1 Timotì 4:6 - To kə Kəzə̀ kə̀ Fughu ko

⁶ Abugho ghù zə̀əŋ zeē waazughù gho aŋghəa ghəla mùghò fə̀ zoʼn ghû a te, ghùw vʉ̀a ghù tsʉa tsughu sùghò ghue wʉ̀a wò làbəlà è Kə̀lestò zən àsùghò an tsʉ̀ e səŋò zəla ghù bwii a te, ghù e ke lo ghùw ù kəfwàʼ ù dzùŋ â Kə̀lestò Yɛso.

1 Timotì 4:6 Iomraidhean Croise

Matìo 13:52

Ù n daŋso dzɛ̀ â ghee enyəa, “À fi lo enyəa dèekə̀làŋ wəla ù bùghò doʼò tsə̀ndə̄ghā aŋ ghəa e fɔ̀e u kəwālā lo tò mughùbè wəla ù nìi səā wô fʉgha ù fughu wo àsùghò ù wii wo an tsughu e wə̄n.”

Lûk 1:3

Zən lò eghēe, Waʼāwaʼ, Ŋ̀ kôʼ tsughu enyəa e mô dzɔ̀ɔ nù, aŋghəa Ǹ tɔ̂ʼ tɔ̂ʼn sə kɔʼ see kə te ko, enyəa Ǹ naŋso səā tsughu wô â ghù alo kəmwàʼsò,

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

Kə̀fwàʼ 20:31

Ghɛ̀ ki aletisō kɔʼ kətuw, ghɛ̀ è moʼn tsughuu tsʉ̂ zəla mùgho mò fughuu tsəgha â ghɛ̀ tsuʼu mən ndzə̀m alo tənùu tə təgha.

Kə̀fwàʼ 20:35

Aŋ ghəa ghən a dzə̀m, mùghò mò â ghɛ̀ fɛ dē tsughu enyəa abugho ghù fwàʼà tsughuu alo esə̀ŋ, ghù kì aleyosō ndûw ghî à lɛɛ gho, mòʼn tsùghûu shwaʼ u Mughu ̀u te Yɛso, ghəa ù fə̀ dzɛ̂ tsughu enyəa, ‘Bughuso e lo aŋ ghə̀a à fughuu nduw a ghûw ghə̀n tsə̀ghàsə ghəa à mgbɛɛ nɛlɛ a kəghū ghən.’ ”

Lumà 15:15

Mùghò ŋ ghəa gho â ghɛ̀ dô tɔ̀m wò kùu ndùw tuw u aghəa u lì wo alezə̀əŋ wô ghɛ̀ a te. Ŋ̀ ghəa ghən dôo ghəŋlo bòʼ dzɔ̀ zəla Zə̀ kə̀ dê tsughu â mùghò,

1 Kòlentìan 4:17

Zən lò e ghee Ǹ dzɛ̂ enyəa Ǹ tuu wò nù Timotì, wɛ waŋā ù tsùʼu wəla ù gaʼ fə̀ŋ a zəŋò Mughu ù te, ù zə̂əŋ wô ghɛ̀ an dzìi taŋā tə ghəəŋ tə aghəa to aŋ ghəa M̀ fwaʼa â Kə̀lestò, aŋ ghəa Ǹ zoʼn kaŋlo an luʼū ten tə dzəm an ndzweŋe u ghì a Kəzə̀ wən u dzə̀m.

2 Kòlentìan 11:23

À lǒ mo ghe lo kɔ̀ɔ ŋ Kə̀lestò à? Ǹ tsəghàsə̌ ghee — Ŋ̀ ghəa ghən fɛ kə̀aa tǒ ghûw ù zə̀ghaa. Mùgho m fwàʼ ndə̀mà tə aghəa tə̀ səŋò tò, yìa Ŋ̀ kɔʼ ndughutsaʼ an ndə̀mà te tə̀nə̀gha, ghe m mùghò bu sə an ndə̀mà tə tə̀nə̀gha, yìa Ǹ nɔ̂sə̄ aŋ ghùu vʉ zo an ndə̀mà tə tə̀nə̀gha.

2 Kòlentìan 3:6

À lǒ wə̄n ù ghəə̄ŋ tsughu enyəa ghàʼ kɔʼɔ̄kpē, tò ghàʼ e fwaʼā a tsəlà kàa m fughu mò. Ghe kâ kàa m fughu n te ndòʼ tɔm naŋa am mwàʼsò kə̀ li ko, mo e bugho aŋ ghəa a Shʉ̀ghà ù Kəzə̀; tɔŋlo enyəa kàa məla ghe tɔm nû wǐi ghuw, Shʉghà u te u kuuwn ghəŋlo enyəa ghùw è mughu.

