Dzɛ̂ms 1:16 - To kə Kəzə̀ kə̀ Fughu ko

¹⁶ E kwo ko fəgha kə lô tsêe ghɛ a waazə̂ a fə̂ŋ ghaŋa gho.

Dzɛ̂ms 1:16 Iomraidhean Croise

Matìo 22:29

Yɛso m fwə̀n dzɛ̀ ndùw â ghee enyəa, “Ghɛ̀ n nyə̀ŋ làʼ, tɔŋlo enyəa ghɛ̀ kwo yo shwaʼ u Kə̀zə̀ wò, ghɛ̀ kwo sugho yo daʼa kə wə̄n ko.

Mâk 12:24

Yɛso n dzɛ̀ â ghee enyəa, “Ghɛ̀ m bvʉ̀ bòʼ ghɛ̀ kwo yo shwaʼ u Kəzə̀ wò, kwo sugho yo daʼa kə Kəzə̀ kò.

Mâk 12:27

Ù yò dzə Zə̀ kə ghìikpuwn ko, ù lǒ Zə̀ kə ghì a sə̀ à tughu ko; ghɛ̀ m biso bvʉ̀.”

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

1 Kòlentìan 6:9

Ghɛ̀ kwo yo enyəa ghî ghəla ghe yô dzə̂ tsəghatsəgha lo zəa yo fɔ̂e u Kəzə̀ wò à? E kwo ko fəgha kə li kə lô nɔɔ̄m ghɛ; ghùw ù li aŋ ghì ghən, ŋkāa à lò nùuŋ kə ghûw, ŋkāa wəla ù kɔʼsō mùʼù mò, ŋkāa wəla ù lǒ bwìkòʼ kò, ŋkāa ghînû ghəla ghe nyə̂əŋ dzəə̄ŋ ghue zo ghèe ghê yìnû à li gho,

Gàlashìan 6:7

Kà nlò ghue zɛʼɛ zə e tseē dzə. Ghùw yò dzə̂ aletsè Kə̀zə̀. Abugho ghùw tam fəgha ko, ù lo tèlè kèle ko kə̀ ghee.

Fèlepìan 2:12

À fi lo enyəa fən ghaŋa à dzûŋ ghò, tò aŋghəa ghɛ̀ mò bwîi tsəgha an làŋ kə Zə̀ kəla mùgho mò zoʼn ghɛ a te aŋghəa sɛ̀ mò lò tsəgha a dzə̀m. À lǎam lo dzɔ̀ êzəŋ wəla M̀ buw sɛ̀, â ghɛ̀ alebwìi an làŋ kə te ko. E fwaʼā nduw ko nlò alo etsəŋ â ghɛ̀ alemìasò kɔʼ fwàʼ kɛʼɛ aŋghəa ghɛ̀ ki alezə kətuw a te.

Fèlepìan 4:1

E fi lo enyəa waazə̂ ghaŋa à dzûŋ ghəla Ŋ̀ ki am fə̂ŋ è dzùŋ, ndòʼò mbùuŋ kèe sùghò alekòʼ ghɛ, ghɛ̀ lo duʼn kaŋā, lò sugho namso kaŋa am M̀ mbûŋ nù alekòʼ ghɛ̀. Ka tsughu ko nlò zə̀ zo aŋ ghəa e Mughu ù te a fən ghaŋa à dzûŋ ghò.

Kòloshìan 2:4

Ŋ̀ ghəa ghən fɛ â ghɛ̀ dzâa wò enyəa ghɛ̀ tiso kɔʼ tuw ko edzuŋ an dzì zəla ghùw ù lì ki yo alenìi wô àgha ù bugho tsê ghɛ̀ a te, abugho shwaʼ u wə̄n u te u buʼù kpəŋò ko tǒ kə kwò.

Kòloshìan 2:8

E kwo ko ghùw ù lì lô so è ndûw bùghòo â tɔ u ghì am mbī wo, ù bùghò ghəə̄ŋ tsughu enyəa ghɛ̀ doʼo tsughu kɔ̂ wò â wə̄n, aghəa mò à lò nzə̀azə̀a ŋ kwu mò ghî a mbī a mò moʼn sə kɔʼ, zoʼn ndùuŋ tsùghuu wò àghì a te, àsùghò ghəla a nughùun wo aŋ ghùu shʉ̀ghà u mbī wo, mo a te a kâ sə̀ dzə̀ aŋ ghùu Kə̀lestò.

2 Timotì 2:18

Ghən lò aghî mo ghe n tì zə̀ghà səŋò zò, dzàa wò enyəa ghî a mafə kpuuw kɔʼsə alo evʉ̄. Làʼsò kə shwaʼ kə ghee kə te kə fwəlà màʼn ghî à li ghəla ghe boō fughu sugho â Kə̀lestò.

