1 Timotì 4:7 - To kə Kəzə̀ kə̀ Fughu ko

⁷ Tue màʼa zə̂azə̂a ŋ ghə̀a kwu mò to məla dwə̂n wə aghì zən u kə̂a seē. E zoʼn tsughuu nlò ghue zɛʼɛ zo aŋ dzǐi tə Kəzə̀.

1 Timotì 4:7 Iomraidhean Croise

Kə̀fwàʼ 24:16

Zən lò e ghee M̀ bughōo mùghò Ǹ nì kɔ̀ʼ mbāŋ kə te ko enyəa mùghò è ki ko fə̀ŋ è zɔ̀lɔ a zəŋò Zə̀ kò àsùghò a zəŋò ghì ghò.

1 Timotì 1:4

Dzâa ndùw â ghee enyəa ghe bughūu naŋa alezuum taŋso kaaŋ wii to kùu ndùw ghê tsele a ghê tsele a ghee. Ghea a te a ghəəŋ nù ghî ghə̀ m pfʉa adzughu aŋ ghùe è ghee kə̀nughùnùghù. Ghəa a te a yôsò ghùw alefwaʼā fəgha kəla Zə̀ kə̀ ləghaa, mò ghùw lò ko alefwàʼ fəgha kəla Zə̀ kə̀ ləghaa abugho ù boō fughu tsughu â Kə̀lestò.

1 Timotì 1:9

A kwo sugho nû enyəa ghe kâ lâŋ kə̀ naŋa dzə̀ â ghî à dzûŋ ghò; kə kuuwn lò â ghì ghəla ghe bvuʼū lâŋ kò àsùghò ghəla ghe ghəə̄ŋ fɛ̀ɛn tə aghəa tə̀ biigh to, â ghì ghəla ghe moʼò enyəa Zə̀ kə̀ yo, ghəla ghe ghəə̄ŋ dzə̀adzə̀ tə aghì təla tə ki yo fəgha fwàʼ kə̀ li ko, àsùghò â ghì ghəla wiī maʼn tsughuu tsele ŋkāa zə̂, ŋkāa ghe gbôo ghùw.

1 Timotì 2:10

Ghe ki ko aleki mwam e dzûŋ zəla e fweēn tsughuu wìzən wəla ù dzɛ̀ enyəa ù m boo fughu â Zə̀ kò.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

1 Timotì 4:8

E dzɔ̂ɔ ko nù alenumsō zee gwən e ughùe zò, e kuuwn ŋgè dzɔ̀ tsə̀ghàtàʼà sə alo tədzǐi tə dzə̀m abugho a zoʼn zeē ghue e sɛ̀ zò alekelê ghəa a Kəzə̀. Ghəa a Kəzə̀ a ki to kəla kə ki mughù zə̀n èzəŋ àsùghò zəla e kê lô tən tsəgha.

1 Timotì 6:11

Yia a bughò ghû a Timotì, ghù lǒ ghùw wəlà ghù lo mò ghù m boo fughu â Zə̀ kò. E kwo ko ghù lò boōm naāŋ dzʉ wə̄n wo, e kəŋo ko ghəa e tsəghatsəgha zo, fwàʼà ndùw fwàʼ kə Kəzə̀ kə̀a, naaŋ ndùw fə̀ŋ a zəŋò Zə̀ kò, ki sugho eləgha â ghì ghò; kɔɔn tsughu sugho fə̀ŋ, zumso tsughu sùgho ùghue.

1 Timotì 6:20

Timotì, tɔ̀ʼɔ kwo kelē fəgha chìa Zə̀ kə̀ fughu naŋā wo â ghù. Ka è zəən dzə ghəa ghə̀là à buw shwàʼ u Kəzə̀ wò, àsùghò zɔ̀ʼ tə aghəa təla ghî à li a gaām tɔŋlo enyəa à lò utɔ.

1 Timotì 6:3

Abugho ghùw zoʼn ghî gho an tsʉ̀ è nughù zò tsə̀ghàa sə̌a ko yo zəla M̀ fughu wo â ghù, mo tsʉ̂ e te e boom dzəəŋ yo ghèe tsʉ̀ e Mughubè ù sɛ̀ Yɛso Kə̀lestò àsùghò zəla e zoʼn ghî ghò alemughu aŋghəa Zə̀ kə̀ ləghaa enyəa sɛ̀ è mughu a te.

