1 Timotì 4:3 - To kə Kəzə̀ kə̀ Fughu ko

³ Ghî ghən tsʉ̂a wò àghì enyəa ghue è niī e dzɔ̂ɔ yò, àsùghò enyəa ghî ghə e ka zəa fʉghàzəa ù lī wo, kuuwn zəa ù lī wo. Ufʉghàzəa mò à fùghù wò Kə̀zə̀ enyəa ghî ghə̀ e zəa, mo ghe m fùghù tsùghù dzə zɔ̀ɔŋ kò a te alo egɔ̀ŋlo, ghî ghəla ghe boō fughu â Zə̀ kò mo ghe m bùghò kèle sùghò səŋò zò aŋ ghəa a te gho.

1 Timotì 4:3 Iomraidhean Croise

Matìo 14:19

Ù daŋso dzɛ̀ tsughu enyəa ghî à tsughuu doʼò tsughu an zwǐi. Ù n nì kɔʼ ghoo tə ugbɛ ti to tə̀ tɛ̀ àsùghò tsəgha ti to tə bə̀ghà, ù n lɛɛn kɔ̀ʼ ndùw kəwālā, fùghù ndùw kəzɔ̀ŋlò â Zə̀ kò, boʼn fughu tsughu gbɛ vʉ̀ â tsə̀təndə̄ghā tə wə̄n, ghe n nì dzùghùu ndùw â ghì yì.

Matìo 15:11

à yò dzə̂ fəgha kəla kə nyəā nduw an dzughu e ghûw kə boōn ghùw, à lò fəgha kəla kə səā wo an dzughu e ghûw kə boōn wə̄n.”

Matìo 15:36

Ù n ni kɔ̀ʼ ghoo tə ugbɛ ti to sə̀ghàmbəgha àsùghò tsəghaa te to, fùghù ndùw kə̀zɔ̀ŋlò â Zə̀ kò, boʼn fughu tsughu â tsə̀təndə̄ghā tò, tsə̀təndə̄ghā tə̀ n dzùghù fùghù ndùw â ghì ghò.

Lûk 24:30

A m bùghò ù tsughu doʼò tsughu zə zo ghèe ghee, ù n nì kɔ̀ʼ kəbɛ, gɔ̀ɔŋ tsùghù a te, boʼn fughu tsughu â ghee.

Dzɔ̌n 6:23

À n lo êzə̀ mò kwə̀n ù li u mâa bùghò kùʼù těe dòʼò tsughu fughu an lùʼù kəla ghe mò zə bɛ ko a te aŋghəa Mughu ù te mò fughu tsughu zɔ̀ɔŋ kò â Zə̀ kò, mo kwə̀n u te u nughù wǒ an Tàebɛlìas.

Kə̀fwàʼ 27:35

A m bùghò Pôl daŋso kə̂aa tsughu ghəa yì, ù n nì kɔ̀ʼ kəbɛ, fughu ndùw kə̀zɔ̀ŋlò â Zə̀ kò an sə kə ghee yì à dzə̀m, bòʼ è tsughu, kàʼ ndùw a lùʼù zəa wo.

Lumà 14:17

Nu Fɔ̂e u Kəzə̀ u ki yo ghəa e li zo aleghəŋlo ghèe ghəa a zəa gho ŋkāa a mʉa a kəfəgha gho, à kǔuwn lò alemughu alo ebughunlo àsùghò an duʼn zəla Zuʼ tə̀ Zɔlɔ tə fughuu, àsùghò enyəa a e mughu mughù zəla e zɔlɔ an sə kə Kəzə̀.

Lumà 14:3

Ghî ghəla ghe zəā fʉgha wo u dzə̀m kì yo alekòʼò lʉgha ghî ghəla ghe zəā yo fʉgha wo u dzə̀m. Ghî ghəla ghe kuūwn nuūm təla ko tuūwfʉ̄ghā wo ki sugho yo alesāʼ ghî ghəla ghe zəā fʉgha u te wo u dzə̀m, nu Zə̀ kə̀ ŋ ghee boo.

Lumà 14:6

Ghî ghəla ghe nî tsughu tsuʼ fə̀ li fo enyəa a lò tsuʼ fə̀ ne fo â ghee, ghe èzə ghəəŋ ko alefughu ŋkɔʼso â Mughu ù te. Ghî ghəla ghe zəa fʉgha wo u dzə̀m, ghe êzə naam ghəəŋ sùghò alefughu ŋkɔʼso â Mughu ù te, aŋghəa ghe fughuu dzə zɔ̀ɔŋ kò â Zə̀ kò a te. Ghî ghəla ghe tiī alezə̄ fʉgha ù li wo, ghe êzə ghəəŋ sùghò alefughu ŋkɔʼso â Mughu ù te, ghe yia fughuu sugho zɔ̀ɔŋ kò â Zə̀ kò a te.

