Dzɛ̂ms 1:27 - To kə Kəzə̀ kə̀ Fughu ko

²⁷ Ghəa e Kəzə̀ zəla Tsele ù te, Kə̀zə̀ nìi enyəa e ki yo dzʉ wo, zəa e lô tsəghatsəgha lò enyəa; alelɛnlo â waatsʉ gho àsùghò yiikpūw gho am fala e ghee, àsùghò enyəa e kwo ko ghəa a mbī a lô so e dzəso ghùw.

Dzɛ̂ms 1:27 Iomraidhean Croise

Matìo 12:32

Ghùw wəla ù boōn zən e Wɛ ù Ghùw zò, to Zə̀ kə̀ ghuuw maʼà ghea a te gho; wəla ù kuūwn sûuwn zən e Zuʼ tə̀ Zɔlɔ to, Zə̀ kə̀ lo zə̀a yǒ bôo tə ghùw ù te to, to mbī kê bughò mîaa.”

Matìo 5:8

Dzɔ̀ lò â ghì ghəla ghe ki fə̂ŋ tə̀ zɔlɔ to, tɔŋlo enyəa ghe lo kòʼò nǔ Zə̀ kò.

Lûk 1:6

Ghe m mughu tsəgha an làŋ kə Kəzə̀, lò tsəghatsəgha an sə kə Kəzə̀.

Lumà 12:2

Kà nlo kôom mùghù dzə̀ an dzì zəla ghî a mbī a mughū a te, zə̀ghàa tsugu nlò tò Zə̀ kə̀ kuūwn kɔʼ fə̂ŋ tɛʼɛ, tò ghɛ̀ kele moʼnlò è fughu zo. Ghɛ̀ è ke lo aledaŋso kelê fəgha kəla Zə̀ kə̀ ləghaa ghè kò — ghɛ̀ e kwo ghəa è dzûŋ zò, zəla e lô tsəghatsəgha, àsùghò zəla e lo aleghəŋlo enyəa Zə̀ kə̀ e duʼnlo a te.

Lumà 2:13

Tɔŋlo enyəa a yo dzə̂ ghî ghəla ghe zhəən ko lâŋ kò ghe lô tsəghatsəgha an sə kə Kəzə̀, à lǎam lò ghî ghəla ghe naaŋ lâŋ kò ghe lô tsəghatsəgha an sə kə Kəzə̀.

Gàlashìan 1:4

Yɛso Kə̀lestò wən fə̀ zuw nduw â Tsele ù sɛ̀ tɔɔŋ Kə̀zə̀, ù m boo tsughu alekpuw an tuw u sɛ̀ bòʼ bòo tə sɛ̀, alebəghaasə sɛ̀ aŋ ghùu mwàm è biigh zən fɛ am mbī.

Gàlashìan 3:11

E zɔlɔ nù êzəŋ enyəa ghùw yò dzə̂ aledòʼò tsəghatsəgha a vʉ̀a Zə̀ kò bòʼ enyəa e ŋge kwo alenaŋa kə̀làŋ. Nu ghe tɔm naŋa am mwàʼsò kə Kəzə̀ enyəa, “Ghùw wəla ù lò tsəghatsəgha lo mùghùun nù bòʼ ù bǒo fughu tsughu â Kə̀lestò.”

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Gàlashìan 6:14

Yia a bùghò, Ŋ̀ ki ko aletsɔɔ̄ fə̀ŋ an dǎaŋ kə Mughùbè ù sɛ̀, Yɛso Kə̀lestò. Ghəa a mbī a dzə̀m à lo kənughùnu â mùghò, yìa à lǒ tò mùghò m kpuw â ghəa a mbī gho.

Efɛsùs 2:2

aŋghəa ghɛ̀ mò boʼ mughù tsəgha a te to ghî a mbī gho, ghɛ̀ m bwîi an lwàŋ u də̀ŋ kə zʉ̀ u biigh wəla u lo kaŋlo edzūŋ alo kəkwɛ̌ɛ, də̀ŋ kən lo zʉ̀ ù biigh wəla u fwaʼā ezəŋ a zəŋò ghì ghəla ghe tsughòsò maʼn Zə̀ kò.

