Dzɛ̂ms 1:2 - To kə Kəzə̀ kə̀ Fughu ko

² Waazə̂ ghaŋa gho, nǐi tsughu nlò enyəa à lò ghəa è duʼn zo abugho ghəa a mɔ̂msò kaāŋ ghɛ,

Dzɛ̂ms 1:2 Iomraidhean Croise

Kə̀fwàʼ 5:41

Ghəa ghe zəghaà tsughu ndùghù Kaŋsì, ghe n duʼnlo enyəa Zə̀ kə̀ mâa ghee nî tò kəfəgha aleghəə̄ŋ tsughu enyəa ghe fala aŋ ghùu tuw kə̀ dəla ko aŋ ghəa e Yɛso zən.

Lumà 5:3

Zəla e bûʼ tsəgha taʼa zən lò enyəa, sɛ̀ ki aleduʼn sugho am fala e sɛ̀, bòʼ sɛ̀ kwo nû enyəa fala e ghəəŋ nù sɛ̀ n lo alekɔlɔ fə̀ŋ alo aghəa.

Fèlepìan 1:29

Tɔŋlo enyəa, Zə̀ kə̀ kâ ka dè ko ghɛ â dzɔ̀ e wə̄n zo enyəa ghɛ̀ boo ko â Kə̀lestò, à lò sughò enyəa ghɛ̀ ki alefaan sugho bòʼ wə̄n.

Fèlepìan 2:17

Abugho ghe bûʼ nî kwə̂ən tsughu ko kâŋ taŋa to enyəa à lǒ ŋgoʼ zəla ghɛ̀ zuūw bòʼ boo zəla ghɛ̀ ki â Zə̀ kò, Ǹ tsoʼn nù a te, yìa Ŋ̀ ŋgeē duʼn sugho sɛ̀.

Fèlepìan 2:18

À lò sugho eghəla êzə̀ ghɛ̀ ki aletsoʼnlo, duʼn dzəəŋ sùghò sɛ̀.

Kòloshìan 1:24

Ǹ duʼn nù êzə̄ŋ am fala zaŋā bòʼ ghɛ̀, yia a bughô fala zəla M̀ fanlō êzə̄ŋ, Ǹ yôsò alemìasò kɔʼ am fəgha kəla kə fə̀ doʼòdoʼo am fala e Kə̀lestò bòʼ ghue u wə̄n, tɔɔŋ dzeŋe kə ghì a Kə̀zə̀.

Hibùlù 10:34

Ghɛ̀ mò bughoo ghɛ̀ Ŋ̀ ki se è kwuso a zəŋò ghìidughutsaʼ gho, ghɛ̀ m boo nduw aŋ ghùe e ghɛɛn zo enyəa ghe kwuū nughù fʉgha wɛɛ; nu ghɛ mo kwo nu enyəa ghuūghùe zɛʼɛ e ki nû ghəa è səŋò è li zo alo kəwalā, mo e kê tsɛ̀lɛ̀ nù.

Dzɛ̂ms 1:12

Dzɔ̀ lǒ â ghùw wəla ù ka tsughu zə zo abugho ghəa a mɔ̂msò kaāŋ wə̄n, tɔŋlo enyəa abugho ù ghaʼ tsughu ghəa a te gho, ù lo zə e tsɛlɛ̀ aŋghəa Zə̀ kə fə̀ to naŋā â ghì ghəla ghe ləghaa wə̄n.

Dzɛ̂ms 1:16

E kwo ko fəgha kə lô tsêe ghɛ a waazə̂ a fə̂ŋ ghaŋa gho.

Dzɛ̂ms 1:19

Waazə̂ ghaŋa gho, Ǹ ləghaa enyəa ghɛ̀ kele tsughu ghəa ghən gho, tò chìa è mbaa zuuw niī ghəa zo, tò ù è ka e chwaa kəaa ghəa gho, ù e ka è laŋā pfʉso sugho nʉghà wò.

Dzɛ̂ms 5:11

Tò aŋghəa ghɛ̀ mgbaŋ kwo, a nîi enyəa, bughuso e lo â ghî ghəla ghe mò kɔlɔ tsughu fə̂ŋ tò. Ghɛ̀ mafə zuw aŋghəa Dzɔ̂b fə̀ kɔlɔ tsughu fə̀ŋ a te, ghɛ̀ ŋ kòʼ sùghò ghəa zəla Tsə̂ntə̀mbî fə̀ bughò ghəə̄ŋ tsughu, tɔŋlo enyəa Tsə̂ntəmbî kì kəmuwnlo àsùghò se è kwuso zo.

2 Pità 2:9

Abugho e lo êzə̀, à fi lo enyəa Mughu u te kwo nû alebəghaasə ghî ghəla ghe ghəə̄ŋ ghəa ghəla Zə̀ kə̀ ləghaa àsùghò alenìi kûum naŋâ ghì à biigh gho, ghe e ləəm tsuʼ u saʼ wo,

Edêe Fughu 2:10

Kà nlò tsəŋ dzə̀ ghəa è li zo ghɛ̀ lo ki alekùʼù fala tsughu a te. Kele tsughu nlò enyəa vʉatsə̄a a ki alekùʼù nîi dzə̂n ghɛ̀ â li gho an ndùghùtsāʼ, àsùghò enyəa to ghe mô mɔ̂ɔkoʼò tsughu ghɛ̀, ghɛ̀ doʼo an tsù alo ntsuʼu eghə̄m. Gaʼ tsughu ko nlò fə̂ŋ tɛʼɛ to a zəŋò mùghò abugho e lo enyəa ghɛ̀ bùʼ kì ko alekpuw a te, tò Ǹ lo fughuu ghɛ â mùghù zò tò kənamso.”