1 Timotì 3:3 - To kə Kəzə̀ kə̀ Fughu ko

³ Ù ki dzə yo alemʉa kala kaaŋ lʉ̀ mò ŋkāa ŋgaam kə ghûw, ŋkāa bàa ŋgə̌a kaaŋ tsə̀ghà àghəa. Ù kî alelo zʉ̀ kə ghûw kò mò ghəa a zumso ghəəŋ nù, mò ù sə̌a sùghò yò â sə gho aŋ ghəa a ukua.

1 Timotì 3:3 Iomraidhean Croise

Matìo 21:13

Ù n dzɛ̀ â ghee enyəa, “Ghe tɔm naŋa am mwàʼsò kə Kəzə̀ enyəa Zə̀ kə̀ dzɛ̂ enyəa, ‘Ghe lô Ndughu zaŋā è ne kwo enyəa à lò ndùghù ègɔ̀ŋlo.’ Ghɛ̀ yia kuūwn nî naŋā tsughu enyəa, à lò seen kə ghì à tsɔŋɔ gho.”

Kə̀fwàʼ 20:33

Ŋ̀ kaām ndzʉ tə ghûw tə̀ mbaaŋ nì kòʼ, ŋkāa kua u ghûw.

Lumà 16:18

Ŋgòʼ è ghì a te gho fwaʼà dzə̀ yò â Mughùbè ù sɛ̀ Kə̀lestò, e ghee lò ko alekə̄ŋ buʼ kə unʉ̀ghà kə ghee. Ghe koʼò tsùghû ghì ghəla boo e ghee e lo mo e tɔ̂ʼ tì yo, ghe ni kɔʼ kpə̀ŋòkpə̀ŋ tə ushwaʼ tsèe ghee a te ghe n nəghaan sùghò ghe alo kənōm.

Efɛsùs 5:18

Ka nlò è mʉa kala sugho lʉ̀ mò, tɔŋlo enyəa lʉ̀ ŋ ghəəŋ nù ghùw ŋ ghə̂əŋ ghəa à kwu gho. E zəghaan tsughu nlò Zuʼ tə̀ Zɔlɔ to tə n dêe ndùw ghɛ̀ â dzì.

1 Tɛ̀sàlonìan 5:14

Ghàʼ buʼu wò kə̀ghu â ghɛ̀ a waazə̂ ghaʼa gho enyəa ghɛ̀ è kʉɛɛ̄n nduw ghî à lɛɛ gho, kùu dzə̀là ndùw fə̀ŋ tə ghì ghəla ghe ki yo fə̀ŋ tò. E fughuu nduw nlò yôso zò â ghì ghə̀là ghe ki yo nûŋ wò aleghə̂əŋ ghəa è li zo. E maʼn tsughuu nlò ghue zo ghɛ̀ a ghê ghì ghò a dzə̀m.

1 Timotì 3:8

An ndzîi è mɔ̀ʼɔ zən, ghî a li ghəla ghe kwu kele sugho dzeŋe kə ghì a Kəzə̀ gho ki alekaa tsughuu zə zo, bəən kə̂a sùghò yò ghəa gho, mʉa kala yo lʉ̀ mò, səa sùghò yò â sə gho aŋ ghəa a ukua.

2 Timotì 3:2

Ghî ghə̀ ke e bɔɔm kwo tsughu ko ghue e ghee zo, ghe e ŋge ki sə a ukʉ̄a gho, ghe e ke chwiilwii ghî ghò, ghaŋso kaaŋ sùghò èghue, ki dzughu à biigh gho, zuuw yo â ghê tsele, fughuu yo zɔ̀ɔŋ ko â ghì ghəla ghe yoso ghee, ghe ke e niī yo ghəa a Kəzə̀ ghò tò ghəa è li zo.

Taetùs 1:11

Ghù kì aleghəə̄ŋ tsughu enyəa ghe bughū naŋâ shwaʼ ù laʼsō u ghee u te wo, nu ghe saʼà màʼn kàâŋ ndughu tə aghì enyəa ghe ka kele dzə̀ êsəŋò. Ghe fɔ tə aghəa tən fɛ ghəəŋ kaaŋ ko ghe sô səā â sə gho aŋ ghəa a ukʉ̄a.

Taetùs 1:7

Nu e lo enyəa ghùw wəla ù lǒ tò kətuw an ndùghù è kə̀zə̀, fwàʼà â Zə̀ kò, kì alelō ghùw wəla ghùw yò alesɔ̀ʼ kəghu a zəŋò wə̄n enyəa ù mò ghə̌əŋ bonlo èghəa, mò ù kɔʼɔ nyaʼn sùghò yò an tuw u aghì, mò ù tɔ̌ɔ sùghò yò â nə̀ghà fò, ŋkāa mʉa kala sùghò yǒ lʉ̀ mò, ù è lo sugho ghùw wəla ù kəŋo sùghò yô tsû wò, ŋkāa səa sùghò yò â sə gho aŋ ghəa tə ukʉ̄a.

