2 Dzɔ̌n 1:6 - To kə Kəzə̀ kə̀ Fughu ko

⁶ Ləgha zəla Ǹ dzâa fɛ moʼnlò enyəa, sɛ̀ è mughu an lâŋ kə Kəzə̀. Lâŋ kə̀là ghɛ̀ a dzə̀m mò zuw alekaʼa nughù wo, lò enyəa: Ghɛ̀ a dzə̀m ki aleləghaa ghue zɛʼɛ zo tò waazə̂.

2 Dzɔ̌n 1:6 Iomraidhean Croise

Dzɔ̌n 14:15

Yɛso n dzɛ̀ â tsə̀təndə̄ghā tə wə̄n to enyəa, “Abugho ghɛ̀ ləghaa mugho, ghɛ̀ ki alenaaŋ lâŋ kaŋa ko.

Dzɔ̌n 14:21

Ghùw wəla ù zuūw lwâŋ waŋa wo, bɔɔm bwìi ndùw a te, vʉ̀ lô ghùw vʉ̀a ù biso ləghaa mugho. Ghùw wəla ù ləghaa mugho, Bəghà lo ləghaa sùghò wə̄n, mùghò è ləghaa sugho wə̄n, dèe fùghu sùghò ghue waŋā â ghùw ù te.”

Dzɔ̌n 14:23

Yɛso m bɛ̀lɛ̀ ndùw wə̄n enyəa, “Abugho ghùw ləghaa mugho, ù kì alebwiī aŋghəa Ǹ ləghaa a te, bəghà lo e ləghaa sugho wə̄n, ghàʼ kê bughò mughù ghàʼ à ghee.

Dzɔ̌n 15:10

Abugho ghɛ̀ naāŋ lâŋ kaŋa ko, ghɛ̀ è ke lo ko an ləgha zaŋa, tò aŋghəa Ǹ naāŋ sughò lâŋ kə Bəghà kò yìa Ǹ lô an ləghaa e wə̄n.

Dzɔ̌n 15:14

Ghɛ̀ lo fən ghaŋā abugho ghɛ̀ bɔɔ̄m fwaʼà ndûw fəgha kəla Ǹ dzâa wô â ghɛ̀.

1 Dzɔ̌n 2:24

Ghǒom tsughu nlò enyəa, fəgha kəla ghɛ mò zuw alekaʼa nughù wô aŋghəa ghɛ̌ fə̀ boō fughu tsughu â Kə̀lestò, kə doʼò tən a zəŋò ghɛ̀. Abugho kə doʼò tən a zəŋò ghɛ̀, ghɛ lo e ti ghuw ko kə mɔ̀ʼ ghà à ghê Wɛ àsùghò Tsele ù te.

1 Dzɔ̌n 2:5

Ghùw wəla ù kuūwn zuuw â Zə̀ kò, à lǒ ghùw ù te ù kùum kele tsughuu fəgha kə kəla ləgha e Kəzə̀ è lo ghè ko. Ghən lò ghəa ghəla sɛ̀ lo alekele enyəa sɛ̀ à ghê Zə̀ kə̀ lo nû alo kəfəgha ə mɔ̀ʼ:

1 Dzɔ̌n 2:7

Fən ghaŋā gho, kən yo dzə̂ lâŋ kə fughu ko Ǹ tɔɔ wo â ghɛ̀; à lò lâŋ kə̀ wii kəla kə ki lô tsəgha dzə — kəla ghɛ̀ ki kwo tsəgha, tɔ̂ɔŋ làŋ kə̀ wii kəla ghɛ̌ fə̀ ki zuw.

1 Dzɔ̌n 5:15

Abugho sɛ̀ kwo sughò enyəa Zə̀ kə̀ zuuw nù â sɛ̀, abugho sɛ̀ bvʉ ko kwò kò â wə̄n, sɛ̀ ŋ kwo tən am fə̂ŋ enyəa ù sò fùghuu nù fəgha kəla sɛ̀ bvʉā nduw â wə̄n.

1 Dzɔ̌n 5:3

Nu abugho sɛ̀ kûm ləghaa Zə̀ kò, sɛ̀ fi ki alenaaŋ lwâŋ wə̄n wo. Nu lwâŋ u wə̄n u tughu yo â sɛ̀ alenaŋlo.

2 Dzɔ̌n 1:5

M̀ buʼu wò kə̀ ghu â ghû a Wìzən ù dzùŋ, à yò dzə̂ enyəa kən lò lâŋ kə fughu ko, à lo lâŋ kəla sɛ̀ ki ki tsəgha, enyəa: Sɛ̀ è ləghaa ghue e sɛ̀ zò tò waazə̂.