Dzɛ̂ms 1:12 - To kə Kəzə̀ kə̀ Fughu ko

¹² Dzɔ̀ lǒ â ghùw wəla ù ka tsughu zə zo abugho ghəa a mɔ̂msò kaāŋ wə̄n, tɔŋlo enyəa abugho ù ghaʼ tsughu ghəa a te gho, ù lo zə e tsɛlɛ̀ aŋghəa Zə̀ kə fə̀ to naŋā â ghì ghəla ghe ləghaa wə̄n.

Dzɛ̂ms 1:12 Iomraidhean Croise

Matìo 10:22

Ghî ghə̀n à dzə̀m ke e baā ghɛ enyəa so à lò ghəa zaŋa. Yia a bugho ghùw wəla ù kuūwn kɔlɔ tsughu ko fə̀ŋ ndùw tɛ̀ è nduw, ù lo zəa nù tuw ko.

Matìo 25:34

Də̀ŋ kə te kə lo daŋso dzɛ̂ â ghì ghəla ghe lo aŋ kwe u wə̄n ù təma wo enyəa, ‘Bùghò nlò, ghɛ̀ ghəla Bəghà lǒ mò ù ŋ ghɛ̀ â bughuso e fughu, ghɛ̀ e lo an fɔ̀e u kədə̀ŋ wəla ghe fə ki naŋa to â ghɛ̀ tèetèe aŋghəa mbī fə̀ kaʼ tsughu.

Lûk 6:22

Dzɔ̀ lò â ghɛ̀, abugho ghî à bâa ghɛ̀, bàʼà zə̀ghàan ghɛ̀, sùuwn ghɛ̀, bôon zən ghɛʼɛ̄, bòʼ ghəa e Wɛ ù Ghùw!

Lumà 5:4

Abugho sɛ̀ kɔlɔ tsughu fə̂ŋ tò alo eghəa, Zə̀ kə n duʼn sɛ̀ à ghee. A m bùghò kə duʼn sɛ̀ à ghee, ghəa a te ghə ŋ ghəŋlo sɛ̀ n chîi tùʼ enyəa a lo zəa nù tuw ko.

Lumà 8:28

Sɛ̀ kwo nû enyəa alo aghəa a dzə̀m, Zə̀ kə̀ fwaʼa ko alekòʼ enyəa ghî ghəla ghe ləghaa wə̄n e mugho dzɔ̄. Ghən lò ghî ghə̀là kə̀ fə̀ tɔŋɔ̄ aleghəŋlo enyəa ghəa ghəlà kə mò fôʼ naŋa a bughò sə êzə̀.

1 Kòlentìan 2:9

Aŋghəa e bûʼ lô ko êzə̀, ghe tɔm naŋa am Mwàʼsò kə Kəzè enyəa, “Fəgha kəla sə e lo mo e kaām kôʼ, ŋkāa tuūŋ kə lo mo kə ka n zuw sùghò, ŋkāa fəŋ è ghùw lǒ mò è kaam kele, à lò fəgha kəla Zə kə naŋā â ghì ghəla ghe ləghaa wə̄n.”

1 Kòlentìan 8:3

Abugho ghùw kuūwn ləghaa Zə̀ kò, Zə̀ kə ŋ kwo wə̄n.

1 Kòlentìan 9:25

Ghî à nyəŋo ghən à dzəm kì aletɔʼɔ̄ naaŋ tsughu lwâŋ wəla ghe zoʼn tsughu ghee a te. Ghe enyə ghəŋlo enyəa to ghe mô lò alekele kə̀lɔ̀ʼɔ mo kə lo boo mìaan nù, sɛ̀ kuuwn kəŋo alekelê lɔʼɔ kəla kə kê boō mîaan koʼò tsəghà yo.

2 Timotì 2:15

E dəmā təla tsughu enyəa ghù è lo ghùw ù kə̀fwàʼ wəla Zə̀ kə̀ tsoʼn ghèe wə̄n, ghùw ù kə̀fwàʼ wəla ù də̀nsò yô tuw ko, wəla ù tèlè kwu kele shwaʼ u Kəzə̀ wə̀ êsəŋò wo aŋ ghu kə̀ dzûŋ kò.

