1 Timotì 3:2 - To kə Kəzə̀ kə̀ Fughu ko

² Tsoʼ an dzeŋe kə ghì a Kəzə̀ kì alelo ghùw wəla mughù e wə̄n e zɔlɔ̄, mò ù kì ko wi u mɔ̀ʼ, mò ù kì sugho bughuun kə dzə̂, naŋso tsughu sùghò ghuw kə ebwìi ke wə̄n, mò ghəa a ghəə̄ŋ ko an ulwàŋ — ù e ki sugho zǐi alezoʼnlo aghî an shwaʼ u Kəzə̀, kwo sugho alekpeēnî aghì abugho ghe bwîin nduẁ alo wə̄n an ndughu.

1 Timotì 3:2 Iomraidhean Croise

Lûk 1:6

Ghe m mughu tsəgha an làŋ kə Kəzə̀, lò tsəghatsəgha an sə kə Kəzə̀.

Lûk 2:36

Wìzən ù ùshʉ̀gha ù lì n lo fughu ghe fə̀ tɔŋlo enyəa à lò Anà, wɛ ù Fanwɛ̀l, ghùw ù Ashà. À fə̀ tso lo noo kə yîzən, num fə̀ kpuw naŋā taʼà to mo ghe nî nàŋa ko eghue alo tənùu sə̀ghàmbəgha.

Lumà 12:13

E teen nduw nlò fʉgha wɛʼɛ wo ghɛ̀ à ghê ghì a Kəzə̀ ghɛʼɛ ghəla ghe ki yo. Ghɛ̀ naŋa tsughu ndughu tɛʼɛ to tughō â ghì ghəla ghe bwîin wo alo ghɛ̀.

Fèlepìan 2:15

tò ghɛ̀ lo e zɔlɔ, ki sugho yo dzʉ wo, lò wɛ a Kəzə̀ ghəla ghe nɔʼɔ̄ yo aŋ ghəa è li zo mo ghe mughu dzəŋlo am mbī ghèe ghê ghì a biigh gho àsùghò ghì a kəfwə̀s ghò. Ghɛ̀ è tughu tǒ tsə̀ â ghì ghò am mbī.

1 Timotì 3:12

Ghùw wəla ù yòsò ghî gho an dzeŋe kə ghì a Kəzə̀ ki aletele ki ko wi u mɔ̀ʼ; ghùw ù te ŋ ki aletɔ̀ʼɔ̀ kwuū kele sughò wɛ a wə̄n aŋ ghu kə̀ dzûŋ kò àsùghò ghì à li yì à dzə̀m ghe mughu alô wə̄n an ndughu.

1 Timotì 3:8

An ndzîi è mɔ̀ʼɔ zən, ghî a li ghəla ghe kwu kele sugho dzeŋe kə ghì a Kəzə̀ gho ki alekaa tsughuu zə zo, bəən kə̂a sùghò yò ghəa gho, mʉa kala yo lʉ̀ mò, səa sùghò yò â sə gho aŋ ghəa a ukua.

1 Timotì 4:3

Ghî ghən tsʉ̂a wò àghì enyəa ghue è niī e dzɔ̂ɔ yò, àsùghò enyəa ghî ghə e ka zəa fʉghàzəa ù lī wo, kuuwn zəa ù lī wo. Ufʉghàzəa mò à fùghù wò Kə̀zə̀ enyəa ghî ghə̀ e zəa, mo ghe m fùghù tsùghù dzə zɔ̀ɔŋ kò a te alo egɔ̀ŋlo, ghî ghəla ghe boō fughu â Zə̀ kò mo ghe m bùghò kèle sùghò səŋò zò aŋ ghəa a te gho.

1 Timotì 5:10

Mo ghe ŋge kwo sugho wə̄n am fwàʼ kə wə̄n kə̀ dzûŋ kò, tò alenìi səā kɔʼɔ̄ wô wɛ a wə̄n, àsùghò aledè mwam ù dzûŋ wò â ghì ghəla ghe bwîin nyə wo alô wə̄n. Mò ù fwàʼà sùghò fwàʼ kə̀ dzûŋ kò a zəŋò ghì a Kəzə̀ ghò; fughuu sùghò èyòsò â ghì ghəla ghe lo an utsù.

1 Timotì 5:22

Kà è tsoʼn dzə â ghue wo aletsuʼu naŋā kɔʼ ghùw enyəa ù e fwaʼā fwàʼ kə Kəzə̀ kò. Kà è nyəso ghu ko aŋ ghəa à biigh ghəla ghî à li a ghəə̄ŋ kaŋlo. E dəma tsughu ko alezɔlɔ aŋ ghəa ghə̂a à ghəəŋ gho.

1 Timotì 5:9

Ghe ki aletɔɔ nyəa tsughu ko zən e wîikpuw zo am mwàʼsò kə yiikpuw mò ù ŋ kɔʼ kpe ghə̀m n tə̀nūu mǒ tǔu; àsùghò abugho à lǒ mò ù fə̀ noo ni koʼ ko num u mɔ̀ʼ:

2 Timotì 2:24

Ghùw ù kəfwàʼ u Mughu ù te ki yo aledòʼò ghùw wəla ù kəŋo shwaʼ wo; ù lǎam ki alelo ghùw wəla ki mwam ù dzûŋ wò a zəŋò ghì ghò a dzə̀m, lò sugho wàdè ù dzùŋ wəla ù kaā tsughu zə zo.

Taetùs 2:2

E zoʼn nduw noo tə ayînû tò enyəa ghe e nyoʼn lo, ghe ki alemughu mughùu zə ŋkɔʼso zo, àsùghò enyəa ghe kele tsughu alekɔɔn tsughuu ghue e ghee zo. Ghe ki aletɔ̀ʼɔ̀ boō fughuu tsughu â Zə̀ kò, ghe e kum ki ləgha zo aŋ ghùe e ghee, àsùghò enyəa, mò à sə̌a kô kwò, ghe e kɔɔn tsughu ko fə̂ŋ tò am boo e ghee a zəŋò Yɛso Kə̀lestò.

Hibùlù 13:2

Waazə̂ ghò, e kpeeniī kɔʼɔ nlò ghî ghila ghe bwîin wo alo ghɛ̀, ghî à li mafə êzə ghəŋlo ndùw kpènì kɔ̌ʼ tsə̀təndə̄ghā tə Kəzə̀ mo ghe kwo yo.

Hibùlù 3:14

Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.

1 Pità 4:7

Nəgha e fɛ êzəŋ e kpee wò nù â ghəa gho a dzə̀m alebùghò mîaa. E fi lo enyəa ghɛ̀ tee kɔʼ nlò alo efwee, ghɛ̀ naŋso tsughu ghuw kə ebwìi kɛʼɛ ko, tò ghɛ̀ è ki sə̂ŋ zò alegɔ̀ŋlò.

1 Pità 4:9

Kà nlò e səmlo alenaŋâ ndughu tɛʼɛ̄ tughoo â ghì ghəla ghe bùghò a vʉ̀a ghɛ̀.

1 Pità 5:8

Nì nlò ghôm zò, ghɛ̀ tiso kɔʼ tuw ko edzūŋ! Nu ghùwkə̀tuw wɛʼɛ, tɔɔŋ Satàn kǔuw kaaŋ nù tò bəgha kə tɔɔn ko, kə kəŋo ghùw alekwuū pfʉ.