1 Timotì 5:3 - To kə Kəzə̀ kə̀ Fughu ko

³ E lɛnlo â yiikpūw ghəla ghe ki yo ghùw alelɛnlo â ghee.

1 Timotì 5:3 Iomraidhean Croise

Matìo 15:6

E fi lo enyəa, bughōo kə enaʼ kɛʼɛ̄ kə̂ ŋ ghɛ̀ ghəŋlo ghɛ̀ yia tâʼkè naŋa kə̀tuŋlō an shwaʼ u Kəzə̀.

Matìo 23:13

“Ghɛ̀ ghê Dèekə̀làŋ ghɛ̀ à ghê ghî a Falàsîi ghò, ghɛ̀ lo an tsù ù ne wo; ghî a kə̀bàŋàdzə̀m tò ghɛ! nu ghɛ̀ fê nàŋa tsughu dzì enyəa ghî à ka alo kəwālā tsəghà nyə̀, ghuūghùe zɛʼɛ̄ zəa e buʼù nyəā ndûw sughò yo a fughu, ghɛ̀ yia ləghaa sughò yo aledèe tsughu dzì â ghì ghəla ghe dəmà aletsə̀ghàa nyə enyəa ghe nyəā ndûw.

Lûk 2:37

Ù n dòʼò ko êzə̀ aŋ wìikpūw noo kpe tsughu ghə̀m n tə̀nùu efāa à ghè tò tə chìakò. Ù m mughu zee ko am be kə̀ ne ko, baa èdzughu, kɔʼso Kə̀zə̀, gɔ̀ɔŋ zěe ndùw, gɔ̀ɔŋ bwǐi ndùw.

Lûk 7:12

A m bùghò ù kuʼso ndûw fu ū ughɔ̄ŋ wə enaʼ u te wo, ghe n tɛ̀tsə̀n kɔ̀ʼ aghî mo ghe yia boʼn səā wô â gwən e ghûw zò; mò à lǒ sɔ̀ʼ kə wɛ̄ kə̀ nûu kò â zə̀, tɔɔŋ wìkpuw ù lì. Ndə̀m è àghì n tə̂əŋ sə̌a wò fughu alo enaʼ ghèe ghê wìkpuw vʉ̀.

Dzɔ̌n 1:47

A m bùghò Yɛso kôʼ Natanɛɛ̀l ù səā kəə̄ŋ wo a vʉ̀a wə̄n, Ù n dzɛ̀ tsùghù enyəa, “Kôʼ kùum kə ghuw kə Ezə̀lɛ̂ kò mo ù bə̌ən ghəəŋ yo ghəa gho a.”

Kə̀fwàʼ 6:1

Ghəa kɔ̂n kə tsə̀təndə̄ghā tə Yɛso kə̀ dûuw wo, Dzûu təla tə mò kə̂aa shwaʼ u Gə̀lêk wò n tàm ndùw Tə̀dzûu təla ghe mò kə̂aa shwaʼ u Hebə̀lù wò an shwaʼ bòʼ ghe mò baā ukpiī am fʉ̀ghàzəa wəla ghe mò dzughùu fughuu tsəgha â yiikpūw gho alo fətsūʼ.

Kə̀fwàʼ 9:39

Pità fi nughù kɔ̀ʼ nû nùghù wò ghèe ghee; a m bùghò ù bùghò tɛ̂ tsughu fughu, ghe n nì kɔ̀ʼ ndùw wən an dzughu e ndughu e te zo edūŋ. yiikpūw ghən à dzə̀m n ti ko ghèe ghee, ghe n dîi dèe tsùghûu gbà ù təndzʉ̄ à ndzʉ tə̀ li to Dolkàs mò təm ghəa ghèe ghee mò naām lo a dzə̀m.

Kə̀fwàʼ 9:41

Pità m fùghù ndùw kə̀ghu â wə̄n, tɔ̀ɔm nùghù kɔ̌ʼ wə̄n. Ù n tɔŋɔ tsughu ghî à Kəzə̀ yì à dzə̀m àsùghò yiikpūw yì, dè tsùghù nughò vʉ̀ â ghee, mò ù lò â ghue ù tughu wo.

1 Tɛ̀sàlonìan 2:6

Ghàʼ mò kəŋo dzə yo enyəa to ghî à mò kɛ̌ɛ wò ghàʼ. Tǒ tum tə Kə̀lestò, ghǎʼ mò ki nû alebvʉa wô ghɛ â fʉgha ù li wo.

1 Timotì 5:2

E niī sugho noo tə ayìzən to tò ghê zùghù. Nìi sùghò waafəghàŋ à zən gho tò waazughù. Ghəa ghən gho, e fwaʼa nduw am fə̂ŋ è dzùŋ.

Dzɛ̂ms 1:27

Ghəa e Kəzə̀ zəla Tsele ù te, Kə̀zə̀ nìi enyəa e ki yo dzʉ wo, zəa e lô tsəghatsəgha lò enyəa; alelɛnlo â waatsʉ gho àsùghò yiikpūw gho am fala e ghee, àsùghò enyəa e kwo ko ghəa a mbī a lô so e dzəso ghùw.

1 Pità 2:17

E fughuu nlò kɔʼso mò â ghî ghə̀n à dzə̀m; ləghaa dzeŋe kə wɛ a ndùghèkə̀zə̀, e mughù nlò an tsəŋ e Kəzə̀, ghɛ̀ è fughuu sugho kɔʼso mò â də̀ŋ kə̀ ne ko alo enaʼ.

1 Pità 3:7

À lò sugho eghəla â ghɛ̀ a num ghə ayi gho, ghɛ̀ zuwkɛlɛ tsughu alemughu ghɛ̀ à ghê yi ghɛʼɛ̄ gho, ghəa e lô enyəa yîzən a lɛɛ nù. E fughuu nduw ghee â kɔʼso mò, aŋghəa e lô enyəa ghɛ̀ à ghee kê dzèŋe kelê mùghù e doʼn təla zo a dzə̀m. Ghɛ̀ e ghəəŋ nduw enyə â ghee, to zə e lo enyəa fəgha kə̀ li kə yo aletə̀ghàsò maʼà gɔ̀ɔŋ zɛʼɛ.