2 Dzɔ̌n 1:9 - To kə Kəzə̀ kə̀ Fughu ko

⁹ Ghùw wəla ù ndùuw ko â sə ko, mo ù bɔ̌ɔm bwìi ndùw yò an tsʉ̀ è Kə̀lestò, ù fi baʼso tsughu a wə̄n gho a te, ghùw ù te yo dzə alo kəfəgha kɔ mɔ̀ʼ ghèe Zə̀ kò. Ghùw wəla ù mughu am tsʉ̀ e Yɛso Kə̀lestò, ù lò alo kəfəgha kə mɔ̀ʼ ghèe ghê Tsele àsùghò Wɛ.

2 Dzɔ̌n 1:9 Iomraidhean Croise

Matìo 11:27

Ghəa Yɛso gɔ̀ɔŋ mɛʼɛ̀ tsughu, ù n dzɛ̀ â ghì ghò enyəa, “Bəghà m mùghò â ghəa gho a dzə̀m fughu; ghùw ù lì kwò yo Wɛ ù tè mò à gɔ̀ʼɔ̀ ko yo Tsele ù te, ghùw ù li kwò sugho yo Tsele u te, mò à mìaa ko yo wɛ ù te àsùghò ghùw wəla wɛ ù te tsə̂m tsughu aledè â wə̄n.

Lûk 10:22

Bəghà ŋ ghəa gho â mùghò dê mɛ̀ʼɛ̀, ghùw lì kwò yo fəgha kela wɛ lo ghè kò, à gɔ̀ʼɔ̀ ko Tsele. Ghùw kwò sugho yo fəgha kela tsele lo ghè kò, à gɔ̀ʼɔ̀ ko wɛ, àsùghò ghì ghəla wɛ tsə̂m tsughu aledè fəgha kela Tsele lo ghè kò â ghee.”

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Dzɔ̌n 15:6

Ghùw wəla ù yǒ ghàʼ à wə̄n alo kəfəgha kə mɔ̀ʼ, a ŋ kə̀a màʼà sə̀ nduw wə̄n tǒ kwèe kə̀ biigh koʼ, kə mò è zum, a ŋ kuum kpàa ndùw an wə̀s, kə m pfʉ̀gə̀m ndùw fughu.

Dzɔ̌n 5:23

enyəa ghî ghə̀n à dzə̀m è fughuu nduw wɛ â kɔʼso mò aŋ ghəa ghəla ghe bɔɔ̄m kɔʼso sugho Tsele ù te a te. Ghùw wəla ù fughu yo wɛ â kɔʼso mò fi kɔʼso sùghò yo Tsele wəla ù tum wo wə̄n.

Dzɔ̌n 8:31

Yɛso n daŋso dzɛ̀ ndùw â Dzûu təla tə mò lo mo tə m boo fughu â wə̄n enyəa, “Abugho ghɛ̀ bɔɔ̄m bwîi nduw dzə an tsʉ̀ zaŋa, ghɛ̌ fi kûum lǒ tsə̀təndə̄ghā taŋā,

Kə̀fwàʼ 2:42

Ghe n tēe ten tsughu ko alezuuw tsʉ̂ è tətum zə̀ àsùghò aŋ ghəa a ghee à ghəəŋ dzəəŋ gho, zəa dzəŋlo, gɔ̀ɔŋ dzə̌əŋ sùghò.

Kòloshìan 3:16

To mughù zɛʼɛ e dzə̀m e mò lò tən ko ghəa ghəla tùm è dzùŋ zən kùu ndùw Kə̀lestò děe ghè ghò, ghəa ghɛ̀ kûm zoʼn ghue zɛʼɛ zo, tsʉ̀a ndùw sùghò an tɔ zəla ghɛ̀ ki. Ghɛ̀ è zɔ̀ŋɔ̀ nduw zɔ̀ŋ kò, zoo ndùw tə̀ zòo àsùghò zòo tə̀ baa to am fə̀ŋ tɛʼɛ tə̀ dzûŋ tò, alefūghuu zɔ̀ɔŋ kò â Zə̀ kò.

Taetùs 2:10

ŋkāa kɔ̀ɔ mə̀ è ka e tsɔŋɔ sugho fʉgha u ghee wo. Ghe ki alekuūwn deē nduw mwam è dzûŋ zò an dziī zəla ghùw lò alegaʼ fə̀ŋ a zəŋò ghee, to ghî ghə̀ è koʼo tɔɔ wo mwam e ghee è dzûŋ zò, ghî a te ghə e ləghaa alezəəŋ shwaʼ u Bəghambī ù sɛ̀, Kə̀zə̀.

Hibùlù 3:14

Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.

Hibùlù 6:1

Sɛ̀ ki aledə̀mà təla tsughu alezoʼn ghue e sɛ̀ zo aŋghəa ghəla a lo aleghəŋlo enyəa sɛ̀ məla tsughu, àsùghò enyəa sɛ̀ e moʼn nduw ghəa ghəla a tsəghàsə ghəa a sûesʉ ghəla ghe mò bû zoʼn dzə sɛ̀ a te kùu ndùw Kə̀lestò. Sɛ̀ kôom ki yo alekə̀aa zee ghəa gho kùu ghəa ghən enyəa, sɛ̀ ki aletiī kuwnlo aŋ ghəa ghəla a nîi wô vʉ zo, ŋkāa aŋghəa sɛ̀ ki alegaʼ fə̀ŋ a te a zəŋò Zə̀ kò.

1 Dzɔ̌n 1:3

Ghàʼ fɛ dzâ wò ghɛ̀ â fəgha kəla ghàʼ lo mò ghàʼ n zuw, kòʼ è sugho, ghàʼ fɛ â ghɛ̀ dzâa wò aleghəŋlo enyəa sɛ̀ təmadzəə̄ŋ kɔʼ alo kəfəgha kə mɔ̀ʼ, tò aŋghəa ghàʼ lo alo kəfəgha kə mɔ̀ʼ ghàʼ à ghê Tsele àsùghò Wɛ ù Wə̄n, tɔɔŋ Yɛso Kə̀lestò.

3 Dzɔ̌n 1:9

M̀ maā tɔm wò mwàʼsò kò â dzeŋe kə ghì a Kəzə̀ kɛʼɛ ko, à sò kǔuwn lò ko enyəa Dǐotefìs wəla ù ləghaa tsə̀ghà ko aledòʼò kə̀sə alo aghəa a dzə̀m u kafə tso naŋa tuūŋ ko am fəgha kəla Ǹ dzaā.