2 Timotì 1:3 - To kə Kəzə̀ kə̀ Fughu ko

³ M̀ fughuu kə̀zɔ̀ŋlò â Zə̀ kə̀là M̀ fwaʼā a tsəlà wə̄n am fə̂ŋ è zɔ̀lɔ, tò aŋghəa ghê bə̀ghà fə̀ ghəə̄ŋ tsəgha. M̀ fughuu zɔɔŋ kə wə̄n nəgha tən tə̀ dzə̀m abugho M̀ moʼn tsughu ghû aŋ gɔ̀ɔŋ zaŋa.

2 Timotì 1:3 Iomraidhean Croise

Lûk 2:37

Ù n dòʼò ko êzə̀ aŋ wìikpūw noo kpe tsughu ghə̀m n tə̀nùu efāa à ghè tò tə chìakò. Ù m mughu zee ko am be kə̀ ne ko, baa èdzughu, kɔʼso Kə̀zə̀, gɔ̀ɔŋ zěe ndùw, gɔ̀ɔŋ bwǐi ndùw.

Kə̀fwàʼ 22:3

“Ǹ lo ghùw ù Dzûu, ghe dzə tsughu aŋ naʼ e Talsùs am mbùʼ è Sìlishìa, yìa Ŋ̀ kuūwn noō fɛ̄ alo enaʼ a tsəlà Gàmalìɛl, ghe yia zoʼn kɔʼ wô mugho an tɔ̀ʼ kə umwam kə làŋ kə ghê tselè sɛ̀. Mùghò n tso ki sugho eghɛ̂ aŋ ghəa e Kəzə̀ tò ghɛ̀ a dzə̀m lò nɛ.

Kə̀fwàʼ 23:1

Pôl n sɔʼ lɛɛn ko ghì a kaŋsì enyə, dzɛ̀ â ghee enyəa, “Waazə̂ ghò, fə̀ŋ zaŋa ŋgee zɔlɔ nù an dziī zəla M̀ mughùu kɔʼ wo a te an sə kə Kəzə̀ alebùghò sə nɛ.”

Kə̀fwàʼ 24:14

Zən lò zəla Ǹ so M̀ boō wô â ghù enyəa kùu ndùw Dzì è te, zəla ghe ŋgɔɔ̄ enyəa à lò dzeŋe fə̀ biigh fo, Ŋ̀ kɔʼsô Zə̀ kə ghê Tselè sɛ̀, boom fughuu ndùw ghəa ghə̀n à dzə̀m lâŋ kə̀ deē, ŋkāa ghəla ghiīshʉ̀ghà a Kəzə̀ à tɔm naŋā,

Kə̀fwàʼ 24:16

Zən lò e ghee M̀ bughōo mùghò Ǹ nì kɔ̀ʼ mbāŋ kə te ko enyəa mùghò è ki ko fə̀ŋ è zɔ̀lɔ a zəŋò Zə̀ kò àsùghò a zəŋò ghì ghò.

Kə̀fwàʼ 26:4

Dzûu tə̀n tə̀ dzə̀m kwò nû ghəa M̀ mughùu sə kɔʼ wo a te, ghe yia kwo sugho ghəa mùghò mò a te an naʼ zaŋā àsùghò an Yɛ̀lusalɛ̀m.

Kə̀fwàʼ 27:23

nu nɛ â tsuʼ wo, tsə̀ndə̄ghā è Zə̀ kəla kə ki mugho, yìa Ŋ̀ kɔʼsō, mô bùghò a vʉ̀a mùghò,

Lumà 9:1

Ghəa ghə̀là Ŋ̀ kə̂aa wo yò dzə agha, Ŋ̀ kə̂aa êsəŋò, tɔŋlo enyəa ghàʼ à Kə̀lestò lò kəfəgha kə̀ mɔ̀ʼ. Zuʼ tə̀ Zɔlɔ təla tə lo am fə̂ŋ zaŋa teso dzàa wò nù enyəa Ŋ̀ kaʼn yo gha gho.