2 Timotì 4:8

Namso kə ləəm mùghò êzə̄ŋ alo kəwālā am fwàʼ kə̀ dzûŋ kə̀là Ǹ lo mò mùghò fwâʼ ghè kò; Namso kən kà yò ko â mùghò, kə lo â ghì ghən à dzə̀m ghe ki ləgha zo alekòʼ tsuʼ fəla Kə̀lestò kè bughōo a te ebàm. À namso kə te kə naŋa Mughu ù te wəla ù saʼā ghî ghò a dzə̀m am fôʼ è tsəghatsəgha.

Hibùlù 10:32

Mòʼn wò nlò ghəa ghəla a fə̀ sə a zəŋò ghɛ̀ à wǐiwì, aŋghəa ghɛ̀ mò kôʼ tsughu tsə̀ è Kəzə̀, ghɛ̀ m fala tsughu an ndə̀mà tə aghəa, ghəa a te ghə ŋ kè kuuwn tsəghàsə ghɛ.

Hibùlù 11:17

À fə̀ lo fə̀ lo bòʼ Abə̀làhâm fə̀ boō fughu â Zə̀ kò e fə̀ ghəŋlo u n nì kɔ̀ʼ Aezìk enyəa e ndûw sâa fughu â Zə̀ kò, aŋghəa Zə̀ kə fə̀ mɔ̂msò kôʼ tsughu wə̄n. Ghùw wəla ghe fə̀ fughu naŋa to ke te ko â wə̄n fə̀ lo nû alenìi sâa ndûw wɛ ù wə̄n ù nùu.

Hibùlù 12:5

Ghɛ̀ nizə̂ sùghò nù shwaʼ ù dzûŋ wəla Zə̀ kə̀ mò toō wo ghɛ̀ a te enyəa ghɛ̀ lo wɛ a wə̄n? Kə fə̀ dzɛ tsughu enyəa, “Ŋ wɛ, e naaŋ tsughuu tûuŋ ko abugho Mughu ù te ghəə̄ŋ tsughu enyəa ghù zuwkɛlɛ tsughu enyəa ghù ŋ ghəəŋ bonlo, kà bughu kòom sùgho abugho ù zùghùu ko ghû enyəa ghù ghə̌əŋ boon nù.”

Hibùlù 6:15

A m bugho Abə̀làhâm ndòʼ ka tsughu sugho zə zo ləma è koo, u m bùgho kèle kɔʼ fəgha kə̀là Zə̀ kə fə̀ to naŋā.

Dzɛ̂ms 2:5

Waazə̂ ghaŋa gho, tiso kɔʼ nlò tuw ko edzūŋ, Zə̀ kə̀ kâ shìaa ghî ghəla ghe laā fɛ am mbī enyəa ghe e kuuwn lo ghî à kuu gho aŋghəa ghe gaʼ tsughu fə̀ŋ a zəŋò Zə̀ kò. À lǒ ghee ghe lo ki alezə fɔe wəla Zə̀ kə fə̀ to naŋā â ghì a wə̄n ghəla ke ləghaa.

Dzɛ̂ms 5:11

Tò aŋghəa ghɛ̀ mgbaŋ kwo, a nîi enyəa, bughuso e lo â ghî ghəla ghe mò kɔlɔ tsughu fə̂ŋ tò. Ghɛ̀ mafə zuw aŋghəa Dzɔ̂b fə̀ kɔlɔ tsughu fə̀ŋ a te, ghɛ̀ ŋ kòʼ sùghò ghəa zəla Tsə̂ntə̀mbî fə̀ bughò ghəə̄ŋ tsughu, tɔŋlo enyəa Tsə̂ntəmbî kì kəmuwnlo àsùghò se è kwuso zo.

