1 Timotì 4:1 - To kə Kəzə̀ kə̀ Fughu ko

¹ Zuʼ tə̀ Zɔlɔ tə dzàa zěe nù enyəa a kê bugho an tsuʼ məla Yɛso kè so e bughò èbàm a te, ghî à li a lo tuu màʼ nù alekòom boō an tsʉ̀ è səŋò zəla ghe fə̀ zuw kùu ndùw Yɛso, ghe e kôom boom fughu nduẁ â zʉ̀ wə agha wo àsùghò â tsʉ̂ e zèa m bǐigh mò.

1 Timotì 4:1 Iomraidhean Croise

Matìo 18:7

Ŋgoʼ fɛ am mbī bòʼ ghəa ghəla a ghəŋlo enyəa ghî ghə̀ è ghəəŋ bo zo! Nu ghəa a te a ki nû alesəa, zəa e kuūwn lô enyəa ŋgoʼ â ghùw wəla ù ghəŋlo enyəa ghùw ghəŋlo èbo!

Lûk 17:1

Yɛso n daŋso dzɛ̀ â tsə̀təndə̄ghā tə wə̄n to enyəa, “À lò èsəŋò enyəa ghùw lo nû alekele kə̀tsòmlo aleghəŋlo eghəa, e kuuwn lò enyəa ghùw wəla u tsoō kɔʼɔ ghùw, ù lò an tsù!

Dzɔ̌n 16:13

A laʼà bugho Zuʼ tə̀ Zɔlɔ tə lo bugho, tə lo e deē ghɛ â sə̀ŋò zò kùu ndùw Kə̀zə̀. Zuʼ tə te tə lô ghəa a kə̂a yò an daʼa kə wə̄n, tə lo kuuwn tèlè kə̀a kô fəgha kə̀là tə zuw ghè kò, tə lo e dzaā ziī wo sugho fəgha kəla kə ki alesə̄ â sə ko.

Kə̀fwàʼ 13:2

Ghəa ghe kɔʼsō Mughubè ù te, baa sùghò èdzughu, Zuʼ tə̀ Zɔlɔ tə n dzɛ̀ tsùghù enyəa, “Tsɔʼ naŋa sə̀ wò nlǒ Bànabàs ghèe Sôol am fwàʼ kə̀là Ǹ lo mò mùghǒ ŋ ghee a te tɔŋɔ.”

Kə̀fwàʼ 17:18

Ghê dèekə̀mwàʼsò a naʼe Ɛpìkulìa à li gho àsùghò a Stôik ghò, ghe ŋ kele sùghò ùshwaʼ ghèe ghee. À li ghə m bvʉ enyəa, “Ghùw wən biso ləghaa aledzɛ̀ è ndūghō a mo shwaʼ u te u kwuu yo ghəa zo?” À li ghə n so enyəa, “À lò ko tò ù kə̀aa ghəa a zʉ̀ ù tətùu.” Ghe mò êzə kəaa bòʼ Pôl màʼa fə̀ kə̂aa ghəa a Yɛso ghò â ghee àsùghò ghəa a wən à kɔʼɔsəa ghən alo evʉ̄.

Kə̀fwàʼ 20:23

Fəgha kə̀là Ŋ̀ kwo ghè kò, à lò fəgha kə̀là Zuʼ tə̀ Zɔlɔ tə te dzâa wo â mùghò an nàʼà tə̀n tə̀ dzə̀m Ǹ nduūw enyəa ghe lo dzə̀là nù mugho an ndùghètsaʼ àsùghò enyəa tsû ù lo kwuu nù mugho.

Kə̀fwàʼ 21:11

A m bùghò ù bùghò kôʼ tsughu ghaʼ, ù n nì kɔ̀ʼ kwûu fə Pôl kɔ̀n tsùghù kwe e wə̄n a te àsùghò fwee e wə̄n zo, dzɛ̀ tsùghù enyəa, “Dzûu təla an Yɛ̀lusalɛ̀m lô ghùw wəla ù ki kwûu fən kɔlɔ̀ tsùghuu enyə, ghe nîi fughuu ndûw â Tòʼò tò. À dzɛ̀ Zuʼ tə Zɔlɔ to.”

Kə̀fwàʼ 28:25

Ghe n nughù ndùw mo ghe baaŋ ndùw tə̀fom, aŋghəa Pôl sò dzɛ̂ nduw â ghee enyəa, “Zuʼ tə Zɔlɔ tə fə̀ lo tsəghatsəgha aledzɛ̀ â ghê tsùghò am bàm zə Èzayà, ghùwshʉ̀ghà, enyəa,

1 Kòlentìan 10:20

Ɛ̂ŋgaŋ dzə̂, Ǹ dzɛ̂ enyəa ghî ghəla ghe kwo yo Zə̀ kò, ghe fʉgha u ghee u ndûw fùghuu ndùw â zʉ̀kɔ̂ŋ wò, mò à yò dzə̂. Ǹ ləghaa yo enyəa ghɛ̀ è təmadzəəŋ ghɛ̀ à ghê zə̀a m bǐigh mò.