1 Timotì 1:5

Ghəa è səŋò zəla M̀ fughuu wô ghû â làŋ kən ko lo enyəa to kə mô lò aleghəŋlo ghî a Kə̀lestò ghə̀ e ləghaa ghue ghee zo; ŋgòʼ è ləgha zəla e səā wo am fə̂ŋ è zɔ̀lɔ, à mòʼnlò è dzuŋ zò, Abugho ghe ləghaa ghue e ghee zo enyə, e fi dêe nù enyəa ghe ŋ kùm bǒo fughu â Kə̀lestò.

1 Timotì 5:4

Zə e sô kuuwn lô enyəa abugho wìikpuw ki wɛ gho ŋkāa wɛ awɛ gho, ghəəŋ tsughu enyəa ghe kele tsughu enyəa ghe ki alebùʼù kaʼ tsughu alefwàʼ fwàʼ kə Kəzə̀ a lǒ ghee an ndughu, enyəa ki alelɛnlo â ghè tsele ghèe ghê zə̀, tɔŋlo enyəa ghən lò ghəa ghəla a dzɔɔ̄ an sə kə Kəzə̀.

Taetùs 2:12

Dzɔ̂ e Kəzə̀ zən zoʼn wò sɛ̀ enyəa sɛ̀ tuū maʼà tsughu mughùu zəla à yò dzə̂ mughùu e ghì a Kəzə̀ zò, a ka fə̂ŋ tə̀ gaʼ sùghò am fʉgha u mbī wo, àsùghò enyəa sɛ̀ è naŋso tsughuu kə ebwìi kə sɛ̀ kò aŋ ghəa a sɛ̀ à ghəəŋ gho, sɛ̀ è ki fə̂ŋ tə̀ dzûŋ tò, mùghù sugho aŋghəa Zə̀ kə̀ ləghaa enyəa to a mô mùghu fɛ a te am mbī zən.

Dzɛ̂ms 3:17

Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

Dzɛ̂ms 3:9

A fughuu ŋkɔʼso â Tsele ù sɛ̀ ghèe Mughùbè ù sɛ̀ an nom kə te ko, yìa à lò sugho an nom kə̀ mɔʼɔ̄ kə te ko a nîi sûuwn ghî gho a te, mò à lò aghî Zə̀ kə̀ bɔm tsughu am fwêen kə wə̄n.

Dzɛ̂ms 4:4

Ghɛ̀ ghî à səa ndzaŋa gho, ghɛ̀ kwo yo enyəa ghî ghəla ghe bwîi fwən wo ghèe ghê fʉgha u mbī wo lo ghî a kətuw a Kəzə̀ a? À fi lo enyəa, ghùw wəla ù mòʼnlo alebwiī fwən wo ghèe fʉgha u mbī wo fi doʼò dzə ghùw ù kə̀tūw ù Kə̀zə̀.

2 Pità 1:4

An dziī zən, Ù n lueso to kə wə̄n kə̀ ne kela ù fə̀ to naŋā, fughù wo sɛ̀ â ghəa à səŋò ghò. Ghea à səŋò a te yia a ghəŋlo ghɛ̀ yia ti nughù sə wo aŋ ghəa à biigh ghəla gwən e ùghùe e leghāa, enyəa to ghɛ̀ mô mùghù mughù è zɔlɔ zo.

2 Pità 2:20

Abugho ghî à lo mo ghe n tì zə̀ghà sə̀ wò bo e mbī zo aŋ ghəa ghe kele tsughu Mughùbè ù sɛ̀, tɔɔŋ Bəghambī Yɛso Kə̀lestò, ghe yìa kôom bughô fwə̂n kpeʼe ndûw kɔ̂ wò â bo e te zo, ghe bo tsə̀ghàsə̀ ghəa ghe fə̀ bûʼ lò tsəghà a te aŋghəa ghe fə̀ lo mo ghe kaām kele səŋò zò.

2 Pità 3:14

À fi lo enyəa fən ghaŋa gho, aŋghəa ghɛ̀ ləə̄m tsuʼ fən fo, də̀ma tən tsughu nlò aleghəŋlo enyəa ghɛ̀e e zɔlɔ, ghɛ̀ è ki sugho yo nùʼ tò a sə̀a Zə̀ kò, lò sugho alo ebughunlo ghɛ̀ à ghee.

1 Dzɔ̌n 5:18

A kwo nû enyəa wɛ ù Kə̀zə̀ ù li yo ù ki aleghə̂əŋ ndûŋlò èbo, bòʼ enyəa Wɛ ù Kə̀zə̀ chìin nǔ wə̄n. Daʼa kə avʉatsə̄a chia kə yo sugho alemɔ̀m wə̄n.