Dzɛ̂ms 1:25 - To kə Kəzə̀ kə̀ Fughu ko

²⁵ Abugho ghùw kuuūwn tɔ̂ʼ naŋa tsughu tuw ko an làŋ kə̀ səŋò kò, lâŋ kəla kə bəghaasəa ghî ghò, Zə̀ kə̀ lo bughuso nǔ ghùw ù te, abugho ghùw ù te fwàʼà səā ndûw ghəa a te gho mò ù zə̌ən ko yo (ghəa ghəla lâŋ kə te deē) an tùʼ è zəən zo, nìi zə̀a ndùw.

Dzɛ̂ms 1:25 Iomraidhean Croise

Lûk 11:28

Yɛso m fwə̀n dzɛ̀ tsùghù enyəa, “Dzɔ̀ lǎam lò ghî ghəla ghe zuw shwaʼ ù Kəzə̀ wò, bwìi ndùw an tsə̀n tə te to.”

Dzɔ̌n 13:17

Êzə̄ŋ wəla ghɛ̀ kwo səŋò zən zo, Zə̀ kə̀ lo fughuu ghɛ̀ â bughun zo abugho ghɛ̀ dêe ndûw səŋò e te zo am fwàʼ kɛʼɛ.”

Dzɔ̌n 8:36

À fi lo enyəa, abugho Wɛ ù Ghù zè zəghàa ghû, ghù fi kùum nɔ̀sə̀ nû, ghù n lo fwè.

Kə̀fwàʼ 13:43

A m bùghò dzeŋe kə ndùghùne kə sɛ̂ɛ tsughu, ndə̀mà tə ghì a Dzudà, à ghì ghəla ghe fə̂n doʼò wô Dzûu tò, ghe n sə̀ dzùum ndùw ghê Pôl, ghe ŋ kə̀aa àghəa â ghee dzɛ̀ â ghee enyəa ghe doʼò təla tsughuu ko am mwàʼ e Kəzə̀.

Kə̀fwàʼ 2:42

Ghe n tēe ten tsughu ko alezuuw tsʉ̂ è tətum zə̀ àsùghò aŋ ghəa a ghee à ghəəŋ dzəəŋ gho, zəa dzəŋlo, gɔ̀ɔŋ dzə̌əŋ sùghò.

Kə̀fwàʼ 26:22

Alebùghò sə nɛ, M̀ mughu mò à mùghò yosò Kə̀zə̀, zən lò e ghee Ǹ ti fɛ, tesô dzàa wò ghəa ghən â ghì ghə̀n à dzə̀m, ghî a ulwə̄n àsùghò ghì à səŋò ghò. Ŋ̀ kə̂aa dzə̀ yò ghəa è fughu è li zo, M̀ bɔɔm kə̀aa kô fəgha kəla ghiīshʉ̀ghà a Kəzə̀ a fə̀ dzɛ̂ naŋā ghèe ghê Musî enyəa kə kê bùghò sə̌aa nù.

Lumà 11:22

Kòʼ nlò dzɔ̂ e Kə zə̀ zo àsùghò aŋghəa kə ŋgɛlɛ a te: Zə̀ kə̀ kwo sugho alefɔeso ghì ghəla ghe lo mo ghe ŋ ghəəŋ bonlo. Dzɔ̂ è Kəzə̀ zə e kuuwn lo â ghɛ̀ abugho ghɛ̀ ghəəŋ dzə̂ ghəa ghəlà kə leghāa enyə ghɛ̀ e ghəŋlo, buw èzə̀, Zə̀ kə lo alefàa maʼà səa tsughu wô ghɛ̀ tǒ kwèe kə fəkàʼ.

Lumà 2:13

Tɔŋlo enyəa a yo dzə̂ ghî ghəla ghe zhəən ko lâŋ kò ghe lô tsəghatsəgha an sə kə Kəzə̀, à lǎam lò ghî ghəla ghe naaŋ lâŋ kò ghe lô tsəghatsəgha an sə kə Kəzə̀.

Lumà 7:12

À fi lo enyəa lâŋ kə̀ lo fəgha kəla kə zɔlɔ̄. Lâŋ kə Kəzə̀ chia kə zɔlɔ, lò tsəghatsəgha, dzɔ̀ɔ sùghò.

Lumà 8:15

Tɔŋlo enyəa Zuʼ təla Zə̀ kə fughu wo â ghɛ̀ ghə̂əŋ dzə̀ yo enyəa ghɛ̀ doʼò tsughu kɔ̂ wò tò ghɛ̀ è kòom tsəŋo ghəa gho; tə laam ghəŋlo enyəa ghɛ̀ dòʼo tsughu wɛ a Kəzə̀ gho. À lò Zuʼ tə Kə̀zə̀ tə te to tə ghəŋlo enyəa, sɛ̀ è nughuun diī ndùw â Zə̀ kò enyəa; “Bàba! Tsele waŋa!”

Lumà 8:2

Daʼa kə Zuʼ tə̀ Zɔlɔ kəla tə fughu mughù zò, kə m mùghò zê zə̀ghàa am bàm e Kə̀lestò Yɛso aŋ ghù daʼa kə ebo kəla è nîi wô vʉ zo.

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.

