Dzɛ̂ms 1:11 - To kə Kəzə̀ kə̀ Fughu ko

¹¹ Aŋghəa tsə̀ səā kɔʼɔ̄ wo, zə̀ n nûu ènyə baaŋ, zə̀ ŋ gwə̀nsò màʼà tsùghù ghê kə te ko, saŋ tə kəghè tə te tə n tsɔʼn bvʉ̀ è tsughu, kôʼ e kəghè e te zə n laa è tsughu, ghùw ù kùu lo kpuuw sùghò êzə̀ aŋ ghəa a wə̄n a mbī gho.

Dzɛ̂ms 1:11 Iomraidhean Croise

Matìo 13:6

zuw zə mo e səa kɔʼɔ wò nù, zə n gwə̀nsò màʼà è tsughu; aŋghəa a sô ki sughò yô ghaŋ to, ghə m kpùw è kɔʼ.

Matìo 20:12

dzàa tsùghùu enyəa, ‘Ghî ghə ebàm ghən fwâʼ ko an tàm zə̀ èzuuw e mɔ̀ʼ, ghǎʼ yia tsughu zeē fɛ̀ alo kəfwàʼ am bòobò kə tsə̂ kən, ghù vʉ̀a ghù bùghò tsə dzəə̄ŋ wo ghàʼ à ghee eghəla.’

Matìo 6:30

Abugho Zə̀ kə̀ lo aledzə̀là tə̀ndzʉ a zəŋò le gho mo a noom kɔʼɔ nɛ, tsʉtsʉ a mò è kpuw, â n nì kpàa kɔ̀ʼ alo etsə̄, à è səasəa ghɛ a, Ù bòʼò lò alelaso ghɛ̀ ênzə̂n? Ŋ̀ghê làʼà tə̀fə̀ŋ mə̄n.

Mâk 4:6

A m bùghò zuuw e sə kɔʼ wo, zə n zùʼ è tsughu, ghəa u ki yô ghaŋ to, wə ŋ gwə̀n bò è kɔʼ.

1 Kòlentìan 7:31

Ghî ghəla ghe ki fwàʼ kò am fʉgha u mbī wo ghe doʼò tsughu tò ghəla ghe ki yo fwàʼ kò a te. Nu mbī zəla a koʼō êzə̄ŋ fɛ tsəghàa mìaa ndùw nù

1 Pità 1:4

Sɛ̀ e chiī tùʼ enyəa sɛ̀ lo kele fʉgha ù səŋò wəla Zə̀ kə̀ to naŋa â ghì a wən gho. Kə naŋa fʉgha u te wo â ghɛ alo kəwālā; an lùʼu kəla u buw aleboō koʼò tsəghà, ŋkāa u buw sugho alefìaa.

1 Pità 5:4

To abugho ghùw wəla ù lò tuw ko a zəŋò ghê bàʼàtə̀ndzì lo bugho, ù lo dzəlà wô mgbɛ kə nsəghanyəgha kəla kôʼ e te e kê kuūwn kôʼ yo an tuw kɛʼɛ̄.