Dzɛ̂ms 1:19 - To kə Kəzə̀ kə̀ Fughu ko

¹⁹ Waazə̂ ghaŋa gho, Ǹ ləghaa enyəa ghɛ̀ kele tsughu ghəa ghən gho, tò chìa è mbaa zuuw niī ghəa zo, tò ù è ka e chwaa kəaa ghəa gho, ù e ka è laŋā pfʉso sugho nʉghà wò.

Dzɛ̂ms 1:19 Iomraidhean Croise

Matìo 5:22

Ǹ so Ŋ̀ kuūwn dzâa wô â ghɛ̀ enyəa, abugho ghùw bùʼ pfʉso kɔʼ ko nʉ̄ghà wò ghèe wàazə̀, ghe ki alesāʼ wə̄n; ghùw wəla ù sùuwn nduw wàazə̀, ù kì alendùw aŋ kaŋsì, wəla ù dzɛ̀ tsughu enyəa, ‘Làʼsò kə kəfəgha kən.’ Ghuw ù te ki alendùw pfʉ an wə̀n u tsə̀ fə̀ baŋa fo.

Mâk 12:37

Ghuūghùe u Dɛvìd ù tɔɔŋ wə̄n enyəa à lò Mughubè; ù sò kòom lò sugho ênzə̂n wɛ̀ ù wə̀n à?” Ghue zə n nyûum nɛ̀ kə aghì chia kə mò zəə̄n shwaʼ u wə̄n wo.

Mâk 2:2

Ghî ghə̀ n ndùw tsuŋ tsughu fughu enyə, buʼù fə tsəa fə n tə̀ghà fə̀ m buw, kɛ̀sò dzì alebùʼù tsə̀ghàa sə a beē, zə̀ m buw daŋso. Ù ŋ kə̂a ghee â shwaʼ u Kəzə̀ wò.

Lûk 15:1

A fə bugho tsuʼ ù li wo, ghê dzə̀akə̀mwàʼsò n dzeŋe wò a vʉ̀a Yɛso àsùghò ghî à biigh à li gho alebùghò zyə̂ən shwaʼ u wə̄n.

Lûk 19:48

ghe ŋ kuuwn kəŋo kèe ghəa ghe lo alekaʼā tsughu a te, ghî ghə̀n à dzə̀m màʼà boōm fughuu ndûw ko â wə̄n.

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

Kə̀fwàʼ 10:33

Mùghò n daŋso tum tsughu ghùw enyəa ghe mbaā bughò tɔŋɔ̄ fughu ghû, ghù vʉ̀a ù tso ŋge dzɔ̂ sugho, è bugho. Ghàʼ fɛ êzəŋ lo nû, an sə kə Zə̀, alezəə̄n mɛʼɛ̀ ghəa ghə̀n à dzə̀m Mughubè ù te dzɛ̂ enyəa ghù kəaa wo.”

Kə̀fwàʼ 13:48

A m bùghò Toʼò è zuw tsughu ghəa ghən, ghe n duʼnlo, kɛɛ Mughubè ù te bòʼ shwaʼ u wə̄n; ghî ghə̀n à dzə̀m Zə̀ kə fə̀ tsɔʼ naŋā tən enyəa ghe kê zə etsɛlɛ̀, ghe m boo fùghù ndùw à Kə̀lestò.

Kə̀fwàʼ 17:11

Dzûu tən fɛ mò nəəŋ kuuwn mbvuʼū ghəəŋ nû tsə̀ghàtàʼà təla tə mò lo an Tɛ̀sàlonikà, nu ghe mò zəən shwaʼ u te wo alo mmbuuw, tɔ̀ʼn zěe səa kɔʼɔ am mwàʼsò kə Kəzə̀ enyəa ghəa ghən lo to ezə̀ à.

Kə̀fwàʼ 2:42

Ghe n tēe ten tsughu ko alezuuw tsʉ̂ è tətum zə̀ àsùghò aŋ ghəa a ghee à ghəəŋ dzəəŋ gho, zəa dzəŋlo, gɔ̀ɔŋ dzə̌əŋ sùghò.

Efɛsùs 4:26

Abugho nʉghà u pfʉ koʼ ghùw, e kwo ko nʉghà u pfʉa u te lô so e ghəŋlo enyəa ghùw u te ghəŋlo èbo, ù ka boo sùghò enyəa zuw e saŋà mò nʉgha u te u naam pfʉa kò wən:

Efɛsùs 4:31

Ghɛ̀ maʼa nlò nə̀ghà m pfʉa mò, etɔnlo àsùghò nə̀ghà fə̀ tɔɔ fò. Ghɛ̀ bughu naŋa sugho alenyuʼn dəma zee ŋkāa alemaʼn kaaŋ nùʼ tò aŋ ghùe zɛʼɛ̄ àsùghò ŋgòʼ tə aghəa tə biigh to tə dzə̀m.

Kòloshìan 3:15

Bughun zəla Kə̀lestò fughuu â ghɛ̀ lò aledeē nduw ghɛ â fəgha kə̀là ghɛ̀ ki aleghəŋlo, bòʼ Zə̀ kə̀ mò ghɛ̀ fɛ tɔŋɔ enyəa ghɛ̀ bugho doʼo tǒ ghùw u mɔ̀ʼ enyəa ghɛ̀ kele bughuun zən zo, tò ghɛ̀ è fughuu zɔ̀ɔŋ kò â Zə̀ kò.

