Dzɛ̂ms 1:18 - To kə Kəzə̀ kə̀ Fughu ko

¹⁸ À mò tsə̄m tsughu Kəzə̀ enyəa sɛ̀ doʼò tsughu wɛ a wə̄n, an shwaʼ u wə̄n ù səŋò wəla sɛ̌ fə̀ zuw, enyəa sɛ̀ doʼò tsughu kətuw am fʉgha u wə̄n u dzə̀m wəla ù mò gbə̂n wo.

Dzɛ̂ms 1:18 Iomraidhean Croise

Dzɔ̌n 1:13

Ghe ka fə doʼò dzə̀ wɛ a Kəzə̀ ghò mò Zə̀ kə̀ dzə tsughu ghee tò aŋghəa ghùw lò aletsə̀mà tsughu aledzə̄ wɛ a te, à fə̀ ləgha tsughu Kəzə̀ enyəa ghe doʼò wɛ a ghee.

Lumà 4:17

To aŋghəa ghe tɔm naŋa am mwàʼsò kə Kəzə̀ enyəa, “Mùghò ŋ ghəŋlo enyəa ghù è lo tsele â ndə̀mà tə tənàʼà.” To kən kə lo êsəŋò a sə̌a Zə̀ kəla Abə̀làhâm gaʼ fə̀ŋ a zəŋò ghè kò. Zə̀ kəla abugho ghùw kpuw ko nù, kə n zòm nàŋa wò ghùw u te ebàm. Mo fəgha kə yo tsəgha ko nu, kə n ghəəŋ tsughu enyəa kə səa kɔʼ, kə e lo.

1 Kòlentìan 4:15

Tɔŋlo enyəa abugho ghɛ̀ bûʼ ki ko ghî à chinlo a ghɛ̀ gho təkam eghə̄m aŋghəa ghɛ̀ à ghê Kə̀lestò lò fəgha ko kə mɔ̀ʼ, ghɛ̀ ki dzə yo ghê tsele ndə̀m. Nu mùgho mò doʼō tsele wɛʼɛ aŋghəa ghɛ̀ mò bugho doʼò fəgha ko kə mɔ̀ʼ ghɛ̀ à ghê Kə̀lestò Yɛso mò ghɛ̀ zuw tsughu làbəlà è dzùŋ e te.

2 Kòlentìan 6:7

Ghàʼ yia dzaā èsəŋò, fwàʼà ndùw àghəa an daʼa kəla Zə̀ kə̀ fughu â ghàʼ. Ghəa a tsəghatsəgha ghəla ghàʼ ghəə̄ŋ nduw ghè ghò, à lò fʉgha u tsam waʼa wəla ghàʼ ki aŋ kwè ù təma wo àsùghò alô ù kwû wò.

Efɛsùs 1:12

To sɛ̀ ghəla a fə̀ lô ghî a kəsə gho alechiī tùʼ a zəŋò Kə̀lestò Yɛso è fughuu Zə̀ kò â kɔʼso mò bòʼ an səghanyəgha ŋ wə̄n.

Efɛsùs 1:13

Kə̀lestò n dê wò sùghò ghɛ̀ â səŋò zò, mò à lo làbəlà ê dzuŋ zəla è zoʼn ghɛ an dzì zəla ghɛ lô alezə kətuw a te. Ghɛ m boo fughu ndùw â Kə̀lestò, Zə̀ kə̀ fughu wò ghɛ̀ â zuʼ tə zɔlɔ təla Zə̀ kə fə̀ to naŋa, aledè tsughu enyəa ghɛ̀ e zəŋ lo ghî a wə̄n.

2 Timotì 2:15

E dəmā təla tsughu enyəa ghù è lo ghùw ù kə̀fwàʼ wəla Zə̀ kə̀ tsoʼn ghèe wə̄n, ghùw ù kə̀fwàʼ wəla ù də̀nsò yô tuw ko, wəla ù tèlè kwu kele shwaʼ u Kəzə̀ wə̀ êsəŋò wo aŋ ghu kə̀ dzûŋ kò.

