1 Timotì 4:10 - To kə Kəzə̀ kə̀ Fughu ko

¹⁰ Sɛ̀ dəmà nù, faan sùghò alekelê ghəa ghən bòʼ enyəa tùʼ è sɛ̀ chîi a zəŋò Zə̀ kəla kə mughu, tɔ̂ɔŋ Zə̀ kəla kə bəghaasəa ghî ghò a dzə̀m, a ka dɔ̂ɔm taŋ ghe ghəla ghe boo fughu tsughu â Wə̄n.

1 Timotì 4:10 Iomraidhean Croise

Matìo 16:16

Sǎemòn, tɔɔŋ Pità m bɛ̀lɛ̀ tsùghù enyəa, “Ghù lǒ Kə̀lestò, wɛ ù Zə̀ kəla kə mughù tən.”

Matìo 27:43

Ù gaʼ fə̀ŋ a zəŋò Zə̀ kò; dzǎa tò Zə̀ bəghasə̄a tsughu wə̄n êzəŋ, abugho kə ləghaa wə̄n; nu fə bɔŋ so enyəa, ‘Ǹ lo Wɛ̀ ù Kə̀zə̀.’ ”

Dzɔ̌n 1:29

Tsʉtsʉ vʉ̀, Dzɔ̌n mo e koʼò mo Yɛso sò sə̌a kəəŋ wò a vʉ̀a wə̄n. Dzɔ̌n n dzɛ̀ enyəa, “Kòʼ nlò Tsʉa u ndzì u Kə̀zə̀ wəla u ghəŋlo enyəa Zə̀ kə̀ ghuūw maʼà bòo tə ghì a mbī.

Dzɔ̌n 4:42

Ghe mo â wìzən vʉ enyəa, “À kòom bùʼ kà yò ko ghəa ghə̀là ghù mò dzɛ â ghàʼ a ghəŋlo enyəa ghàʼ boō fughu â wə̄n, ghùe e ghùe zaʼā zə n zuw, yia a boō tsughu enyəa tûw wə̄n kûm lò Bəghambī.”

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

1 Kòlentìan 15:10

M̀ fɛ kuuwn lò ko fəgha kəla Ǹ lo ghè kò bòʼ dzɔ̀ e Kəzə. Dzɔ̂ zəla Zə̀ kə mò dê wo â mùghò, kə ka mo sâaŋ màʼà dzə̀. Mùghò ŋ kòom kuuwn biso fwàʼ tsəghà tsùghu ghee a dzəm, à mò buʼ yo mugho, à mò lo dzɔ̂ e Kəzə zəla e lo a zəŋò mùghò.

2 Kòlentìan 1:10

Ù mò bəghasə̄ ghaʼ an tsù ù biigh ù biigh wəla u mò lô alenìi nughù tuw kaʼa. Ù lô sɛ̀ bəghasə̄a tsə̀ghà ko êzə̀. Ghàʼ fɛ chìi ko tùʼ enyəa ù lo bəghaasəa kpeʼe nù ghaʼ,

1 Timotì 2:3

Ŋgòʼ è mùghù zən enyə; alegɔ̀ŋlò an tuw u àghì dzɔ̀ɔ nù, zəa e tsəmso sugho fə̀ŋ è Zə̀ kəla kə bəghaasəa ghî ghò.

1 Timotì 2:4

Zə̀ kəla kə ləghaa enyəa tò aghî a dzə̀m am mbī mô zə kətuw ghe kele sughò èsəŋò.

1 Timotì 2:6

Yɛso wəla ù fə̀ nî kɔʼ tuw kə wə̄n ko zue sə tsughu aghî a dzə̀m a te. Yɛso fə̀ fɛ bugho kpuw an tuw u aghì tǒ tsə̌a aledèe tsughu enyəa nəgha zəla Zə̀ kə fə̀ ki alebəghaasə aghî a te, zə m kpe aŋghəa kə fə̀ fôʼ naŋa.

1 Timotì 3:15

abugho M̀ bûʼ loʼn ko nû mò Ŋ̀ kâ mba bùghò, ghɛ ŋ kwo aŋghəa ghɛ̀ lo alenaŋso ghuw kə ebwìi kɛʼɛ ko a te am bvʉa zɛʼɛ, ghî a Kəzə̀, mò à lò dzeŋe kə ghì a Kəzə̀, Zə̀ kəla kə mughu, nyə̀la kəla kə nyə̂n kele səŋò zò.

1 Timotì 6:17

Kwɛ̀ɛn tsughu ghî ghəla ghe kuū am fʉgha u mbī wo, enyəa ghe ka e kɔʼso ghue zo a te, tɔŋlo enyəa u lo dòʼn tə̀la yo, ghe ki alechiī tùʼ e ghee e dzə̀m a zəŋò Zə̀ kəla kə fughu sɛ̀ â fʉgha wə̀n ù dzə̀m u ghəŋlo enyəa sɛ̀ è tsoʼnlo.

Hibùlù 11:26

Ù m mòʼn tsùghù sùghò enyəa e dzɔ̂ɔ alefala am bàm e Kə̀lestò tsə̀ghàtàʼà sə alekelê fʉgha u dzûŋ wəla u lô an naʼ zə Edzìpt, nu ù fə̀ mòʼn təla nduw ko namso kəla kə lo a sə ko.

Hibùlù 13:13

Bùgho nlo tò sɛ̀ ndûw səā koʼò wə̄n êzəŋ a beē kə ghɔŋ wə enaʼ, a ndûw boʼò sughò tuw kə̀ dəla kəla ù fə̀ boʼō.

1 Pità 1:21

À lò am bàm e Kə̀lestò e ghəŋlo enyəa ghɛ̀ gaʼ fə̀ŋ a zəŋò Zə̀ kò; tɔ̂ɔŋ Zə̀ kəla kə fə̀ zôom nughu wo wə̄n alo evʉ, naŋa kɔʼ wə̄n alo nsəghanyəgha enyəa to boo zɛʼɛ àsùghò moʼn zɛʼɛ zə e lo a zəŋò Zə̀ kò.

1 Dzɔ̌n 2:2

À lǒ wə̄n ghùw wəla ù mò boʼō nughu mbùŋ kə təbòo kə sɛ̀ kò. Ù ka fə ka bòʼò nùghù ko mbùŋ kə sɛ̀ kò, ù fə̀ boʼō nughu sugho mbùŋ kə təbòo kə ghì ghə̀n a dzə̀m am mbī.

1 Dzɔ̌n 4:14

Sɛ̀ ŋ kòʼ, yia a teso dzàa sùghò enyəa, Tsele n tùm wǒ Wɛ ù wə̄n ù nùu enyəa ù bùghò bəghāasə̄ mbī.