2 Kòlentìan 6:4

Ghàʼ kuuwn kɛɛ kô ghue zaʼa tǒ kɔ̀ɔ ŋ Kə̀zə̀ aŋ ghəa ghaʼā à ghəəŋ gho a dzə̀m; am fə̂ŋ zəla ghàʼ kɔlɔ tsughu ghè zò an tsù wəla ghàʼ koʼ, kòʼ ghəa à tughu gho, kòʼ à bìigh gho,

Efɛsùs 6:21

Taekikùs, wàazə̀ ù sɛ̀ wəla u ghàʼ ŋgeē ləghaa, vʉ̀a ù lò sughò kɔɔ fəla fə zumso fwaʼa â Mughu ù te bughò nǔ fì a vʉ̀a ghɛ̀, ù lo bùghò tɔʼɔ̀ teso dzâa wô ghəa ghəla Ǹ lô fɛ a te â ghɛ̀.

Fèlepìan 2:20

Ghùw ù lì kôom yò dzə̂ fɛ ù ki moʼnlò è dzùŋ zò a zəŋò ghɛ̀ tò Timotì, à mìaa ko wə̄n ù zuūwkɛlɛ fəgha kə tsəghàa fɛ a zəŋò mùghò.

Fèlepìan 2:22

Ghɛ̀ kwo nû enyəa Timotì n dě fwàʼ kə wə̄n ko tǒ wɛ ù tsəlà tsele wəla ù lò alefwaʼā ghàʼ à wə̄n alenàʼà làbəlà è dzùŋ zən.

Fèlepìan 3:16

Sɛ̀ ki alekuuwn bwiī nduw ko an sə̀ŋò zəla sɛ̀ kwo zîi dzə.

Kòloshìan 2:19

19 Ŋgòʼ è ghì ghən enyə kòom bùʼù zǔuw yo â Kə̀lestò wəla ù lò tuw ko â ghì a Kəzə̀ ghò a dzə̀m; Kə̀lestò wəla ù nì təmdzəə̄ŋ wô ghî a Kəzə̀ ghò a dzə̀m alo kəfəgha kə mɔ̀ʼ enyəa ghe e nomlo aŋghəa Zə̀ kə̀ ləghaa.

Kòloshìan 3:16

To mughù zɛʼɛ e dzə̀m e mò lò tən ko ghəa ghəla tùm è dzùŋ zən kùu ndùw Kə̀lestò děe ghè ghò, ghəa ghɛ̀ kûm zoʼn ghue zɛʼɛ zo, tsʉ̀a ndùw sùghò an tɔ zəla ghɛ̀ ki. Ghɛ̀ è zɔ̀ŋɔ̀ nduw zɔ̀ŋ kò, zoo ndùw tə̀ zòo àsùghò zòo tə̀ baa to am fə̀ŋ tɛʼɛ tə̀ dzûŋ tò, alefūghuu zɔ̀ɔŋ kò â Zə̀ kò.

Kòloshìan 4:7

Tàekikùs, tɔɔŋ wàazə̀ waʼa wəla a ŋgeē ləghaa, wəla ghàʼ a ghee dzeŋe fwaʼa â Mughu ù te fɛ, vʉ̀a ù gaʼ sugho fə̀ŋ am fwàʼ kə wə̄n, lo teso dzàa mɛ̀ʼn wò nù ghɛ̀ â ghəa gho a dzə̀m kùu ndùw mughù zaŋa fɛ.

1 Tɛ̀sàlonìan 3:2

ghàʼ n tùm wò Timotì, Wàazə̀ ù sɛ̀, wəla ù lò sûghò kɔ̂ɔ fə Kəzə̀ fò, ù fwàʼà dzəə̄ŋ ghàʼ à ghee alenàʼà làbəlà è dzùŋ è Kə̀lestò, a vʉ̀a ghɛ̀ enyəa u bùghò dzə̂n fə̀ŋ tɛʼɛ, ù fəghaan tughuso wô sughò boo zɛʼɛ,

1 Timotì 1:10

Laŋ kə lo sugho â ghì ghəla ghe səā nûŋlo, àsùghò ghê nùghùbùʼutùe. Chia kə lô sugho â ghì ghəla ghe tsɔŋɔ̄ boʼn ghî ghò, àsùghò ghəla ghe kaʼn gha gho; a ka dɔ̂ɔm taŋ ghəla ghe dzɛ̂ enyəa a yo alekāʼ egha, dèe èzə̀ mo gha à kaʼnlo a lo fʉghàzəa u ghee àsùghò ghəa à loʼ ghəla a lo mo a boom dzəəŋ yo ghèe tsʉ̀ è zɔlɔ zo.

