Dzɛ̂ms 1:4 - To kə Kəzə̀ kə̀ Fughu ko

⁴ Ghɛ̀ ka tsughu ko nlò zə zo êzə̀, tò ghɛ̀ noo kpe tsughu, fə̂ŋ tɛʼɛ tə nɛɛ̄ tsughu, ghɛ è laʼa yo fəgha kə̀ li ko.

Dzɛ̂ms 1:4 Iomraidhean Croise

Matìo 10:22

Ghî ghə̀n à dzə̀m ke e baā ghɛ enyəa so à lò ghəa zaŋa. Yia a bugho ghùw wəla ù kuūwn kɔlɔ tsughu ko fə̀ŋ ndùw tɛ̀ è nduw, ù lo zəa nù tuw ko.

Matìo 19:20

Ghùw vʉ n dzɛ̀ â wə̄n enyəa, “Ǹ naaŋ nù lwâŋ wə̀n wo ù dzə̀m; à è zəŋ buw mugho â kwò kò à?”

Matìo 5:48

À fi lo enyəa ghù kì aletèlè doʼò tsughu tsəghatsəgha, tò Tsùghò alo kəwālā lô tsəghatsəgha.”

Mâk 10:21

Yɛso n lɛɛn ko wə̄n enyə, è ləgha, dzɛ̀ â wə̄n enyəa, “Ghù làʼà èghəa è mɔ̀ʼ, ndǔw fěe tsughu fʉgha wəla ghù ki u dzə̀m, ghù dzughuu fughu nduw kua u te wo â ghì à laa gho, ghù lo e kūu alo kəwālā; ghù daŋso bugho doʼō ghàʼ à ghù; ghù è lo tsə̀ndə̄ghā zaŋā.”

Lûk 18:22

Yɛso n zyənlo è ko, dzɛ̀ â wə̄n enyəa, “Ghəa e nāam buw e mɔ̀ʼ. Fěe tsughu fʉgha wʉ̀a wò u dzə̀m ghù dzughuu fughu nduw kua u te wo â ghì à laa gho, ghù doʼo wo ghàʼ à ghù, ghù ke e kūu alo Kəwālā.”

Lûk 21:19

Abugho ghɛ̀ kê kɔlɔ̄ tsughu fə̂ŋ tò, ghɛ̀ ke zə tuw ko.

Lûk 8:15

Yia a bughò ghəla an lùʼu kə̀ foōn ko, à lò ghəla ghe zuw tsughu shwaʼ u te wo, ghe n nyɛ̀ nì kɔ̀ʼ an zumso kə fə̂ŋ kə ghee kə̀ dzûŋ kò, wə m bùghò fughu kɔʼ kətam, aŋ ghùe zəla ghe zumso tsughu a te.

Dzɔ̌n 17:23

Yìa Ŋ̀ gɔ̂ŋlo enyəa mùghò è lo fəgha ko kə mɔ̀ʼ ghàʼ à ghee tò aŋghəa ghù lò fəgha ko kə mɔ̀ʼ ghàʼ ghù, enyəa ghe e tɔ̄ʼ ti tǒ ghùw u mɔ̀ʼ, to mbī lo zuūwkɛ̄lɛ̄ enyəa a mùghò tum wò ghù, àsùghò enyəa ghù ŋ ghe ləgha to aŋghəa ghù ləghaa mugho a te.

1 Kòlentìan 2:6

Ŋ̀ ŋgəəŋ kə̀aa ko nù tɔ wo ghàʼ à ghê ghì ghəla ghe nɛɛ̄ tsughu aŋ ghəa a Kəzə. Zən kuūwn yò dzə̂ tɔ e ghì a mbī zo ŋkāa tɔ zəla ghî ghəla ghe saʼa tuw u aghì wò fɛ am mbī ki, ghî ghəla ghe ki aletsəghàa mîaa.