1 Kòlentìan 6:13

Ghùw ù lì lò sugho nû aledzàa tsughu enyəa, “Fʉghàzəa u lo fəgha kə nʉ̀ghà kò, nʉghà vʉa u lô fəgha kə ufʉ̀ghàzəa ko.” Òo; à kǔuwn lò ko enyəa Zə kə lo dzùuw màʼn fʉgha u te wo u dzəm. Zə kə ka fə gwən e ughùe e ghûw è bɔm wò dzə aŋ ghəa a nuūŋ kaaŋ ghe eghùe gho, à fə̀ lo enyəa zə e lo alefwaʼā â Mughu ù te, enyəa Mughu ù te e lɛɛn sugho â gwən e ughùe e te zo.

1 Kòlentìan 7:28

Abugho ghù kuūwn nî ko wī, ghù kà ghəa è li e boon dzə, abugho wɛ̂ɛzə̄n nî tsughu sugho num, ù kà ghəa è li e boon dzə. Ghî ghəla ghe nîi ghue zo lo koʼò tsù u mbī wo, yìa Ǹ ləghaa yo enyəa to ghɛ̀ mo nyə aŋ ŋgòʼ è tsù wən.

1 Kòlentìan 8:8

Fʉghàzəa u lo naaŋ dzə yǒ sɛ̀ tsəghatsəgha a vʉ̀a Zə̀ kò. Sɛ̀ gûuŋ yo fəgha kə li ko abugho a doʼkè zə, a kele sùghò yò fəgha kə li ko abugho a zə.

Kòloshìan 2:16

À fi lo enyəa ghùw ù lì ki yo alesāʼ ghɛ am fəgha kəla ghɛ̀ zəā ŋkāa ghɛ̀ mʉā ghè kò. Ghe ki sugho yo alesaʼ ghɛ abugho ghɛ̀ zeē tsəgha yo Tsuʼutəntsə̄ tə Tə̀dzûu tò ŋkāa abugho ghɛ̀ zeē tsəghà yo tsuʼu məla Dzûu tə̀ zəā zə ko a te ŋkāa abugho ghɛ̀ zəā tsəghà yo zə kə Ndzɔ̄ŋ è fughu ko.

Kòloshìan 3:17

Mò ghɛ̀ ghaa ko kə̀ kwò, ŋkāa ghɛ̀ so e kə̂aa ko ghəa è kwò, ghɛ̀ ki aleghəəŋ nduw ghəa a te gho an zən e Mughu ù te, tɔɔŋ Yɛso, abugho ghɛ̀ fughuu zɔ̀ɔŋ kò â Tsele ù sɛ̀ Kə̀zə̀, mò ghɛ̀ tsəghà am bàm e Kə̀lestò.

1 Timotì 2:4

Zə̀ kəla kə ləghaa enyəa tò aghî a dzə̀m am mbī mô zə kətuw ghe kele sughò èsəŋò.

1 Timotì 4:4

Tɔŋlo enyəa fʉgha wən u dzə̀m Zə̀ kə̀ gbə̂n wo, u dzɔ̂ɔ nù; kə̀ li kə yo a te a lo aletuū maʼà, abugho ghùw nìi nduw dzə mò ù m fughu kɔʼ zɔ̀ɔŋ â Zə̀ kò.

1 Timotì 5:14

Yia a bugho mugho Pôl, tsʉ̂ zaŋa e lo enyəa, to waafəghàŋ ghəla num a lo mo ghə m kpuwnlo mô kòom nîi kpeʼē ndûw ànum, dzəa ndùw àwɛ; ghe e kwo sugho alekwuū kelê ghì a ghee an ndughu tə ghee, aŋ ŋgòʼ è dzì zəla ghî a kətuw a sɛ̀ yo alekòom kele dzì zəla ghe lo alesāʼ sɛ̀ a te.

Hibùlù 13:4

Tɔʼɔ kwukele tsughu nlò ghəa a ghùe è niī gho alo ŋ kɔʼso, e kwo ko ghùw aŋ ghì ghəla ghe nî tsughu ghue zo lô səā nûŋlo; nu Zə̀ kə̀ lo baa nu mbɛ an tuw kə ghì ghəla ghe sə nûŋlo àsùghò ghì ghə̀n a dzə̀m ghe nûuŋ kaŋlo.

Hibùlù 13:9

E kwo ndə̀mà tə etsʉ̀ tə̀ fughu tə̀ li tə lô bughò sêe nughùun tsughuu ghɛ an dziī è tsəghatsəgha. À lò ghəa è dzûŋ zò abugho fə̀ŋ e ghùw nɛɛ̄ tsughu mò à lò dzɔ̀ e Kəzə̀, mò à yo dzə̂ aŋ ghəa à naŋlo a lwàŋ u ghəa a ufʉ̀ghàzəa, mo lwâŋ wən yòso yò ghee aŋ ghəa è li zo.