1 Timotì 3:8 - To kə Kəzə̀ kə̀ Fughu ko

⁸ An ndzîi è mɔ̀ʼɔ zən, ghî a li ghəla ghe kwu kele sugho dzeŋe kə ghì a Kəzə̀ gho ki alekaa tsughuu zə zo, bəən kə̂a sùghò yò ghəa gho, mʉa kala yo lʉ̀ mò, səa sùghò yò â sə gho aŋ ghəa a ukua.

1 Timotì 3:8 Iomraidhean Croise

Lumà 3:13

Shwaʼ wəla u səā wo an dzughu a ghee tɔɔŋ wò evʉ, ghe yia tsêe ghî gho aŋ ghəa a ghee à kəaa gho. Ghəa a ghee à kəaa a lo ko tǒ no zughu tsəā səā wo.

Fèlepìan 1:1

À mwàʼsò kən kə tɔm wò mùghò ghàʼ à Timotì, ghàʼ lo ghî a kəfwàʼ a Kə̀lestò Yɛso. Ghàʼ mwàʼsò kən kə tɔɔ wò â ghɛ̀ ghî a Kəzə̀ yi ghɛ̀ lo fi an naʼ e Felèpîi, â ghɛ̀ ghəla ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso, àsùghò â tsoʼ tə dzeŋe kə ghì a Kəzə̀ to ghèe ghê ghì ghəla ghe fughuu ghɛ â yòsò zò..

1 Timotì 3:12

Ghùw wəla ù yòsò ghî gho an dzeŋe kə ghì a Kəzə̀ ki aletele ki ko wi u mɔ̀ʼ; ghùw ù te ŋ ki aletɔ̀ʼɔ̀ kwuū kele sughò wɛ a wə̄n aŋ ghu kə̀ dzûŋ kò àsùghò ghì à li yì à dzə̀m ghe mughu alô wə̄n an ndughu.

1 Timotì 3:2

Tsoʼ an dzeŋe kə ghì a Kəzə̀ kì alelo ghùw wəla mughù e wə̄n e zɔlɔ̄, mò ù kì ko wi u mɔ̀ʼ, mò ù kì sugho bughuun kə dzə̂, naŋso tsughu sùghò ghuw kə ebwìi ke wə̄n, mò ghəa a ghəə̄ŋ ko an ulwàŋ — ù e ki sugho zǐi alezoʼnlo aghî an shwaʼ u Kəzə̀, kwo sugho alekpeēnî aghì abugho ghe bwîin nduẁ alo wə̄n an ndughu.

1 Timotì 3:3

Ù ki dzə yo alemʉa kala kaaŋ lʉ̀ mò ŋkāa ŋgaam kə ghûw, ŋkāa bàa ŋgə̌a kaaŋ tsə̀ghà àghəa. Ù kî alelo zʉ̀ kə ghûw kò mò ghəa a zumso ghəəŋ nù, mò ù sə̌a sùghò yò â sə gho aŋ ghəa a ukua.

1 Timotì 5:23

Kà e mʉa təla ko mùghù mò, e mʉa nduw sugho mbeʼe fə nlʉ̀ fò, bòʼ enyəa nʉghà wʉa àsùghò dzàŋà təla tə fəmso zeē ghû.

Taetùs 1:7

Nu e lo enyəa ghùw wəla ù lǒ tò kətuw an ndùghù è kə̀zə̀, fwàʼà â Zə̀ kò, kì alelō ghùw wəla ghùw yò alesɔ̀ʼ kəghu a zəŋò wə̄n enyəa ù mò ghə̌əŋ bonlo èghəa, mò ù kɔʼɔ nyaʼn sùghò yò an tuw u aghì, mò ù tɔ̌ɔ sùghò yò â nə̀ghà fò, ŋkāa mʉa kala sùghò yǒ lʉ̀ mò, ù è lo sugho ghùw wəla ù kəŋo sùghò yô tsû wò, ŋkāa səa sùghò yò â sə gho aŋ ghəa tə ukʉ̄a.

Taetùs 2:3

À lò sugho eghəla ghù ki alezoʼn nduw sugho noo tə ayìzən to enyəa ghe mughùu tsughu mughùu zəla e fughuu nduw kɔʼso mò â Zə̀ kò aŋ ghəa a ghee a dzə̀m ghəla ghe ghəŋlo, ghe ka e maʼn dzə fom to, ghe ka fə̀ŋ ŋge gàʼ sùghò aleŋgee mʉa lʉ̀ mò. Ghe ki aletele fughuu ko tsʉ̂ è dzûŋ zò,

Dzɛ̂ms 3:10

Yia a nîi dzughu è mɔʼɔ̄ e te zo fughuu Kə̀zə̀ a te â zɔ̀ɔŋ kò, sùuwn sùghò àghì a te. Waazə̂ ghaŋa gho, e ki dzə yo aledòʼò êzə̀.

1 Pità 5:2

E baʼā nlò ndzì tìa Zə̀ kə fughu naŋā â ghɛ̀ enyəa ghɛ̀ è lɛnlo mò ghɛ̀ twə̀ən yo, mò ghɛ̀ kuuwn ki zǐi a te. Kà è kaa fwaʼa ko nlò alekele ko kə̀namso, e fwaʼā nduw nlò enyəa ghɛ̀ fwaʼà fwàʼ kə Kəzə̀.