1 Kòlentìan 11:19

Ghɛ̀ bûʼ kì nû alendzùghùun doʼò alo eghùe to a e lo alekòʼòkɛlɛ̄ wô baabâ ghì ghəla ghe boō fughu â Kə̀lestò.

1 Kòlentìan 12:11

Ghəa ghən a dzə̀m ènyə, à ghə̌əŋ tsughuu kô Zuʼ tə̀ Zɔlɔ tə̀ mɔʼɔ̄ tə te to enyəa ghe e lo êzə̀, təla tə fughuu ko chìa â fughu kə wə̄n aŋghəa tə tsə̂m tsughu.

1 Kòlentìan 2:10

Zə kə ŋ ghəŋlo Zuʼ tə wə̄n tə zɔlɔ tia tə nî dê fughu wo ghəa a te gho â sɛ̀. Nu Zuʼ tə zɔlɔ tə te tə kəŋo səa kɔʼɔ àghəa à dzəm, kəŋo mìan nyə̌a tsùghu ndùw ghəa a Kəzə̀ ghəla a nân doʼò nyə nduw.

2 Kòlentìan 11:3

Ǹ sô fɛ tsəŋo enyəa aŋghəa zughu fə̀ nɔm fughu tsughu Êf, mò zughu è te tɔɔ ko nʉghànʉghà tò ekom, ghe lo sèe mɛ̀ŋso nù tuw wɛʼɛ wo, ghɛ̀ lo ti zəghāa tsughu kùum kə kəfwàʼ kəla ghɛ̀ fwaʼā â Kə̀lestò am fə̂ŋ zɛʼɛ e dzə̀m, mò ghɛ̀ fwaʼà an dziī è zɔ̀lɔ.

Kòloshìan 2:18

E kwo ko ghɛ̀ lô bomlo enyəa ghùw nìi nughù fəgha kəla kə kûm lô kə̀ kɛʼɛ̄ ko, ghe e tughuso dzaā wo enyəa ghɛ̀ ki alemàʼà naŋā tsughu ghue zɛʼɛ, àsùghò enyəa ghɛ̀ e kɔʼso nduw tsə̀təndə̄ghā tə Kəzə̀ tò, ghe e dzaā wo enyəa ghe ghəa ghən kôʼ wò an ushʉ̀ghà. Ghe moʼnlò enyəa ghe ŋge kwo aghəa, ghəa a te yia a ghəŋlo ghe yia a ghaŋso kaāŋ ghue zo.

2 Timotì 3:13

Ghî à biigh gho àsùghò ghəla ghe dzɛ̂ enyəa ghe lo kən mo ghe yo ghè kò lo e fəghaan boo ndzaʼn mɛʼn nduw, ghe ke e tseē kaaŋ ghî ghò, ghî ghə̀ è tseē sugho ghee.

2 Timotì 4:4

Ghe lo e tuu alezənlo êsəŋò, ghe e ləghaa ko alezəə̄n kaaŋ zuum tə n zə̀azə̀a tò.

Dzɛ̂ms 3:15

Ŋgòʼ è ùtɔ wən yò dzə̂ tɔ wəla u lo alesəā tsughu wô alo kəwālā, à lò tɔ u mbī wo, à kà fùghù wò dzə̀ Zuʼ tə Kəzə̀ tò tɔ u te wo, à lò tɔ wə avʉatsə̄a.

1 Pità 1:20

Zə̀ kə fə̂ mbī kaʼ tsughu alegbə̀n mo kə n wə̄n shîa naŋa kɔʼ dzə̀, a m bùghò nəgha e kpe tsughu, ghe n nì dè sə wò wə̄n an tuw wɛʼɛ.

2 Pità 2:1

Ghîishùghà ghə agha a lo səa kɔʼɔ nû am bvʉa zɛʼɛ̄, tò aŋghəa ghe fə̀ lo an tì kə̀ wii ko. Ghe lo e niī wo gha à kaʼn gho aŋ ghəa Kəzə̀; ghe lo tuū maʼà sughò Mughu ù te wəla ù mò zue sə tuw u ghee wo, e kê fi lo enyəa ghe ŋ ghue e ghee e boon maʼà.