1 Timotì 4:16

E nîi ghôm zò a m ghùe wʉ̂a àsùghò an tsʉ zəla ghù zoʼn ghî gho a te. E ti ko a te, nu abugho ghù ghəə̄ŋ dzə êzə̀, ghù lo bəghasə ghùe wʉ̀a wò àsùghò ghì ghəla ghe zuūw â ghù.

1 Timotì 6:3

Abugho ghùw zoʼn ghî gho an tsʉ̀ è nughù zò tsə̀ghàa sə̌a ko yo zəla M̀ fughu wo â ghù, mo tsʉ̂ e te e boom dzəəŋ yo ghèe tsʉ̀ e Mughubè ù sɛ̀ Yɛso Kə̀lestò àsùghò zəla e zoʼn ghî ghò alemughu aŋghəa Zə̀ kə̀ ləghaa enyəa sɛ̀ è mughu a te.

2 Timotì 1:6

Zən lo e ghee Ǹ dzâa wô â ghù enyəa, ghù è numso zee namso kəla Zə̀ kə mò fughu â ghù an tsuʼ fəla mugho mò gaʼ wô ghu ghaŋa gho a zəŋò ghù, gɔ̀ɔŋ tsùghù an tuw kə̂a.

2 Timotì 3:10

Yia a bughò ghû a Timotì, ghù kwò nû fəgha kəla mùghò mò ghî ghò a te, àsùghò mùghù zaŋā zo e dzə̀m. Ghù kwò nû aŋghəa Ŋ̀ gaʼ fə̀ŋ a te a zəŋò Kə̀lestò àsùghò fəgha kəla Ŋ̀ kəŋo ghè kò fɛ am mbī, àsùghò ləgha zəla Ŋ̀ ki â ghì ghò àsùghò enyəa Ŋ̀ kwo nû alekɔlɔ fə̀ŋ. Ghù vʉa ghù kwo sughò enyəa Ŋ̀ kwo nû aleghaŋso ùghue am fwàʼ kə Kəzə̀ abugho ghəa a buʼù tughu ko nû.

2 Timotì 4:3

Tɔŋlo enyəa, nəgha e lo kpee nù, ghî ghə̀ e ke tuu maʼn wo tsʉ̂ è səŋò zò. Ghe e ke kuuwn ləghaa ko alenùghù ndûw a n dzìi tə ghee, ghe e tɔɔŋ zuūŋ wo wàdè təla ghe ləghaa enyəa tə e fughu ghee â tsʉ̀ zəla ghe ləghaa alezūw.

Taetùs 2:1

Yia kuūwn bughò ghû a Taetòs, ghù ki alezōʼn nduw ko ghî ghò am fəgha kəla kə boōm dzəə̄ŋ nduw ghèe tsʉ̀ è səŋò zò (kùu ndùw Yɛso Kə̀lestò).

1 Pità 2:2

Ghɛ̀ doʼo tsughu tò wɛ à bughu gho, à è zuʼso təla ko ghɛ fə̀ŋ è mele kə̀ zɔlɔ kəla kə lô shwāʼ u Kəzə̀ wò, tò enyəa, abugho ghɛ̀ mʉā ko ghè kò, ghɛ̀ ke noo kɔʼ wo aŋghəa Zə̀ kə̀ ləghaa, tò ghɛ̀ ke zə tuw ko.

2 Dzɔ̌n 1:9

Ghùw wəla ù ndùuw ko â sə ko, mo ù bɔ̌ɔm bwìi ndùw yò an tsʉ̀ è Kə̀lestò, ù fi baʼso tsughu a wə̄n gho a te, ghùw ù te yo dzə alo kəfəgha kɔ mɔ̀ʼ ghèe Zə̀ kò. Ghùw wəla ù mughu am tsʉ̀ e Yɛso Kə̀lestò, ù lò alo kəfəgha kə mɔ̀ʼ ghèe ghê Tsele àsùghò Wɛ.

Dzûd 1:5

Aŋghəa ghɛ̀ bûʼ kwo ko ghəa ghən gho a dzə̀m, Ǹ naam ləghaa ko nù alezə̀əŋ kpeʼe wô ghɛ̀ aŋghəa Tsə̂ntə̀mbî fə̀ bəghasə tsughu ghî a wə̄n gho aŋ ghùu ghì ghə Edzipt à li gho an tì kə̀ li ko, kə ŋ kòom ndùw bùghò dzùw màʼà tsughu à li ghəla ghe fə̀ doʼŋkè boō fughu â wə̄n.