1 Timotì 4:8 - To kə Kəzə̀ kə̀ Fughu ko

⁸ E dzɔ̂ɔ ko nù alenumsō zee gwən e ughùe zò, e kuuwn ŋgè dzɔ̀ tsə̀ghàtàʼà sə alo tədzǐi tə dzə̀m abugho a zoʼn zeē ghue e sɛ̀ zò alekelê ghəa a Kəzə̀. Ghəa a Kəzə̀ a ki to kəla kə ki mughù zə̀n èzəŋ àsùghò zəla e kê lô tən tsəgha.

1 Timotì 4:8 Iomraidhean Croise

Matìo 12:32

Ghùw wəla ù boōn zən e Wɛ ù Ghùw zò, to Zə̀ kə̀ ghuuw maʼà ghea a te gho; wəla ù kuūwn sûuwn zən e Zuʼ tə̀ Zɔlɔ to, Zə̀ kə̀ lo zə̀a yǒ bôo tə ghùw ù te to, to mbī kê bughò mîaa.”

Matìo 19:29

Ghùw wəla ù mò tso zəghàa maʼà wô dzə̂ waazə̂ ghò, zə̀ghàa wò tsele àsùghò zə̀, ŋkāa wɛ a wə̄n, sum e wə̄n, ŋkāa ndughu tə wə̄n, enyəa ù bughòo a bàâ mùghò, ù lo kelê fʉgha u te wo təbɔm, ù kele sughò mùghùu zəla e doʼò tən.

Matìo 6:33

Kuuwn bùʼu tughuso tsùghù dzə̀ nlò kè tò aŋ ghəa e fɔ̀e u Kə̀zə̀ àsùghò aŋ ghəa ghəla a ghəŋlo enyəa ghùw è lo tsəghatsəgha, ghɛ̀ ke kele tsughu sugho fʉgha u te wo u dzə̀m.

Mâk 10:30

ghùw ù te lo kele tə̀ndughu, ù lo kelê waazə̂, ghê zə̀ àsùghò ghê tsele, àsùghò wɛ gho, àsùghò sum zo ndə̀m tò mughu fədzughù an tì kə̀n àsùghò an tì kəla kə lô â sə ko ù lo zəā yô tsɛlɛ̀ zò, ù è ke koʼo sugho yo tsû wò.

Lûk 5:38

Ghùw lǎam ki aledzə̀n sə̀ŋ zə̀ nlʉ̀ an sùʼ è fughu.

Lumà 8:28

Sɛ̀ kwo nû enyəa alo aghəa a dzə̀m, Zə̀ kə̀ fwaʼa ko alekòʼ enyəa ghî ghəla ghe ləghaa wə̄n e mugho dzɔ̄. Ghən lò ghî ghə̀là kə̀ fə̀ tɔŋɔ̄ aleghəŋlo enyəa ghəa ghəlà kə mò fôʼ naŋa a bughò sə êzə̀.

1 Kòlentìan 3:22

Ŋkāa à lò Pôl, ŋkāa à lǒ Apolòs ŋkāa à lò Pità; mbī zən, ŋkāa emughùu, ŋkāa evʉ, ŋkāa tî kən êzə̄ŋ, ŋkāa tî kəla kə ki alebùghò — ghea a te gho a dzə̀m lò â ghɛ̀.

1 Kòlentìan 8:8

Fʉghàzəa u lo naaŋ dzə yǒ sɛ̀ tsəghatsəgha a vʉ̀a Zə̀ kò. Sɛ̀ gûuŋ yo fəgha kə li ko abugho a doʼkè zə, a kele sùghò yò fəgha kə li ko abugho a zə.

1 Timotì 4:7

Tue màʼa zə̂azə̂a ŋ ghə̀a kwu mò to məla dwə̂n wə aghì zən u kə̂a seē. E zoʼn tsughuu nlò ghue zɛʼɛ zo aŋ dzǐi tə Kəzə̀.

