Dzɛ̂ms 1:10 - To kə Kəzə̀ kə̀ Fughu ko

¹⁰ Ghùw ù kǔu e tsɔɔ̄ sugho fə̀ŋ enyəa Zə̀ kə ŋ wə̄n etsən tsughu naŋā, nu ù lo tsə̀ghàa mìaan ko tò ghê kə ŋgwə̄n ko.

Dzɛ̂ms 1:10 Iomraidhean Croise

Matìo 5:3

“Dzɔ̀ lò â ghì ghəla ghe ləə̄m təla ko â Zə̀ kò, nu fɔ̂e u kəwālā u lo â ghee.

Matìo 6:30

Abugho Zə̀ kə̀ lo aledzə̀là tə̀ndzʉ a zəŋò le gho mo a noom kɔʼɔ nɛ, tsʉtsʉ a mò è kpuw, â n nì kpàa kɔ̀ʼ alo etsə̄, à è səasəa ghɛ a, Ù bòʼò lò alelaso ghɛ̀ ênzə̂n? Ŋ̀ghê làʼà tə̀fə̀ŋ mə̄n.

1 Kòlentìan 7:31

Ghî ghəla ghe ki fwàʼ kò am fʉgha u mbī wo ghe doʼò tsughu tò ghəla ghe ki yo fwàʼ kò a te. Nu mbī zəla a koʼō êzə̄ŋ fɛ tsəghàa mìaa ndùw nù

Fèlepìan 3:8

Ǹ nî àghəa a dzə̀m tò ghəa kə̀nughùnùghù ghò, yìa M̀ maʼà ndùw ghəa a te gho a dzə̀m enyəa mùghò e lo alekele Mughu ù te, Yɛso Kə̀lestò Yɛso, bòʼ à lǒ ghəa zəla e tsəghàsə ghəa gho a dzə̀m. Tɔŋlo enyəa mùghò ŋ ŋge fala, yìa Ŋ̀ gùŋù ghəa gho a dzə̀m. Yìa Ŋ̀ kôʼ tsughu enyəa, ghəa a te gho a dzə̀m lò udzʉ an sə kaŋā; enyəa e Kə̀lestò è lo namso kaŋa ko,

1 Timotì 6:17

Kwɛ̀ɛn tsughu ghî ghəla ghe kuū am fʉgha u mbī wo, enyəa ghe ka e kɔʼso ghue zo a te, tɔŋlo enyəa u lo dòʼn tə̀la yo, ghe ki alechiī tùʼ e ghee e dzə̀m a zəŋò Zə̀ kəla kə fughu sɛ̀ â fʉgha wə̀n ù dzə̀m u ghəŋlo enyəa sɛ̀ è tsoʼnlo.

Dzɛ̂ms 4:14

Ghɛ̀ ŋ kə̂aa èzə̀ mò ghɛ̀ bûʼ kwò naŋa yo tsʉtsʉ. Ghɛ̀ tɔ̂ʼ kwò naŋa ênzə̂n fəgha kəla kə lo səā tsʉtsʉ a? Nu ghɛ̀ lo ko tò kədzən kə nughùun bvʉ̂a tsughuu, kə ŋ kòom ghɛ̌ɛ saŋ tsughu ko mo gha kə kâ sə.

1 Pità 1:24

Tɔŋlo enyəa ghe tɔm naŋa am mwàʼsò kə Kəzə̀ enyəa, “Gwən e ughùe e ghûw è lo ko tǒ kəghê, mo fwəŋ u ghee u lo ko tò udzwan, u naām mʉā wo. Ghê kə te kə gwəlà tsùghuu nù, dzwan u te wə n tsɔʼn bvʉ̀ tsùghù è sugho.

1 Dzɔ̌n 2:17

Mbī àsùghò ghəa a mbī ghəla ghî gaʼ fə̂ŋ tò a te kê tsəghàa mìaan nù, yia kuuwn bugho ghùw wəla ù naaŋ lâŋ kə Kəzə̀ kò, ù ŋ kelê mùghù è doʼn təla zo.