2 Kòlentìan 13:5

Lɛɛn tsughu nlò ghue zɛʼɛ zo ghɛ̀ koʼ enyəa ghɛ̀ naam gaʼ ko nǔ fə̀ŋ a zəŋò Kə̀lestò a. Mɔ̌ɔ kòʼo tsughu nlò ghue zɛʼɛ zo. Ghɛ̀ koʼòkɛ̀lɛ yo enyəa Yɛso Kə̀lestò lò a zəŋò ghɛ̀ à? À gɔ̀ʼɔ̀ mò ghɛ̀ mɔ̂m kè nù, kòʼ tsùghù enyəa ghɛ̀ m bvʉ̀ kòmlò!

Gàlashìan 2:4

Ghəa à sughoo a kətigh ghən fə̀ sə kɔʼ wo bòʼ ghî ghə agha à li gho ghe fə̀ ŋgaām nyə wo am bvʉa e ghì a Kəzə̀, ghe n nɔmlo agha enyəa ghe lo ghî a Kəzə̀. Mo e ghee e fə̀ lo ko alebùghò tsêen kôʼ ndzə̀m kə emùghùu kəla a mughu aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò Yɛso. Ghî ghə agha a te ghə n ləghaa enyəa ghàʼ doʼò tsughu ukɔ̂ a bàâ bughōo kə Tə̀dzûu kò.

Gàlashìan 5:1

Kə̀lestò mafə sɛ̀ zue sə enyəa sɛ̀ ka kôom fwàʼ sùghò kɔ̂ ko a tsəlā làŋ kò. A fi lo enyəa ghɛ̀ ki alefəghaan tɔʼɔ̀ tēe, e kwo ko ghùw wɛʼɛ lǒ so e bomlo alefwàʼà kpeʼe kə̀kɔ̀ a tsəlà làŋ kə̀ loʼ ko.

Gàlashìan 6:2

E yoso nlò ghue zɛʼɛ zo alebòʼò mbùŋ kə waazə̂ ghɛʼɛ. Abugho ghɛ̀ ghəŋlo êzə̀, ghɛ̌ fi luesô làŋ kə Kə̀lestò.

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

1 Timotì 2:15

Wìzən kè tuw kə fɛ̀ kuuwn zəa ko aŋghəa ù dzəa wô wɛ gho àsùghò abugho ù zuŋu tsughuu dzə̂ ghue wo, gaʼ tsughu fə̀ŋ a zəŋò Zə̀ kò, mùghù sugho mughù e zɔlɔ zo an tsəŋ e Kəzə̀.

1 Timotì 4:16

E nîi ghôm zò a m ghùe wʉ̂a àsùghò an tsʉ zəla ghù zoʼn ghî gho a te. E ti ko a te, nu abugho ghù ghəə̄ŋ dzə êzə̀, ghù lo bəghasə ghùe wʉ̀a wò àsùghò ghì ghəla ghe zuūw â ghù.

Hibùlù 12:15

Də̀ma tsughu nlò enyəa e kwo ghùw wɛʼɛ u mɔ̀ʼ lo bvʉ̂a səā mò ù kà kèle dzɔ̂ e Kəzə̀ zò. E kwo ko ghùw wɛʼɛ u mɔ̀ʼ lò doʼn tsughu nâŋ kə biigh ko am bvʉa zɛʼɛ, kəla kə lo aleghəŋlo unwâŋ u dzə̀m fîaa.

Dzɛ̂ms 2:12

Ghɛ̌ fi ki alekəaa ghəa gho, fwàʼà ndùw sùghò tò ghî ghəla ghe lo saʼā ghee an làŋ kəla kə ghəŋlo enyəa ghî à zə kətuw.

1 Pità 2:16

Mughu tsughu nlǒ tò ghî ghəla ghe mughu ndzə̀əm kə emùghù kò; e kwo ko ŋgòʼ e èmùghù zən lo sô e doʼn tò kəndzə̀ghā â ghɛ̀ aleghəəŋ bo zo, e kuuwn mughu nlò tǒ kɔ̀ɔ ŋ Kə̀zə̀.

1 Dzɔ̌n 2:24

Ghǒom tsughu nlò enyəa, fəgha kəla ghɛ mò zuw alekaʼa nughù wô aŋghəa ghɛ̌ fə̀ boō fughu tsughu â Kə̀lestò, kə doʼò tən a zəŋò ghɛ̀. Abugho kə doʼò tən a zəŋò ghɛ̀, ghɛ lo e ti ghuw ko kə mɔ̀ʼ ghà à ghê Wɛ àsùghò Tsele ù te.

Edêe Fughu 14:13

Mùghò mo e daŋso zuw dzə̀ è lì è dzâa tsughu wo alo kəwālā enyəa, “Tɔm naŋa tsughu ghəa ghən gho: Dzɔ̀ lò ghî a kpuuwn ghəla ghe mò kpuw aŋ ghəa e Mughu ù te alenìi nughù tsughu êzəŋ.” Zuʼ tə Kəzə̀ tə̀ dzɛ̂ enyəa, “Dzɔ̀ kùm lò â ghee, enyəa to ghe mô zʉ̂ʉn tsughu am fwàʼ kəla ghe fwaʼ, nu fwàʼ kə ghee kə ndûw dzə̌əŋ ko ghèe ghee, dêe wò fəgha kəla ghe lo ghè kò.”

Edêe Fughu 22:14

Dzɔ̂ lò ghî ghəlà ghê sûuw zɔnso tsugh dalà tə ghee to enyəa ghe e ki daʼa ko alekwɛ̀ɛ zə tam kə fəkàʼ aŋ kàʼ fəla fə fughuu mughu zò, ghe e lo sugho aletsə̀ghàa nyə am fu e ughɔŋ zə naʼ e te zò.