1 Timotì 6:5

Ghî ghən lo tsəgha ko alo kəzùghù, tɔŋlo enyəa ghe moʼn tə̀la ko èbo, ghe sô kôom kwo dzə̂ yo səŋò zò. Ghe sô moʼnlò enyəa fwàʼ kə Kəzə̀ kə lo alekə̄ŋ ekum a te.

2 Timotì 2:16

Kà è boom naaŋ shwaʼ ù laʼso wo, tɔŋlo enyəa shwaʼ ù laʼso u te gbôo sɛ̀ɛ sə̌a wò aghì aŋ ghəa e Kəzə̀, fəghaan sèe məŋso nyəa ndùw àghì aŋ ghê.

2 Timotì 2:23

Kà boo naŋā shwàʼ ù laʼso wo, kà è təmadzəəŋ sugho ghɛ̀ à ghê ghì ghəla ghe pfʉā kaāŋ dzughu gho an làʼsò tə aghəa, tɔŋlo enyəa ghəa a te a ghəəŋ nù ghî ghən zùghùu zěe.

2 Timotì 3:12

Alekùu nîi tsughu, ghe lo ndzaŋso nù ghî ghə̀n a dzə̀m ghe ləghaa alemughù mùghù è Kəzə̀, bòʼ ghe kê lə̀ghaa alelo alo kəfəgha kə mɔ̀ʼ ghèe ghê Kə̀lestò Yɛso.

2 Timotì 3:5

Ghe ke e nəəŋ ghəŋlo enyəa ghe lo ghî à Kəzə̀ kuuwn tuu maʼn daʼa kə Kəzə̀. E kwo ko ghù lò kele ghəa è li zo aleghəŋlo ghɛ̀ à ghê ghì ghən.

2 Timotì 4:4

Ghe lo e tuu alezənlo êsəŋò, ghe e ləghaa ko alezəə̄n kaaŋ zuum tə n zə̀azə̀a tò.

Taetùs 1:14

to ghe e ka zyəən kaaŋ tsəgha zə̀azə̀a mə̀ àgha məla Dzûu tə̀ bughòon səā kɔʼɔ̄, bwìi sùghò yò an lwàŋ u aghì ghəla ghe tuū maʼn êsəŋò.

Taetùs 2:12

Dzɔ̂ e Kəzə̀ zən zoʼn wò sɛ̀ enyəa sɛ̀ tuū maʼà tsughu mughùu zəla à yò dzə̂ mughùu e ghì a Kəzə̀ zò, a ka fə̂ŋ tə̀ gaʼ sùghò am fʉgha u mbī wo, àsùghò enyəa sɛ̀ è naŋso tsughuu kə ebwìi kə sɛ̀ kò aŋ ghəa a sɛ̀ à ghəəŋ gho, sɛ̀ è ki fə̂ŋ tə̀ dzûŋ tò, mùghù sugho aŋghəa Zə̀ kə̀ ləghaa enyəa to a mô mùghu fɛ a te am mbī zən.

Taetùs 3:9

Kà è bwiī fwən wo ghɛ̀ à ghêe ghì ghəla ghe ləghaa alepfʉa dzughu gho an làʼsò tə aghəa, ŋkāa ghəla ghe taŋso wii to an zən a aghì mo ghe mafə̄ kpuuwn tsə̀ghà, boom naaŋ sùghò yò ghəla ghe zughùu zeē kùu ndùw làŋ kə Tə̀dzûu, bòʼ ghəa a te a tsəa yo aŋ ghə̀a è li zo, yia ki sughò yo fwàʼ kə̀ li ko.

Hibùlù 5:14

Fʉghàzəa ù tughu u lɛ̂ɛn ghì ghəla ghe noō kpe tsughu, ghî ghəla ghe n zoʼn naŋa tsughu ghue e ghee zo aŋ ghəa ghəla ghe ghəəŋ zeē, ghe yia kwo nəŋonə̄ŋ aŋ ghəa è dzûŋ zo àsùghò alô è biigh zo.