Kòloshìan 3:8

Zə êzəŋ e lo enyəa, ghɛ̀ ki yo alekoōm ghəəŋ ghəa ghən gho; alepfʉso nʉghà wò ŋkāa ki sugho yo ku ko am fə̂ŋ, kàa aleghəəŋ bo zo, ŋkāa a alemaʼn kaaŋ nùʼ tò, ŋkāa aleki shwaʼ ù biigh wo alo edzughu.

1 Tɛ̀sàlonìan 2:13

Ghàʼ yìa fughuu zeē sugho zɔ̀ɔŋ kò â Zə̀ kò bòʼ enyəa shwaʼ u Kə̀ zə̀ wəla ghǎʼ mò naʼà wo â ghɛ̀, ghɛ̀ mafə zuw, è boo, mo ghɛ̀ ka fə nî dzə̀ shwaʼ u te wo tò shwaʼ u ghûw ù lì, ghɛ̀ mò kuūm ni tsughu shwaʼ u te wo enyəa à lò shwaʼ u Kəzə̀, dèe êzə̀ mò à kùum lò u ghee, wəla u fwaʼā êzə̄ŋ a zəŋò ghɛ̀ ghəla ghɛ̀ boō fughu â wə̄n.

Dzɛ̂ms 1:16

E kwo ko fəgha kə lô tsêe ghɛ a waazə̂ a fə̂ŋ ghaŋa gho.

Dzɛ̂ms 1:2

Waazə̂ ghaŋa gho, nǐi tsughu nlò enyəa à lò ghəa è duʼn zo abugho ghəa a mɔ̂msò kaāŋ ghɛ,

Dzɛ̂ms 1:26

Abugho ghùw tsêe kaāŋ ghue u wə̄n wo enyəa e lo ghùw ù Kə̀zə̀ mo ù nàŋso yo nom kə wə̄n ko, ghəa a Kə̀zə̀ a wə̄n a te ghə ŋ kwuu yo ghəa zo.

Dzɛ̂ms 2:1

Waazə̂ ghaŋa gho, kà nlò kpiī wo e baā aŋghəa ghɛ̀ lo mò ghɛ̀ m boo fughu â Yɛso Kə̀lestò, Mughu ù te wəla ù ki səghanyəgha mò.

Dzɛ̂ms 2:5

Waazə̂ ghaŋa gho, tiso kɔʼ nlò tuw ko edzūŋ, Zə̀ kə̀ kâ shìaa ghî ghəla ghe laā fɛ am mbī enyəa ghe e kuuwn lo ghî à kuu gho aŋghəa ghe gaʼ tsughu fə̀ŋ a zəŋò Zə̀ kò. À lǒ ghee ghe lo ki alezə fɔe wəla Zə̀ kə fə̀ to naŋā â ghì a wə̄n ghəla ke ləghaa.

Dzɛ̂ms 3:10

Yia a nîi dzughu è mɔʼɔ̄ e te zo fughuu Kə̀zə̀ a te â zɔ̀ɔŋ kò, sùuwn sùghò àghì a te. Waazə̂ ghaŋa gho, e ki dzə yo aledòʼò êzə̀.

Dzɛ̂ms 4:11

Waazə̂ ghaŋa gho, kà nlò dzə̀ è bǐigh kele a zəŋò ghì à li gho. Chìa wəla ù kə̀a nduw dzə̀ è bǐigh â wàazə̀ ŋkāa ù saʼ nduw wàazə̀, ù fi kə̂aa dzə̀ è bǐigh â làŋ kò, saʼa sùghò làŋ kə te ko. Abugho ghù fwə̀là saʼā lâŋ kò, ghù fi bwîi dzə yò an làŋ kə te ko, ghù lò ko sàʼà ù təsāʼ.

Dzɛ̂ms 5:12

Aŋ ghəa a te gho a dzə̀m a waazə̂ ghaŋa gho, kà nlò è kaā tsughu ghəa zo an zən e kəwālā, kà nlò e kaā tsughu ghəa zo an zən e ghueekətsə̄, ŋkāa kà nlo è zəa sugho kàa mò abugho ghɛ toō naāŋ to ko. Dòʼo tsughu nlò enyəa, mò ghɛ̀ tsughu boo tsughu eghəa, ghɛ̌ fi boo nù, mò ghɛ̀ tue tsughu eghəa, ghɛ̌ fi tue nû, to Zə̀ kə̀ ka lô ghɛ dzûw màʼà.

Dzɛ̂ms 5:19

Waazə̂ ghaŋa gho, abugho ghùw ù mɔ̀ʼ am bvʉā zɛʼɛ̄ zə̀ghàa maʼà tsughu səŋò zò, làʼ nùghù ndùw an dziī è nùghù, ghùw ù li vʉ̀a ù bùghò nî tiso naŋa sə wo wə̄n ebàm an dziī è sə̀ŋo,

1 Dzɔ̌n 2:21

Ŋ̀ ghəa ghən fɛ tɔɔ wò dzə̀ yò â ghɛ̀ enyəa ghɛ̀ kwo yo səŋò zò, à lǎam lò bò enyəa ghɛ̀ kwo nû səŋò e te zo, ghɛ̀ yia a kwo sugho enyəa, gha è li e səa wò yò alo êsəŋò.