1 Pità 3:14

Abugho e kuūwn bûʼ lô ko enyəa ghɛ̀ ki alefala aŋ ghəa à tsəghatsəgha ghəla ghɛ̀ ghəŋlo, dzɔ̀ nǎam lò ko â ghɛ̀. Kà nlò kele tsəŋ zəla ghî à ki ghè zò. E kwo fəgha kə̀ li kə̂ lo so e beme sùghò ghɛ̀.

1 Pità 4:13

E laam lo nlò alo eduʼnlo enyəa ghɛ̀ nyɔʼɔ̀ faan sùghò tǒ Kə̀lestò, tò ghɛ̀ e ke lo alekele sughò duʼnlo è ne zo abugho ù kè dê sə wô ghaʼ e wə̄n zo.

1 Pità 4:14

Dzɔ̀ lò â ghɛ̀ abugho ghe sûuwn ko ghɛ enyəa ghɛ̀ lo ghî a Kə̀lestò; bòʼ enyəa ghaʼ e səghanyəgha n Zuʼ te Kə̀zə̀ n lo a zəŋò ghɛ̀.

1 Pità 5:10

Àsùghò abugho ghɛ̀ tsûuŋ fala tsughu aŋ kə̀mà fə enə̀gha, Zə̀ kəla kə ki se e kwuso zo, kəla ke mò tɔŋɔ̄ nyə wô ghɛ an səghanyəgha ŋ wə̄n məla n dòʼò tən, bòʼ sɛ̀ lô fəgha ko kə mɔ̀ʼ sɛ̀ à ghê Kə̀lestò, lo kôʼ enyəa ghəa ghɛʼɛ a dzə̀m ghə ŋ kòom dòʼò kədzûŋ — boo zɛʼɛ zə e tughuu sugho — Kə lo fughuu sughò ghɛ̀ â daʼa ko, ghɛ̀ e tɔʼ ti sugho.

1 Pità 5:4

To abugho ghùw wəla ù lò tuw ko a zəŋò ghê bàʼàtə̀ndzì lo bugho, ù lo dzəlà wô mgbɛ kə nsəghanyəgha kəla kôʼ e te e kê kuūwn kôʼ yo an tuw kɛʼɛ̄.

1 Dzɔ̌n 4:19

Sɛ̀ ləgha e fɛ ki aŋ ghùe e sɛ̀ bòʼ Zə̀ kə̀ fə̀ ləgha wo dzə̄ sɛ̀ esə̄.

Edêe Fughu 2:10

Kà nlò tsəŋ dzə̀ ghəa è li zo ghɛ̀ lo ki alekùʼù fala tsughu a te. Kele tsughu nlò enyəa vʉatsə̄a a ki alekùʼù nîi dzə̂n ghɛ̀ â li gho an ndùghùtsāʼ, àsùghò enyəa to ghe mô mɔ̂ɔkoʼò tsughu ghɛ̀, ghɛ̀ doʼo an tsù alo ntsuʼu eghə̄m. Gaʼ tsughu ko nlò fə̂ŋ tɛʼɛ to a zəŋò mùghò abugho e lo enyəa ghɛ̀ bùʼ kì ko alekpuw a te, tò Ǹ lo fughuu ghɛ â mùghù zò tò kənamso.”

Edêe Fughu 3:19

Ghî ghə̀là Ǹ ləghaa a dzə̀m Ǹ naaŋ ghee an ulwàŋ, baa mbɛ̄ an tuw kə ghee. Ghɛ̌ fi ki alemuʼū â mbuuw mò aletiī kuwnlo, ghɛ̀ maʼa bo zo.

Edêe Fughu 3:21

Ghùw wəla ù ghaʼ bo zo, Ǹ lo fughu nu wə̄n â daʼa ko aledòʼò tsughu am bùghu e ndàŋ è kə̀də̀ŋ zaŋa, tò aŋghəa ghuūghùe waŋā u fə̀ ghaʼ sugho bo zo, mùghò n dòʼò tsughu am bùghu e Bə̀ghà an ndàŋ è kə̀də̀ŋ è wə̄n.”