2 Kòlentìan 1:12

Ghàʼ ghue e ghaŋso bòʼ enyəa fə̂ŋ taʼa tə zɔlɔ nù am mùghù zəla ghàʼ mughù fɛ a te am mbī aŋghəa ghàʼ ghəə̄ŋ sughò â ghɛ̀ an dziī è zɔ̀lɔ zəla Zə̀ kə̀ ləghaa, à yò dzə̀ an tɔ u ghì a mbī gho, à lò an daʼa kə dzɔ̀ e Kəzə̀.

Gàlashìan 1:14

Mùghò ŋ ŋgee nomlo aŋ ghəa a Zə̀ kə Tə̀dzûu tsə̀ghàtàʼà ghàŋ faŋa fə̀ li fən. Mùghò ŋgee mùʼù sùghò â mbuuw mò alebwiī aŋ ghəa ghəla bughōo kə ghê tsele ghaŋā a wii kə deē.

Efɛsùs 1:16

Ǹ lo mò Ŋ̀ kaām bughu naŋa kòʼ tsəgha alefughu kəzɔŋlò â Zə̀ kò an tuw wɛʼɛ. Yìa Ŋ̀ gɔ̂ɔŋ sugho an tuw wɛʼɛ nəgha tən tə dzə̀m abugho Ŋ̀ gɔ̂ŋlo,

1 Tɛ̀sàlonìan 3:10

Ghǎʼ yìa a gɔ̂ɔŋ zēe Zə̀ kò, gɔ̀ɔŋ bwîi am fə̂ŋ zaʼa e dzə̀m enyəa to kə mô ghəŋlo enyəa to ghàʼ mô kôom koʼò wô ghɛ̀, ghɛ̀ koʼ wo sugho ghàʼ, asùghò enyəa ghàʼ kele sughò dzì zəla a lô alefəghaan nîi tisô boo zɛʼɛ a te.

1 Timotì 1:19

Tɔ̀ʼɔ teme tsughu ko aŋghəa ghù boo fughu a te â Yɛso, ghù kele tsughu sughò fə̀ŋ è zɔ̀lɔ. Ghî à li a lo nû ghe kôom buʼù kɔʼɔ̄ shiāa yo aleghə̂əŋ ghəa zəla e lô tsəghatsəgha, ghəa a te yia a ghəŋlo, ghe yia kôom yo aleboō fughu â Zə̀ kò.

1 Timotì 1:5

Ghəa è səŋò zəla M̀ fughuu wô ghû â làŋ kən ko lo enyəa to kə mô lò aleghəŋlo ghî a Kə̀lestò ghə̀ e ləghaa ghue ghee zo; ŋgòʼ è ləgha zəla e səā wo am fə̂ŋ è zɔ̀lɔ, à mòʼnlò è dzuŋ zò, Abugho ghe ləghaa ghue e ghee zo enyə, e fi dêe nù enyəa ghe ŋ kùm bǒo fughu â Kə̀lestò.

1 Timotì 5:5

Wìikpuw wəla ù ki yo ghùw alelɛnlo â wə̄n, mò ù lò ko wə̄n à nəŋ ko, ù n naŋa moʼnlò e wə̄n zo a zəŋò Zə̀ ko, ù lo tən ko alegɔ̀ŋlò, ù nɔɔ̄ yôsò zò â Zə̀ kò alo ntsuʼu n dzə̀m.

2 Timotì 1:5

Ǹ tâa mòʼn nù fə̀ŋ zəla ghù kùm gaʼ tsughu a zəŋò Kə̀lestò, tò aŋghəa zughù ù nǒo, tɔɔŋ Lōis ghèe zughùu, tɔɔŋ Yunìs fə̀ gaʼ sugho fə̀ŋ a te a zəŋò Kə̀lestò, yìa Ŋ̀ kwo enyəa ghù gàʼ sùghò fə̀ŋ êzə̀ a zəŋò Kə̀lèstò.

2 Timotì 3:15

àsùghò enyəa, ghù fə̀ ki kele to nû shwaʼ u Kəzə̀ wò a ŋ wɛ̂ɛtùghu. Shwaʼ u te vʉa u fughuu ghû â tɔ wo enyəa ghù zə tuw ko aŋghəa ghù boō fughu â Kə̀lestò Yɛso.

Hibùlù 13:8

Yɛso Kə̀lestò lǒ ghùw ù mɔ̀ʼɔ wəla ù fə̀ lo, vʉ̀a ù lò nɛ, vʉ̀a ù dòʼo tən sugho.