1 Timotì 5:1 - To kə Kəzə̀ kə̀ Fughu ko

¹ Kà è tɔnlo â dzə̂ a zəŋò noo kə ghû kò, e bughuso kəaa nduw ghəa gho â wə̄n alo ŋkɔʼso tǒ tsughò. E niī nduw waafəghàŋ à nûu ghò tò waazughù.

1 Timotì 5:1 Iomraidhean Croise

Matìo 23:8

Ghe ki yo alekuūwn tɔŋɔ ghùw wɛʼɛ enyəa à lǒ wàdè, tɔŋlo enyəa ghɛ̀ ki ko wàdè u mɔ̀ʼ, ghɛ̀ a dzə̀m yia kuūwn lô waazə̂ ghò.

Kə̀fwàʼ 14:23

À m bùghò ghe ndûw kôʼ ndûw dzeŋe kə ghì ghəla ghe boō fughu â Kə̀lestò alo kəlùʼu, ghe n tsɔʼ kɔʼ tətsoʼ a fughu an dzeŋe kə te ko, ghe m bam tsughu edzughu è gɔnlo alefughūu zəghàa ndûw ghee â Mughubè ù te wəla ghe boō fughu â wə̄n.

Kə̀fwàʼ 15:4

A m bùghò ghe bughò nyə wo an Yɛ̀lusalɛ̀m, ghî a Kə̀lestò ghə̀ m kpènì ghee ghèe ghê tum to à tsoʼ to, ghe n dzɛ̀ tsùghù ghəa ghə̀n à dzə̀m Zə̀ kə̀ yôsò kɔʼ ghee enyəa ghe ghəə̄ŋ ndûw.

Kə̀fwàʼ 15:6

Tum tə n zùuŋ tsùghu ghèe ghê tsoʼ to alebùghò lɛɛ̄n nyəā tsughu ghəa zən.

Kə̀fwàʼ 20:17

A m bùghò Pôl lò am Mìlɛtùs, ù n tum tɔŋɔ tsughu tsōʼ tə dzeŋe kə ghì a Kəzə̀ tə Ɛfɛ̄sùs enyəa ghe bughò kôʼ ghee.

Lumà 13:7

Ghɛ̀ e fughuu nduw fəgha kəla ghɛ̀ ki alefughu tsəghà ndûw â ghee: mò à lǒ mwàʼsò kə̀ chuuw ko, ghɛ̀ n chùw è nduw, chuuw ndùw sùghò chuw tɛʼɛ, ghɛ̀ m fughuu ndùw kɔʼso məla m kpe â ghee.

Gàlashìan 6:1

Waazə̂ ghaŋa gho, abugho ghùw wɛʼɛ ù lòʼ ghəə̄ŋ boon tsughu ghəa è li zo, ghɛ̀ ghəla Zuʼ tə̀ dêe ghɛ â dzì, ghɛ̀ ŋ ki alenyoʼn kôom bɔɔ̄ tiso wô ghùw u te e bàm an dziī. À m bùghò ghɛ̀ ghəŋlo êzə̀, ghɛ̀ n nîi tsùghu èghòmlo enyəa e kwo ko ghùw wɛʼɛ lô kôom bvʉ̂a kômlo.

1 Timotì 5:17

Tsoʼ tə dzeŋe kə ghì a Kəzə̀ təla tə nyɔʼɔ̀ fwaʼā fwàʼ kə ghee ko, ki alekelê namso kə̀ dzûŋ kò àsùghò kɔʼso mò; a ka dɔ̂m taŋ ghəla ghe zughò shwaʼ u Kəzə̀ wò, zoʼn sùghò àghì.

1 Timotì 5:2

E niī sugho noo tə ayìzən to tò ghê zùghù. Nìi sùghò waafəghàŋ à zən gho tò waazughù. Ghəa ghən gho, e fwaʼa nduw am fə̂ŋ è dzùŋ.

Taetùs 2:2

E zoʼn nduw noo tə ayînû tò enyəa ghe e nyoʼn lo, ghe ki alemughu mughùu zə ŋkɔʼso zo, àsùghò enyəa ghe kele tsughu alekɔɔn tsughuu ghue e ghee zo. Ghe ki aletɔ̀ʼɔ̀ boō fughuu tsughu â Zə̀ kò, ghe e kum ki ləgha zo aŋ ghùe e ghee, àsùghò enyəa, mò à sə̌a kô kwò, ghe e kɔɔn tsughu ko fə̂ŋ tò am boo e ghee a zəŋò Yɛso Kə̀lestò.

Taetùs 2:6

À lò sugho eghəla, ghù ki aletsʉā nduw sugho waafəghàŋ à nûu ghò enyəa ghe e maʼn tsughu ghue zo alo aghəa a dzə̀m.

Dzɛ̂ms 3:17

Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

Dzɛ̂ms 5:14

Mò ghùw ù li lo nû am bvʉa zɛʼɛ̄ ù dzàŋa, ù n tum tɔŋɔ tsughu tsoʼ tə dzeŋe kə ghì a Kəzə̀, ghe m bughò gɔ̂ɔŋ tsughu an tuw kə wə̄n, mo ghe ŋ wə̄n tsoʼso tsùghù dzə̀ alo mvʉ̄ an zən e Mughu ù te.

1 Pità 5:1

Mùghò tǒ tsoʼ, M̀ buʼu wò kə̀ghu à tsoʼ təla tə lo am tsətèʼè fɛʼɛ. M̀ mafə kôʼ fala e Kə̀lestò zò, Ǹ lo kòʼò sùghò nû səghanyəgha mə̀là n lò aŋ ghaʼ e wə̄n abugho ù lo kôom bugho ebàm.

2 Dzɔ̌n 1:1

Mùghò, Tsoʼ an ndughu e Kə̀zə̀, Ǹ tɔɔ wò mwàʼsò kən â ghù a Wìzən wəla Zə̀ kə̀ shîaa kɔʼ ghɛ̀ â ghê wɛ ghə̂a ghò. Ŋ̀ kûum ŋgěe ləghaa nù ghɛ, à kà yo ko mugho, ghî ghə̀n à dzə̀m ghe kwo səŋò zò lə̀ghaa sùghò nù ghɛ.

3 Dzɔ̌n 1:1

Mùghò, Tsoʼ an ndughu e Kə̀zə̀, Ǹ tɔɔ wò mwàʼsò kən ko â ghù a Gayùs, ghù wəla Ŋ̀ kûum ŋgeē ləghaa.

Edêe Fughu 4:4

Ndàŋ tə udwə̀ŋ ŋghəm m bə̀ghà à ghè tò tə chìakò n tèe dzə̀əŋ ŋgəa kɔ̌ʼ ndàŋ è kə̀də̀ŋ zə̀, an ndàŋ ten à n dòʼ tətsōʼ ŋghəm m bə̀ghà à ghè tò tə chìakò mo ghe n dzəlà kèle sàŋ tə̀ fəma to, àsùghò twàaŋ wò alo utūw mo ghe tsə tsughu alo etsɛ̀.