1 Timotì 6:3 - To kə Kəzə̀ kə̀ Fughu ko

³ Abugho ghùw zoʼn ghî gho an tsʉ̀ è nughù zò tsə̀ghàa sə̌a ko yo zəla M̀ fughu wo â ghù, mo tsʉ̂ e te e boom dzəəŋ yo ghèe tsʉ̀ e Mughubè ù sɛ̀ Yɛso Kə̀lestò àsùghò zəla e zoʼn ghî ghò alemughu aŋghəa Zə̀ kə̀ ləghaa enyəa sɛ̀ è mughu a te.

1 Timotì 6:3 Iomraidhean Croise

Matìo 22:21

Ghe n dzɛ̀ â wən enyəa, “À lò sʉ u Kaesà.” Ù n daŋso dzɛ̀ â ghee enyəa, “Fəgha kəla kə lô kə Kaesà kò, ghɛ̀ è fughuu nduw Kaesà, də̀ŋ kə Lumà, mò alò fəgha kəla kə lô kə Kəzə̀ kò, ghɛ̀ è fughuu nduw sugho â Zə̀ kò.”

Matìo 28:20

Ghɛ̀ e zoʼn ndùw ghee enyəa ghee naaŋ lwâŋ wəla M̀ fughu wo â ghɛ̀ u dzə̀m; kòʼo sùghò nlò, Ǹ lo sɛ̀ alo tənə̀gha tə dzə̀m to mbī kê bughò mîa.”

Lumà 16:17

Waazə̂ ghaŋa gho, ghəa zəla Ǹ naam ki aledzɛ̀ wô â ghɛ̀ lo enyəa, ghɛ tsʉ naŋa kɔʼ sə ghɛʼɛ gho a zəŋo ghì ghəla ghe ghəŋlo enyəa ghî ghə̀ e tsɔɔ̄n kaaŋ tuw wo, ghe ŋ ghəŋlo ghùw n yo aletɔʼɔ tee am boo e wən. E kwo ko ghɛ̀ lo boōm naāŋ ŋgòʼ è ghì a te gho, nu ghe nîi wô aghəa mo a boom dzəəŋ yo ghèe fəgha kəla ghe mò zoʼn ghɛ a te.

1 Tɛ̀sàlonìan 4:8

E fi lo enyəa ghùw wəla ù tue maʼà tsʉ̂ zən zo, ù kà tsùghòsò dzə ghùw, ù kǔuwn tsùghòsò Kə̀zə̀, tɔ̂ɔŋ Zə̀ kəla kə fughuu ghɛ â Zuʼ tə̀ Zɔlɔ to.

1 Timotì 1:10

Laŋ kə lo sugho â ghì ghəla ghe səā nûŋlo, àsùghò ghê nùghùbùʼutùe. Chia kə lô sugho â ghì ghəla ghe tsɔŋɔ̄ boʼn ghî ghò, àsùghò ghəla ghe kaʼn gha gho; a ka dɔ̂ɔm taŋ ghəla ghe dzɛ̂ enyəa a yo alekāʼ egha, dèe èzə̀ mo gha à kaʼnlo a lo fʉghàzəa u ghee àsùghò ghəa à loʼ ghəla a lo mo a boom dzəəŋ yo ghèe tsʉ̀ è zɔlɔ zo.

1 Timotì 1:3

Ghəa mugho fə̀ nughùn nduw a ŋ Mɛ̀sàdonìa, mùghò n dzɛ̀ â ghù enyəa, ghù dòʼòdòʼò tsughu ko an Efɛsùs. Dzǎa ndùw â ghî ghəla ghe zoʼn kaāŋ ghî ghò am fwə̀n tə aghəa mò à yò ghəa ghəla mùghò fə̀ zoʼn ghɛ a te, enyəa ghe bughū naŋa ghəa a ghee a te gho.

1 Timotì 1:6

Ghî à li ghə n zə̀ghà màʼà səŋò zən zo, kuuwn sə̀ tsə̀ghà tsùghù alekəā kaaŋ shwaʼ ù laʼso wo.

2 Timotì 1:13

Tiso kɔʼ tuw kə̀a kò aŋ ghəa ghən a dzə̀m mùgho mò zoʼn ghû a te, ghù e zoʼn nduūŋ nduw ghî à li gho a te. Abugho ghù ghəŋlo êzə̀, tee tən tsughu ko am fə̀ŋ zəla sɛ̀ gaʼ tsughu a zəŋò Zə̀ kò aŋghəa sɛ̀ lo alo kəfəgha kə mɔ̀ʼ sɛ̀ à ghê Kə̀lestò Yɛso.

2 Timotì 4:3

Tɔŋlo enyəa, nəgha e lo kpee nù, ghî ghə̀ e ke tuu maʼn wo tsʉ̂ è səŋò zò. Ghe e ke kuuwn ləghaa ko alenùghù ndûw a n dzìi tə ghee, ghe e tɔɔŋ zuūŋ wo wàdè təla ghe ləghaa enyəa tə e fughu ghee â tsʉ̀ zəla ghe ləghaa alezūw.

Taetùs 1:1

À mwàʼsò kən kə tɔm mugho Pôl, kɔ̂ɔ fə Kəzə̀, àsùghò tum è Yɛso Kə̀lestò. Ghe mugho tùm wò alebùghò tughusô boo e ghì ghəla Zə̀ kə̀ mò shîa kɔʼ enyəa e noo, àsùghò â ghee alekelê tsʉ̀ è səŋò zəla e lo, aleyòsò ghee enyəa ghe e mughu an dziī zəla Zə̀ kə̀ ləghaa.

Taetùs 1:9

Ù kì aletɔ̀ʼɔ̀ kwuū tsʉ̀ è dzûŋ zəla ghe fə̀ zoʼn wə̄n a te, tò ù è lo aletoōn ndûuŋ ndûw ghì à li gho an tsʉ̀ è səŋò e te zo, ù e lo sugho alekomsô ghì ghəla ghe tuū maʼn tsʉ̂ è dzûŋ e te zo.

Taetùs 3:8

Ghəa ghə̀là Ŋ̀ kə̂a wô fɛ â ghù kùm lǒ èsəŋò. Ǹ ləghaa enyəa ghù è tughusō dzaā kweēn nduw ko ghəa ghən gho â ghee, to ghî ghəla ghe boo fughu tsughu â Zə̀ kò è ke tɔʼ lo alegaʼa tsughu fə̀ŋ aleghəəŋ ghəa à dzûŋ ghò. Ghəa a te a dzɔ̂ bùʼ nù yòsò sùghò â ghì ghə̀n à dzə̀m.