Hibùlù 13:1

E ləghaa nduw ko nlò ghue zɛʼɛ zo tò waazə̂.

Dzɛ̂ms 1:19

Waazə̂ ghaŋa gho, Ǹ ləghaa enyəa ghɛ̀ kele tsughu ghəa ghən gho, tò chìa è mbaa zuuw niī ghəa zo, tò ù è ka e chwaa kəaa ghəa gho, ù e ka è laŋā pfʉso sugho nʉghà wò.

Dzɛ̂ms 1:2

Waazə̂ ghaŋa gho, nǐi tsughu nlò enyəa à lò ghəa è duʼn zo abugho ghəa a mɔ̂msò kaāŋ ghɛ,

Dzɛ̂ms 2:1

Waazə̂ ghaŋa gho, kà nlò kpiī wo e baā aŋghəa ghɛ̀ lo mò ghɛ̀ m boo fughu â Yɛso Kə̀lestò, Mughu ù te wəla ù ki səghanyəgha mò.

Dzɛ̂ms 2:14

Waazə̂ ghaŋa gho, ghùw zə̌a kɔʼɔ̀ kə̀ kwò a te a, abugho ghùw dzɛ̀ enyəa e boo fughu â Kə̀lestò a, mò fwàʼ kə wə̄n kə̀dzûŋ kə̀ dêe tsùghuu yo fəgha kəla ù boō fughu tsughu a te a? To ù n tuw kə zəā a, enyəa ù bǒo fughu â Kə̀lestò à?

Dzɛ̂ms 2:5

Waazə̂ ghaŋa gho, tiso kɔʼ nlò tuw ko edzūŋ, Zə̀ kə̀ kâ shìaa ghî ghəla ghe laā fɛ am mbī enyəa ghe e kuuwn lo ghî à kuu gho aŋghəa ghe gaʼ tsughu fə̀ŋ a zəŋò Zə̀ kò. À lǒ ghee ghe lo ki alezə fɔe wəla Zə̀ kə fə̀ to naŋā â ghì a wə̄n ghəla ke ləghaa.

Dzɛ̂ms 3:1

Waazə̂ ghaŋa gho, e kwo ko ndə̀m zɛʼɛ lô so nyəa ndùw alebùghò doʼò ghe wàdè alezoʼn ghî ghò, tɔŋlo enyəa sɛ̀ ghəla sɛ̀ zoʼn ghî ghò, ghe kê sɛ̀ saʼa mo ghe tɔʼɔ̀ nyǎaŋ nyəa tsughuu nù ghəa a sɛ̀ ghò.

Dzɛ̂ms 3:10

Yia a nîi dzughu è mɔʼɔ̄ e te zo fughuu Kə̀zə̀ a te â zɔ̀ɔŋ kò, sùuwn sùghò àghì a te. Waazə̂ ghaŋa gho, e ki dzə yo aledòʼò êzə̀.

Dzɛ̂ms 4:11

Waazə̂ ghaŋa gho, kà nlò dzə̀ è bǐigh kele a zəŋò ghì à li gho. Chìa wəla ù kə̀a nduw dzə̀ è bǐigh â wàazə̀ ŋkāa ù saʼ nduw wàazə̀, ù fi kə̂aa dzə̀ è bǐigh â làŋ kò, saʼa sùghò làŋ kə te ko. Abugho ghù fwə̀là saʼā lâŋ kò, ghù fi bwîi dzə yò an làŋ kə te ko, ghù lò ko sàʼà ù təsāʼ.

Dzɛ̂ms 5:12

Aŋ ghəa a te gho a dzə̀m a waazə̂ ghaŋa gho, kà nlò è kaā tsughu ghəa zo an zən e kəwālā, kà nlò e kaā tsughu ghəa zo an zən e ghueekətsə̄, ŋkāa kà nlo è zəa sugho kàa mò abugho ghɛ toō naāŋ to ko. Dòʼo tsughu nlò enyəa, mò ghɛ̀ tsughu boo tsughu eghəa, ghɛ̌ fi boo nù, mò ghɛ̀ tue tsughu eghəa, ghɛ̌ fi tue nû, to Zə̀ kə̀ ka lô ghɛ dzûw màʼà.

Dzɛ̂ms 5:19

Waazə̂ ghaŋa gho, abugho ghùw ù mɔ̀ʼ am bvʉā zɛʼɛ̄ zə̀ghàa maʼà tsughu səŋò zò, làʼ nùghù ndùw an dziī è nùghù, ghùw ù li vʉ̀a ù bùghò nî tiso naŋa sə wo wə̄n ebàm an dziī è sə̀ŋo,