Dzɛ̂ms 1:21 - To kə Kəzə̀ kə̀ Fughu ko

²¹ À fi lo enyəa ghɛ̀ ki alezə̀ghàa maʼà dzə̀adzə̀ tə bòobò tə aghəa tɛʼɛ̄ tə te to, ghɛ̀ ni ŋgɔɔm naŋa wo shwaʼ wəla Zə̀ kə̀ dzə̂n naŋā am fə̀ŋ tɛʼɛ, mo u ki kədaʼa alebəghaasə ghɛ.

Dzɛ̂ms 1:21 Iomraidhean Croise

Matìo 5:5

Dzɔ̀ lò â ghì ghəla ghe zʉ̂ tsughu ghue zo, tɔŋlo enyəa ghe lo kele nù fʉgha wə̄n ù dzə̀m Zə̀ kə̀ to naŋā â ghee.

Dzɔ̌n 6:63

À lò Zuʼ tə Kəzə̀ tə fughuu ghùw â mùghù zò, gwən e ughùe ki yo ghəa è li zo aleghəŋlo. Shwaʼ wəla Ǹ tsɔ̂ɔn tsughu fɛ â ghɛ̀ lò Zuʼ tə Kəzə̀ təla tə fughuu ghɛ â mùghù zò.

Dzɔ̌n 6:68

Sàemòn, tɔɔŋ Pità m bɛ̀lɛ̀ tsùghu wə̄n enyəa, “Mughubè, ghàʼ lo alekòom ndûw a vʉ̀a ndùghò à? Shwaʼ wʉ̀a ù ki mughù zəla e doʼò tən.

Kə̀fwàʼ 10:33

Mùghò n daŋso tum tsughu ghùw enyəa ghe mbaā bughò tɔŋɔ̄ fughu ghû, ghù vʉ̀a ù tso ŋge dzɔ̂ sugho, è bugho. Ghàʼ fɛ êzəŋ lo nû, an sə kə Zə̀, alezəə̄n mɛʼɛ̀ ghəa ghə̀n à dzə̀m Mughubè ù te dzɛ̂ enyəa ghù kəaa wo.”

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Lumà 1:16

Ǹ də̂nsò yò tuw ko alezughò Làbəlà è dzùŋ zən kùu ndùw Kə̀lestò, tɔŋlo enyəa à lǒ dzì zəla daʼa kə Kə̀zə̀ kə̀ bəghaasəa ghî ghən a dzə̀m ghe lo mo ghe m boo fughu â wə̄n, mò kə nî nùghù tsùghù a zəŋò Dzûu tò bughò tɛ̀ wò a zəŋò Tòʼò zò.

Lumà 11:17

A nî tsughu enyəa ghe bvuʼn nùghù tsùghù kwèe tə̀ li to aŋ kàʼ fə̀ Olèf fə enaʼ fo, ghe yia ndûw nîi wò kwèe kò aŋ kàʼ fə Olèf fə ŋgwən fo, bùghò nyùŋ naŋa nyə̀ wò aŋ kàʼ fə Olèf fə enaʼ fən. Ghɛ̀ Toʼò è lo tò kwêe kə kàʼ fə Olèf fə ŋgwən fo, ghɛ̀ yia mùghù mughu zəla Zə̀ kè ləghaa êzə̄ŋ, zəla Dzûu tə̀ fə̀ mughù tsəgha.

Lumà 6:17

E sô kuuwn lò ko enyəa, a fughu kəzɔ̀ŋlò â Zə̀ kò enyəa ghɛ̀ ghəla ghɛ̀ mo bûʼ lô tsəgha kɔ̂ wò â ghəa a biigh gho, ghɛ̀ bwîi nù aŋ ghəa ghəla ghî ghəla ghe mo zoʼn ghɛ a te fə̀ fughu naŋa â ghɛ̀.

1 Kòlentìan 15:2

Zən lǒ làbəlà zəla è lo ghəŋlo Zə̀ kə̀ lo bəghāsə̄ ghɛ, abugho ghɛ̀ tɔ̂ʼ kwu kele tsughu shwaʼ wəla mùgho mò bugho naʼa, buw êzè, à f lo enyəa fəgha kəla ghɛ̀ moʼò enyə ghɛ̀ mò boo fughu a te fi lo kènughùnùghù.