Gàlashìan 6:9

E kwo ko sɛ̀ lô so e bughuu kòom nù aleghə̂əŋ ghəa à dzûŋ ghò, tɔŋlo enyəa abugho nəgha e te e lo kpē tsughuu, sɛ̀ lo kele nù namso ko abugho sɛ̀ doʼŋkè kôom ghɔ̂ɔn wò ebàm.

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

1 Tɛ̀sàlonìan 5:23

To Zə̀ kəla kə fughu bughun zo mô tɔʼɔ̀ ghəə̄ŋ tsughu enyəa ghɛ̀ è zɔlɔ, wən à mughu ko: to ghue zɛʼɛ, zuʼ tɛʼɛ àsùghò gwən e ughùe zɛʼɛ zo mô kì yo dzʉ ù li wo alebùghò tâa wô an tsuʼ fəla Mughu ù te Yɛso Kə̀lestò kè bugho a te ebàm.

2 Timotì 3:17

Zən lǒ dzì è Kə̀zə̀ aletughuso ghùw ù kə̀fwàʼ ù wə̄n alo aghəa a dzə̀m, aŋghəa ù lǒ tò ù è fwaʼā fwàʼ ù dzûŋ wə̀n ù dzə̀m.

Hibùlù 13:21

mô fughu ghɛ â fʉgha ù dzûŋ wə̀n ù dzə̀m, tò ghɛ̀ è bwiī nduw an dzə̂ è wə̀n. Kə è fwaʼā ghəa gho a zəŋò sɛ̀ am bàm e Yɛso Kə̀lestò, ghəa ghəla a ghəŋlo enyəa fə̀ŋ e wə̄n duʼnlo a te. To sɛ̀ mô fughuu Yɛso Kə̀lestò â kɔʼso məla n dòʼò tən. Zə e lo ko êzə̀.

Dzɛ̂ms 1:5

Abugho ghùw wɛʼɛ ləghaa alekele ùtɔ [am fəgha kəla Zə̀ kə̀ ləghaa], ù m bvʉ̀ ndùw â Zə̀ kò, Zə̀ kə̀ sô fùghuu nù, tɔŋlo enyəa, Kə bughuu â ghu ko, fughuu ghì ghə̀n à dzə̀m â fʉgha wo mò Kə sə̂əm yò.

Dzɛ̂ms 3:2

Sɛ̀ a dzə̀m mǔuwn nɔʼɔ dàŋà tsə̀ghà nù. Abugho ghùw kuūwn nɔʼɔ̄ yo aŋ ghəa a wə̄n à kəaa gho, ù fi lo ghûw ù tsəghatsəgha, ù lò sugho nû alenaŋso ghuw kə ebwìi kə wə̄n ko.

1 Pità 5:10

Àsùghò abugho ghɛ̀ tsûuŋ fala tsughu aŋ kə̀mà fə enə̀gha, Zə̀ kəla kə ki se e kwuso zo, kəla ke mò tɔŋɔ̄ nyə wô ghɛ an səghanyəgha ŋ wə̄n məla n dòʼò tən, bòʼ sɛ̀ lô fəgha ko kə mɔ̀ʼ sɛ̀ à ghê Kə̀lestò, lo kôʼ enyəa ghəa ghɛʼɛ a dzə̀m ghə ŋ kòom dòʼò kədzûŋ — boo zɛʼɛ zə e tughuu sugho — Kə lo fughuu sughò ghɛ̀ â daʼa ko, ghɛ̀ e tɔʼ ti sugho.

2 Pità 1:9

Lò êzə̀, abugho ghùw ki yo ghəa ghə̀ è ghə̀n, à fi lo enyəa ù lǒ tǒ ghùw ù fǒo; ù kòʼòkɛlɛ̄ yo ghəa gho, nìzə̀a tsùghu enyəa ghe maā sûw màʼà bôo tə ghee təla ghe fə ghəə̄ŋ tsəghà dzə.