1 Timotì 6:3

Abugho ghùw zoʼn ghî gho an tsʉ̀ è nughù zò tsə̀ghàa sə̌a ko yo zəla M̀ fughu wo â ghù, mo tsʉ̂ e te e boom dzəəŋ yo ghèe tsʉ̀ e Mughubè ù sɛ̀ Yɛso Kə̀lestò àsùghò zəla e zoʼn ghî ghò alemughu aŋghəa Zə̀ kə̀ ləghaa enyəa sɛ̀ è mughu a te.

1 Timotì 6:5

Ghî ghən lo tsəgha ko alo kəzùghù, tɔŋlo enyəa ghe moʼn tə̀la ko èbo, ghe sô kôom kwo dzə̂ yo səŋò zò. Ghe sô moʼnlò enyəa fwàʼ kə Kəzə̀ kə lo alekə̄ŋ ekum a te.

1 Timotì 6:6

Fwàʼ kə Kəzə̀ kə kûu fùghu nù namso kə̀ ne ko, abugho a kuūwn ki fə̂ŋ tə̀ zʉʉ̄n to an nyàaŋ fə̀là sɛ̀ ki ghe fò.

2 Timotì 3:5

Ghe ke e nəəŋ ghəŋlo enyəa ghe lo ghî à Kəzə̀ kuuwn tuu maʼn daʼa kə Kəzə̀. E kwo ko ghù lò kele ghəa è li zo aleghəŋlo ghɛ̀ à ghê ghì ghən.

Taetùs 3:8

Ghəa ghə̀là Ŋ̀ kə̂a wô fɛ â ghù kùm lǒ èsəŋò. Ǹ ləghaa enyəa ghù è tughusō dzaā kweēn nduw ko ghəa ghən gho â ghee, to ghî ghəla ghe boo fughu tsughu â Zə̀ kò è ke tɔʼ lo alegaʼa tsughu fə̀ŋ aleghəəŋ ghəa à dzûŋ ghò. Ghəa a te a dzɔ̂ bùʼ nù yòsò sùghò â ghì ghə̀n à dzə̀m.

Hibùlù 13:9

E kwo ndə̀mà tə etsʉ̀ tə̀ fughu tə̀ li tə lô bughò sêe nughùun tsughuu ghɛ an dziī è tsəghatsəgha. À lò ghəa è dzûŋ zò abugho fə̀ŋ e ghùw nɛɛ̄ tsughu mò à lò dzɔ̀ e Kəzə̀, mò à yo dzə̂ aŋ ghəa à naŋlo a lwàŋ u ghəa a ufʉ̀ghàzəa, mo lwâŋ wən yòso yò ghee aŋ ghəa è li zo.

1 Dzɔ̌n 2:25

To kəla Kə̀lestò fə̀ to naŋā â sɛ̀ lò — Mughù è doʼn tela zo.

Edêe Fughu 3:12

Ǹ lo ghəəŋ tsughuu nù ghùw wəla ù ghaʼ tsughu bo zo ù dòʼò tsughu kənyàla an tsughu e Zə̀ kaŋa, mò ù kè kòom zə̀ghàa màʼà kòʼ tsə̀ghà yò luʼū kə te ko, Ǹ lo tɔɔ̄ naŋā tsughu zən e Zə̀ kaŋa a zəŋò wə̄n, àsùghò zən e naʼ e Zə̀ kaŋa ko, tɔ̂ɔŋ Yɛ̀lusalɛ̀m è fughu zəla è kè səā tsughuu wô alo kəwālā, Zə̀ kaŋa kə fughu tsughu wo. Ǹ lo tɔɔ̄ naŋa tsughuu sughò zən zaŋa è fughu zo a zəŋò wə̄n.’

Edêe Fughu 3:21

Ghùw wəla ù ghaʼ bo zo, Ǹ lo fughu nu wə̄n â daʼa ko aledòʼò tsughu am bùghu e ndàŋ è kə̀də̀ŋ zaŋa, tò aŋghəa ghuūghùe waŋā u fə̀ ghaʼ sugho bo zo, mùghò n dòʼò tsughu am bùghu e Bə̀ghà an ndàŋ è kə̀də̀ŋ è wə̄n.”