2 Kòlentìan 7:1

Waʼāwaʼ, ghəa sɛ̀ ki dzə̂ to kəla Zə̀ kə̀ to naŋā â sɛ̀, bùghò nlò tò sɛ̀ nîi nughù ghu kə sɛ̀ aŋ ghəa ghə̀là à dzə̀m a lô aledzəsô ghue e sɛ̀ àsùghò fə̀ŋ tə sɛ̀ tò, a ghəə̄ŋ tsughu enyəa sɛ̀ mughùu tsughu mughùu è zɔlɔ zəla e kɔʼkpē mo a tsəŋo ndùw Kə̀zə̀.

Efɛsùs 1:13

Kə̀lestò n dê wò sùghò ghɛ̀ â səŋò zò, mò à lo làbəlà ê dzuŋ zəla è zoʼn ghɛ an dzì zəla ghɛ lô alezə kətuw a te. Ghɛ m boo fughu ndùw â Kə̀lestò, Zə̀ kə̀ fughu wò ghɛ̀ â zuʼ tə zɔlɔ təla Zə̀ kə fə̀ to naŋa, aledè tsughu enyəa ghɛ̀ e zəŋ lo ghî a wə̄n.

Efɛsùs 4:22

Zə̀gha màʼa nlò mughù è wii zəla ghɛ̀ mò bûʼ mughù tsəgha ghè zò, mughù e te e mò seē məŋso ghɛ, ghɛ̀ ŋ ghə̂əŋ ghəa ghəla a wiīn ghɛ alo fətsə̀tèʼè.

Efɛsùs 4:25

Ghəa e lo èzəŋ enyəa ghɛ lo ghî à fughu gho, ghɛ̀ ki alezə̀ghàa maʼa gha à kaʼn gho, ghɛ̀ è kəaa səŋo zò an ghùe zɛʼɛ̄ tɔŋlo enyəa sɛ̀ êzəŋ lo alo kə fəgha kə mɔ̀ʼ an zən e Kə̀lèsto.

Efɛsùs 5:4

E kwo ko ghùw wɛʼɛ lò so e ki dzughu e biigh zo ŋkāa alekəaa shwaʼ ù dzəa wo, ŋkāa shwaʼ ù laʼso wo, tɔŋlo enyəa shwaʼ u te u fween yo ghɛ. Ghɛ̀ lāam ki alefughuu zɔɔŋ kò â Zə̀ kò am fəgha kəla kə lo mò kə fwàʼ â ghɛ̀.

1 Tɛ̀sàlonìan 1:5

Tɔŋlo enyəa ghàʼ fə̂ làbəlà è dzùŋ zaʼa zən â ghɛ̀ kaa naʼn wo ko yo an shwaʼ ù zūm wo, làbəlà è fə̀ bugho dzəə̄ŋ ko ghèe shʉ̀ghà wò an daʼa kə Zuʼ tə̀ Zɔlɔ to. Ghɛ̀ mô è zuw, zuwkɛlɛ̂ ghəa a te gho. Ghɛ̀ kwo nû mughù zəla ghǎʼ mò mughu ghè zò aŋ ghəa ghǎʼ mò lo fì sɛ̀, à mò lo aleyòsò ghɛ̀.

1 Tɛ̀sàlonìan 2:13

Ghàʼ yìa fughuu zeē sugho zɔ̀ɔŋ kò â Zə̀ kò bòʼ enyəa shwaʼ u Kə̀ zə̀ wəla ghǎʼ mò naʼà wo â ghɛ̀, ghɛ̀ mafə zuw, è boo, mo ghɛ̀ ka fə nî dzə̀ shwaʼ u te wo tò shwaʼ u ghûw ù lì, ghɛ̀ mò kuūm ni tsughu shwaʼ u te wo enyəa à lò shwaʼ u Kəzə̀, dèe êzə̀ mò à kùum lò u ghee, wəla u fwaʼā êzə̄ŋ a zəŋò ghɛ̀ ghəla ghɛ̀ boō fughu â wə̄n.