2 Pità 3:3

Alebùʼù nîi tsughu, ghɛ̀ ki alezuūwkɛlɛ̄ tsughu enyəa ghî à li a kê bùghò nù an tsùʼù məla mbī kê suū wo alebùghò mîa, mò à mùghù e ghee e boʼò kèle ghəa ghəla gwən e ughùe e ghee e ləghaa, ghe lo e tsoʼo ghɛ.

1 Dzɔ̌n 2:18

Wɛ ghaŋā gho, nəgha e te zə m kpe aŋghəa ghe mò dzɛ̂ naŋā â ghɛ̀ enyəa ghùwkə̀tuw ù Kə̀lestò lo bùghò nù, alebùʼù nì tsughu ko ezəŋ ndə̀m è ghee m bùghò. Zən lô dzì zəla a kele a te enyəa nəgha zəla mbī so e bughò mîa a te, zə m kpe.

1 Dzɔ̌n 4:6

Sɛ̀ lo ghî a Kəzə̀ ghò. Ghùw wəla ù kwo Zə̀ kò zûuw fəgha kə̀là sɛ̀ dzâa. Ghùw wəla ù kuūwn kwo yo Zə̀ kò, zuuw yo â sɛ̀. Zən lô dzì zəla a lô alekele nəŋo nəŋ e Zuʼ təla tə lo tə̀ êsəŋò tò àsùghò təla tə lô tə agha to.

Dzûd 1:18

Ghe fə̀ dzɛ â ghɛ̀ enyəa, “A kê bugho an tsuʼu məla ŋ gùŋso tsughu, ghî a li a kê bùghòo nù ghe e tsoʼo ghɛ, aghî mo ghe kəŋo kô aleghəəŋ ghəa ghəla Zə̀ kə̀ ləghaa yo.”

Dzûd 1:4

Tɔŋlo enyəa ghî à li ghə n nyɛʼɛ bùghò tsɔŋ tsə̀ghà nyə am bvʉa zɛʼɛ mo ghe fughuu yo kɔʼso mò â Zə̀ kò, nu ghe nî kɔ̂ʼ dzɔ̂ e Kə̀zə̀ fwə̀n naŋa tsughu enyəa alo dzì â ghee aleghəəŋ kaāŋ dzə̀adzə̀ tə aghəa to a te. Aghî tò ghən, ghe mafə ki tɔm naŋa aŋghəa ghe lo baā mbɛ̄ a te an tuw kə ghee. Ghe tuu màʼn sùghò Yɛso Kə̀lestò wəla à mìaa ko wə̄n Mughùbè ù sɛ̀.

Edêe Fughu 13:14

An sə̀ghàa məla ghe fə̀ zəghàa tsughu enyəa è dè an sə kə nyôm zə̀, zə̀ sèe mə̀ŋsô ghì ghəla ghe mughù aŋ ghueekətsə̄. Nyòm e te n dzɛ̀ â ghee enyəa ghe e bɔɔ̄ kɔʼ fəmùʼù am fwěen kə nyòoŋgwən zəa ghe mò kaʼ alo kəkɔ̀ɔ, zə̀ n naām lò â tuw ko.

Edêe Fughu 16:14

Ghe lo zə̀a m biigh mò ghe dêe sə̀ghàa mò, ghe səa ndùw an nàʼà tə beē to, ndùw kòʼò dwə̀ŋ u nàʼà tə te to, alendùw tughuso naŋā tsughu ghee alesəa wo an tsām an tsuʼ ù nêene u Zə̀ kə̀ ghaʼa kə kə̀ dzə̀m.

Edêe Fughu 18:2

Zə̀ n naʼn wò an dzə̂ è tughu enyəa, “Naʼ e Babilɔ̀n è səŋò e te zə n tsùghù bvʉ̀. Naʼ e te zə m fwə̀n dòʼo luʼu kəla zə̀a m bǐigh mughu a te àsùghò dzə̀adzə̀ mə̀ nnwən məla ghî à ləghaa yo alekòʼ,

Edêe Fughu 18:23

Kɛ̀ʼɛ̀ kê kòom bàŋ kòʼ yò fɛ an naʼ zən. A kê koōm yo alezūw dzə̀ è wìzən ŋkāa è nùuwizən e saʼa fɛ an naʼ zən Ghɛ̀ ghî a mbòʼkùm ghən an naʼ zən mò lo ghî à səŋò ghò fɛ am mbī, vûŋ wəla ghɛ̀ mò ki fɛ alo enaʼ n sè mə̀ŋso tsughu tənaʼà tə dzə̀m kpe.

