mùgho mò zoʼn ghû a te, mò ghù tàŋso yo kàʼ mə esʉ mə̀ àghì mò abugho ghù ghəə̄ŋ ghəa zo.

Taetùs 1:1

À mwàʼsò kən kə tɔm mugho Pôl, kɔ̂ɔ fə Kəzə̀, àsùghò tum è Yɛso Kə̀lestò. Ghe mugho tùm wò alebùghò tughusô boo e ghì ghəla Zə̀ kə̀ mò shîa kɔʼ enyəa e noo, àsùghò â ghee alekelê tsʉ̀ è səŋò zəla e lo, aleyòsò ghee enyəa ghe e mughu an dziī zəla Zə̀ kə̀ ləghaa.

Taetùs 2:13

Ghàʼ ndzəmà chìi tùʼ aŋghəa ghàʼ ləə̄m tsuʼ ù ne wəla a kwo enyəa Yɛso Kə̀lestò lo bùghòo a te aŋ ghùe u kədə̀ŋ. Yɛso Kə̀lestò wən lo Zə̀ kə sɛ̀ kə̀ ghaʼa ko àsùghò Bəghambī ù sɛ̀.

Hibùlù 1:3

Ù dèe wò nyəghaan zəla e lo an səghanyəgha ŋ Kə̀zə̀, vʉ̀a ù bɔɔ̄m fweēn ko Zə̀ kò, ghəa ù kwu kele mbī an daʼa kə shwaʼ u wə̄n. A m bùghò ù ghəə̄ŋ tsughu enyəa Zə̀ kə̀ ghuūw maʼà bòo tə aghì, ù n doʼò tsùghù aŋ kwe u Kwîfɔ̀e ù təma wo alo kəwālā.

Hibùlù 12:2

Bùghò nlò sɛ̀ bɔɔ̄m naŋa ndûw kô sə e sɛ̀ a zəŋò Yɛso, à lǒ wə̄n ù fə̀ ghəŋlo enyəa sɛ̀ boō fughu â Zə̀ kò, vʉ̀a ù yòso enyəa boo e sɛ̀ zə̀ è tughuu. Ù ŋ kɔlɔ tsughu ko fə̀ŋ alekpuw alo kədàŋlo. Ù ka fə də̂nsò dzə̀ tuw ko aŋ ghəa a te gho, bòʼ ù fə̀ kwo duʼn kəla kə lo â sə ko, vʉ̀a ù gaʼ doʼò tsughu aŋ dàŋ è wə̄n aŋ kwe u Kəzə̀ ù təma wo alo kəwālā.

Dzɛ̂ms 1:16

E kwo ko fəgha kə lô tsêe ghɛ a waazə̂ a fə̂ŋ ghaŋa gho.

Dzɛ̂ms 1:19

Waazə̂ ghaŋa gho, Ǹ ləghaa enyəa ghɛ̀ kele tsughu ghəa ghən gho, tò chìa è mbaa zuuw niī ghəa zo, tò ù è ka e chwaa kəaa ghəa gho, ù e ka è laŋā pfʉso sugho nʉghà wò.

Dzɛ̂ms 2:3

ghù vʉ̀a ghù tɔ̀ʼɔ̀ lɛɛ̄n ndûw ko ghùw wəla ù ki ndzʉ tə wən è tughu zo, dzɛ̀ â wə̄n enyəa, “Dòʼo kɔʼ wò ènyə a mughùbè.” Kuuwn dzɛ̀ â ghùw ù lǎa vʉ enyəa, “Tee tsughu fì.” Ŋkāa, “Dòʼo wò fɛ a ghueetsə̄ a tsəla efwee zaŋā.”

Dzɛ̂ms 2:9

Abugho ghɛ̀ kuūwn dêe alo kəsì, ghɛ̌ fi ghəŋlo èbo nù, ghe ŋ ghɛ̀ taŋ enyəa ghɛ̀ n làŋ kə̀ zaʼ;

Dzɛ̂ms 3:17

Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

Dzûd 1:16

Ghî ghən kwo ko alenyuūŋ kə̂a àghəa, àsùghò alekəŋ utsû â ghì à li gho, ghe ndûuw ko aŋ ghəa a ghee à biigh ghəla fə̂ŋ tə ghee tə ləghaa. Ghe tsɔ̂ɔ kǎaŋ tə̀fə̀ŋ aŋ ghùe e ghee, ghî ghən ki dzughu è kpəŋo zo alenɔɔm zəa ghî gho a te.

Edêe Fughu 14:12

Zən lò ghəa zəla e dê tsughu enyəa ghî a Kəzə̀ à zɔlɔ a ki alekɔlɔ tsughu təfə̂ŋ, tɔ̂ɔŋ ghì ghəla ghe naāŋ lâŋ kə Kəzə̀ kò, gaʼ sùgho fə̀ŋ è ghee a zəŋò Yɛso.