Taetùs 2:11

Tɔŋlo enyəa Zə̀ kə̀ n dè wò dzɔ̂ e wə̄n zo â ghì ghò a dzə̀m, aŋghəa Kə lo bəghasəā ghe a te.

Hibùlù 12:1

Ghəa e lo enyəa sɛ̀ ki nu ndə̀mà tə aghì tò ghe taʼ sɛ̀ à ghee, bùghò nlò sɛ̀ zəghà maʼà ghəa ghəla a sêe wo sɛ̀ ebàm àsùghò ghəa biigh ghəla a tughuu doʼn wo a zəŋò sɛ̀, a kaā tsughu ezə alenyəŋ nyəŋ kəla kə lo â sɛ̀ â sə ko.

Hibùlù 2:3

A lo ênzə̂n êzəŋ alesəŋo tîi abugho a dôʼkè gaʼ kətuw aŋ ghəa è səŋò zəla Zə̀ kə fə̀ dzə̂ tsughu alebəghaasə sɛ̌ a? À fə̀ lo ghuūghuè u Mughu ù tè ghùw u sûesʉ alenàʼà wo tum e te. Ghî ghəla ghe fə̀ zuw tum e te n dè wò â sɛ̀ enyəa shwaʼ u te u lo êsəŋò.

Hibùlù 4:2

Tɔŋlo enyəa ghe maā làbəlà e dzùŋ zən â sɛ̀ naʼa wò, to aŋghəa ghe fə̀ naʼà ndûw sugho â wɛ ghə Ezə̀lɛ̂ ghəla ghe fə̀ lo aŋ ŋgwən. Làbəlà zəla ghe fə̀ naʼa nduw â ghee ŋ kè kuuwn kwu eghəa, bòʼ ghî ghəla ghe fə̀ zuw làbəlà e te ka fə nî naŋa dzə̀ am fə̀ŋ tə ghee.

Dzɛ̂ms 4:8

Kuʼn kəŋo ndùw nlǒ a zəŋò Zə̀ kò, Zə̀ kə̀ lo kuʼ kəŋo wô sughò a zəŋò ghɛ̀. Səso nùghu nlò ghu kɛʼɛ ko aŋ ghə̀a à biigh gho, ghî à biigh ghən. Ghɛ̀ suw maʼa sugho nlò fə̂ŋ tɛʼɛ to a ghî a kə̀bàŋàdzə̀m ghən.

Dzɛ̂ms 5:20

ghuw wəla ù ghəə̄ŋ tsughu ghùw ù biigh wə̄n vʉ̀a ù tigh maʼà tsughu ghəa a wə̄n à biigh gho, ù kì alekele tsughu enyəa, ù fi bəghasə̄ ghùw ù biigh vʉ̀ aŋ ghùu vʉ zo. Vʉ̀a ù ghəŋlo enyəa ghe ghuūw maʼà ndə̀mà tə təbòo tə ghûw ù te.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

1 Pità 1:9

Ghəa ghən fɛ dèe wo namso kəla ghɛ̀ ki aŋghəa ghɛ̀ boō fughu tsughu â Zə̀ kò, enyəa ghɛ̀ n tuw kə zə.

1 Pità 2:1

Ghəa e lô enyəa Zə̀ kə m fughu ghɛ â mùghù è fughu zo, e fi lo enyəa, ghɛ̀ kuwnlo nlò fə̀ŋ tɛʼɛ tə̀ biigh to, ghɛ̀ maʼa ghəa a kə̀bàŋàdzə̀m ghò, gha à kaʼn gho, kə̀mʉ̀nlo, ghɛ̀ maʼa sugho nùʼ tò.

1 Pità 2:11

M̀ buʼu kə̀ghu â ghɛ̀ a fən ghaŋā gho, ghɛ̀ tò ghì ghəla ghe bwîin nyə wô nû fɛ am mbī àsùghò ghəla ghe nɔe mughu. Nǐi nùghuu nlò moʼn zɛʼɛ zo am fʉgha wəla gwən e ughùe e ghûw è ləghaa, tɔŋlo enyəa fʉgha u te u tɔɔŋ tsàm a zəŋò ghue zɛʼɛ zo.