Hibùlù 12:23

Ghɛ̌ yia bugho an dzeŋe kə ghì ghəla ghe lo tò wɛ a Kəzə̀ a sʉ̀esʉ gho, ghî ghəla ghe lo alo eduʼnlo, ghəla ghe tɔm naŋa zən a ghee go alo kəwalā. Ghɛ̀ yia bùghò a vʉ̀a Zə̀ kəla kə saʼā ghî ghò a dzə̀m. Ghɛ̌ yia bugho a vʉ̀a ghì ghəla Zə̀ kə̀ ghəŋlo enyəa ghe kpeē tsughu ghî ghəla kə ləghaa enyəa ghe e lo ghè ghò.

Dzɛ̂ms 1:15

Abugho ghùw tsə̀ghà təŋò tsughu am mòʼnlò e wə̄n è biigh zo, ghəa a te yia nyə tughu tsughu a zəŋò wə̄n, ù ŋ ghəəŋ tsughu ebo, a m bùghò bo e te zə a e tsə̀ghàsə bəŋ ko, vʉ zə n nì ghùw ù te.

Dzɛ̂ms 1:21

À fi lo enyəa ghɛ̀ ki alezə̀ghàa maʼà dzə̀adzə̀ tə bòobò tə aghəa tɛʼɛ̄ tə te to, ghɛ̀ ni ŋgɔɔm naŋa wo shwaʼ wəla Zə̀ kə̀ dzə̂n naŋā am fə̀ŋ tɛʼɛ, mo u ki kədaʼa alebəghaasə ghɛ.

Dzɛ̂ms 3:14

Abugho à kuūwn lô enyəa ghù ki kəmʉ̀nlo â ghì à loʼ gho. ghù vʉ̀a ghù mòʼò sugho enyəa ghù tsə̀ghàsə̀ aghî a dzə̀m, e kwo ko ghù lò so e tsɔ̂ɔ fə̀ŋ enyəa ghù kwo ghəa è li zo — mo abugho ghù ghəŋlo êzə̀, ghù fi nîi kɔ̀ʼɔ êsəŋò fə̀nsò nǎaŋ wò alo agha.

1 Pità 1:23

Nu ghe ŋ ghɛ̀ dzə kùenlò an daʼa kə shwaʼ u Kəzə̀ wəla u fughu mughù zo, vʉa u dòʼò tən sugho; tò wɛ a ghûw wəla ù kè kpuūw dzə̂ yo, mò à yo dzə̂ tò wɛ a ghùw nsɔ̌ɔŋnchùw wəla ù lo alekpuūw.

1 Pità 1:3

Sɛ̀ ki alefughuu zɔ̀ɔŋ ko â Zə̀ kò, Tselè ù Mughùbè ù sɛ̀, Yɛso Kə̀lestò. Bòʼ ghəa ù kwuso se zo a zəŋò sɛ̀, vʉ̀a ù ghəŋlo enyəa sɛ̀ è mughu mughù è fughu zo, aŋghəa ù fə̀ zôm nughù kɔʼ Yɛso Kə̀lestò alo evʉ. Zə̀ lò e ghee sɛ mughu, chìi tùʼ enyəa sɛ̀ lo kele mùghù è doʼn təla zo.

1 Dzɔ̌n 3:9

Ghùw wəla ù lo wɛ u Kə̀zə̀ ghə̂əŋ ndùuŋ yò bo zo, bòʼ mwam u Kəzə̀ ù lo a zəŋò wə̄n. Ù kòom yo dzə̂ aleghəəŋ bo zo, bòʼ à wə̄n dzə Kəzə̀.

Edêe Fughu 14:4

À lò ghî ghən ghe lo mo ghe kaām dzəso ghue e ghee zo ghèe ghê ghìzən gho; nu ghe naam lo mo ghe kaam kwo yo wìzən. À lǒ ghee ghən Tsʉa u Ndzì u te u tsəghàa ko a ghɛ ghe n lo a bàâ wə̄n. Ghən lǒ ghee ghəla ghe bəghasə̄ tsughu aŋ ghu kə ghùw nsɔ̌ɔŋnchùw, ghe lo to fəgha kə sûesʉ kəla kə kwən wo an usum a fughuu kɔʼɔ â Zə̀ kò ghèe Tsʉa u Ndzì u te wo.