Edêe Fughu 19:20

Ghe ŋ kwu kɔʼ nyòm è ne zə̀, kwu dzəəŋ kɔ̀ʼ sùghò ghùwshʉ̀ghà wə àgha vʉ̀a ù mò dê tsughu sə̀ghàa mò an sə kə nyòoŋgwə̄n e ne zə. Ù n sè mə̀ŋso tsughu aghì nɔɔm tsughu ghî yia ghe mo tsə̂so naŋa ghee an tsə̌a è nyòm è ne zə̀, àsùghò ghì ghəla ghe kɔʼso mùʼù fia fə fweēn nyòm è te. Ghe n nì kɔʼ nyòm è ne e te ghèe ghùwshʉ̀gha wə̀ agha vʉ̀ â sə a tughu gho, màʼà nyə̀ ndùw am fɛ̀ɛn fɛ̀ɛn kə uwə̀n u biigh wo mo zuʼ kə̀ ləma kə̀ biigh kə̀ li kə mò səa wo an nyoʼ uwə̄n u te wo mo ghe tɔŋlo enyəa à lò sulfò.

Edêe Fughu 2:11

“Ghùw wəla ù ki tuūŋ ko, ù zuw ghəa ghə̀là Zuʼ tə Kəzə̀ kə̀ te kə dzaā â dzweŋe u ghì a Kəzə̀ wò. Ghùw wəla ù ghaʼ tsughu bo zo, vʉ e kə̀ bə̀ghà zən lo mɔ̀m yǒ wə̄n.”

Edêe Fughu 2:17

Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ te kə dzâa nduw â dzeŋe kə ghì a Kəzə̀ ghò.” Ǹ lo fughuu ghùw wəla ù ghaʼ tsughu bo zo â kə̀m kə̀ fʉ̀ghàzəa kə̀ li ko ghe tɔŋlo enyəa à lò manà, wəla ghe nân naŋā, Ǹ lo fughuu wə̄n â tia è fəma zo, à zən è fughu zo ghe tɔm naŋā an tia e te zo, mò ghùw ù lì kwò yo, mò à kwò ko ghùw wəla ù nì kʼ.

Edêe Fughu 2:29

“Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ te kə dzɛ â dzweŋe u ghì a Kəzə̀ wò.”

Edêe Fughu 2:7

Ghùw wəla ù ki tuūŋ ko, ù zuw fəgha kəla Zuʼ tə̀ Kəzə tə̀ dzâa wo â dzweŋe u ghì a Kəzə̀ wən wo. Ǹ lo fughuu tsughuu kə̀làŋ, ghî ghəlà ghe ghaʼ tsughu ghəa à biigh gho, ghee e kʉɛɛ zəa tam kə kàʼ fə emùghùu fəla fə lo an sum u Kəzə̀ alo kəwālā.”

Edêe Fughu 20:10

Ghe ŋ màʼà nyə̀ ndùw vʉatsə̄a ghəla a mò nɔm ghee aŋ wə̀n u fɛɛ̄n wo mo ghe kpâa kɔ̀ʼ am fəgha kə̀ li ko kə ki zuʼ kə̀ biigh ko ghe tɔŋlo enyəa à lò sulfò, a fia nyòoŋgwən è ne ezə̂ ghèe ghùwshʉ̀gha wə̀ agha u vʉ mò lo, a fia ghe kê tsôo zuūw zeē tsəghà ko fɔɔn zo bùghò zǔuw bwii ndùw to mbī kê bughò mîaa.

Edêe Fughu 20:8

Ù kè sə̌a wò alebùghò sêe məŋsô kâaŋ nàʼà təla tə lô kaŋlo am mbī, mo ghe naʼà tən tə tɔŋlo enyəa à lo Gɔ̂ʼ àsùghò Magɔ̀ʼ, alezùuŋ wô ghee an tsə a tsam; tàŋ è ghee lo n də̀m tò shiashia kə mǎakùw.

Edêe Fughu 3:13

Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ tə̀ dzâa nduw â dzweŋe u ghì a Kəzə̀ ghò.”

Edêe Fughu 3:22

“Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ tə̀ dzaā â dzweŋe u ghì a Kəzə̀ wò.”

Edêe Fughu 3:6

Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ tə te kə dzâa ndûw â dzweŋe u ghì a Kəzə̀ ghò.

Edêe Fughu 9:20

Ghî à li ghəla ghe fə nɔsə tsughu an zəŋ ten, ghe ŋ kè zəghàa maʼà ghəa à kɔʼso à mmùʼù ghee mən, ŋkāa ghəa à kɔʼso a zʉ̀ ù biigh gho, àsùghò mə̀ ètsɛ mò àsùghò n Silvà mò, m bəlôns mò, mə̀ n tia mo, mə̀ ŋkàʼ mò, mò ŋ kòʼò yò luʼū to, zuuw yo ghəa gho, bwìi sùghò yò.