Taetùs 2:3

À lò sugho eghəla ghù ki alezoʼn nduw sugho noo tə ayìzən to enyəa ghe mughùu tsughu mughùu zəla e fughuu nduw kɔʼso mò â Zə̀ kò aŋ ghəa a ghee a dzə̀m ghəla ghe ghəŋlo, ghe ka e maʼn dzə fom to, ghe ka fə̀ŋ ŋge gàʼ sùghò aleŋgee mʉa lʉ̀ mò. Ghe ki aletele fughuu ko tsʉ̂ è dzûŋ zò,

Taetùs 3:2

E tsʉā nduw ghee enyəa ghe ka e kəaa boon dzə ghəa e ghûw zò, ghe ka e kəŋo sugho shwaʼ wo. Ghe e kuuwn maʼn tsughuu ghue zo aŋ ghəa ghee à ghəəŋ gho, dèe nduw mwam è dzûŋ zò â ghì ghò a dzə̀m.

Hibùlù 13:5

Kâ nlò fə̂ŋ tɛʼɛ to aŋghəa a ukʉa gaʼ, nǐi tsughu nlò enyəa fəgha kə̀là ghù wɛʼɛ ki kə m kpe â wə̄n; nu Zə̀ kə̀ dzɛ̂ tsughu enyəa, “Ŋ̀ kê bvʉ̀so màʼà kòʼ yò ghɛ, Ŋ̀ kê zə̀ghàa tàʼa kòʼ sùghò yò ghɛ.”

Dzɛ̂ms 4:1

À ghə̌əŋ tsə̀ghà kə̀ kwò enyəa ghɛ̀ è təma tsàm aŋ ghùe zɛʼɛ̄ à, zùghù sùghò a? À lò ləgha zəla ghɛ̀ ki am fʉgha u mbī u ghəŋlo enyəa ghɛ̀ e tema tsàm aŋ ghue zɛʼɛ.

1 Pità 5:2

E baʼā nlò ndzì tìa Zə̀ kə fughu naŋā â ghɛ̀ enyəa ghɛ̀ è lɛnlo mò ghɛ̀ twə̀ən yo, mò ghɛ̀ kuuwn ki zǐi a te. Kà è kaa fwaʼa ko nlò alekele ko kə̀namso, e fwaʼā nduw nlò enyəa ghɛ̀ fwaʼà fwàʼ kə Kəzə̀.

2 Pità 2:3

An səa ghee à səa gho, ghe lo e niī wo gha ghəla a fween səŋò zò alezə kua wɛʼɛ. Gha kə mô êzəŋ e sə aŋghəa Zə̀ kə̀ fə̀ kaʼ alebiāan naŋā ghəa kə ki alefɔeso ghee a te. Ghùw wəla ù lo fɔeso ghee bwii dzə̀ yo.

Dzûd 1:11

Utsû â ghee! Nu ghe nî kɔ̀ʼ aghəa an dzə̀ tə Kɛ̂ɛn; bòʼ ghe ŋgee ləghaa alekele ghu kə ebàm kò aŋ ghəa a ukʉa, ghe yia a nɔʼɔ̄ kaāŋ tsəgha aŋ ghəa a ghee à ghəəŋ gho tò aŋghəa Balàam fə̀ nɔʼ a te. Ghe yia a tughuu sugho â tuw ko tò Kolàh fə tughuu sugho â tuw ko ghèe ghee, ghe dzùuw màʼn sùghò ghe tò aŋghəa ghe fə̀ dzûu maʼa Kolàh a te.

Edêe Fughu 1:9

Ǹ lo Dzɔ̌n wàazə̀ wɛʼɛ, yìa M̀ boo fughu â Yɛso. Mùghò ŋ ghɛ̀ təmdzəə̄ŋ wò aŋ ŋgoʼ zəla ghɛ̀ zuūw àsùghò an zə zəla ghɛ̀ ka tsughu aŋghəa sɛ̀ lô am fɔ̀e ù Kəzə̀. Ghe mò mugho kwu naŋa nû an nàʼà fə dzughù fə̀ li fo, ghe tɔŋlo enyəa alò Patmòs bòʼ mùghò mò kəaa shwaʼ u Kəzə̀, dzàa êsəŋò zəla Yɛso fə̀ dzɛ̂ naŋā.