1 Timotì 3:1 - To kə Kəzə̀ kə̀ Fughu ko

¹ À lò nu êsəŋò enyəa abugho ghùw kəŋo aledòʼò tsoʼ è tùghù an dzeŋe kə ghì a Kəzə̀, ù fi kəŋò alefwaʼā fwàʼ kə̀ dzûŋ kò.

1 Timotì 3:1 Iomraidhean Croise

Lûk 15:10

M̀ fɛ dzàa wò nù â ghɛ̀ enyəa à bɔ̌ɔm lò sugho êzə̀ Tsə̀təndə̄ghā tə Kəzə̀ tə̀ duʼnlo abugho ghùw ù bǐigh u mɔ̀ʼ ti kuūwn kɔʼ am bòo tə wə̄n.”

Kə̀fwàʼ 1:20

Zən fə̀ ènyə lǒ mbuu ghe tɔm naŋā am mwàʼsò kə tə Ndzàŋ enyəa, ‘Luʼū kə wə̄n kə̀ mughūuŋ kə doʼò tsughu kə̀ zum ko, ghùw è tso buw alemùghùu a te.’ Àsùghò enyəa, ‘To ghùw ù nùghù mò nîi nughù kɔʼɔ̄ sughò luʼū kə wə̄n kə̀ fwaʼa ko.’

Kə̀fwàʼ 20:28

Nǐ nlò ghôom zò aŋ ghùe zɛʼɛ̄ àsùghò a zəŋò ghì ghəla Zuʼ tə̀ Zɔlɔ tə fughu naŋā enyəa ghɛ̀ è lɛnlo. Ghɛ̀ è lɛɛn sugho â dzeŋe kə ghì a Kəzə̀ zəla ù fə̀ zue sə wo aŋ kàŋ tə wɛ̀ ù wə̄n.

Lumà 11:13

Ŋ̀ ghəa ghən fɛ êzəŋ kə̂aa wò â ghɛ̀ a Toʼò zò, aŋghəa à naām lô dzə̂ mugho ghùw wəla ghe tum wo enyəa ù bùghò naʼà làbəlà è Kə̀zə̀ zən â ghɛ̀. Ǹ nî tsùghù enyəa fwàʼ kə̀là Zə̀ kə̀ fughu â mùghò lô fwàʼ səŋò kò.

Efɛsùs 4:12

Zən fə̀ lo alefughu udwaʼa â ghì a Kəzə̀ ghò alefwàʼ fwàʼ kə Kəzə̀ kò àsùghò aletughuso tsughu ghî à Kəzə̀ ghe sô lô gwən e ughùe e Kə̀lestò zò.

Fèlepìan 1:1

À mwàʼsò kən kə tɔm wò mùghò ghàʼ à Timotì, ghàʼ lo ghî a kəfwàʼ a Kə̀lestò Yɛso. Ghàʼ mwàʼsò kən kə tɔɔ wò â ghɛ̀ ghî a Kəzə̀ yi ghɛ̀ lo fi an naʼ e Felèpîi, â ghɛ̀ ghəla ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso, àsùghò â tsoʼ tə dzeŋe kə ghì a Kəzə̀ to ghèe ghê ghì ghəla ghe fughuu ghɛ â yòsò zò..

1 Tɛ̀sàlonìan 5:14

Ghàʼ buʼu wò kə̀ghu â ghɛ̀ a waazə̂ ghaʼa gho enyəa ghɛ̀ è kʉɛɛ̄n nduw ghî à lɛɛ gho, kùu dzə̀là ndùw fə̀ŋ tə ghì ghəla ghe ki yo fə̀ŋ tò. E fughuu nduw nlò yôso zò â ghì ghə̀là ghe ki yo nûŋ wò aleghə̂əŋ ghəa è li zo. E maʼn tsughuu nlò ghue zo ghɛ̀ a ghê ghì ghò a dzə̀m.

1 Timotì 1:15

Shwaʼ wən wo enyəa, “Kə̀lestò Yɛso fə̀ fɛ am mbī bugho alebəghaasə ghî à biigh gho.” Shwa u t e u lo êsəŋò ghùw vʉ̀a ù lo aleboō fughu a te. Yìa M̀ fɛ̂ɛn tsəgha ghe a dzə̀m.

1 Timotì 4:9

Shwaʼ wən u lo êsəŋò, vʉa u kûum kpe sugho aleboō fughu a te.

2 Timotì 2:11

À lò nû shwaʼ u səŋò wo enyəa, “Abugho e lo enyəa sɛ̀ m kpuw sɛ̀ â ghee, à fi lo enyəa sɛ̀ lo mughùun sùghò nu sɛ̀ à ghee.”

Taetùs 1:7

Nu e lo enyəa ghùw wəla ù lǒ tò kətuw an ndùghù è kə̀zə̀, fwàʼà â Zə̀ kò, kì alelō ghùw wəla ghùw yò alesɔ̀ʼ kəghu a zəŋò wə̄n enyəa ù mò ghə̌əŋ bonlo èghəa, mò ù kɔʼɔ nyaʼn sùghò yò an tuw u aghì, mò ù tɔ̌ɔ sùghò yò â nə̀ghà fò, ŋkāa mʉa kala sùghò yǒ lʉ̀ mò, ù è lo sugho ghùw wəla ù kəŋo sùghò yô tsû wò, ŋkāa səa sùghò yò â sə gho aŋ ghəa tə ukʉ̄a.

Taetùs 3:8

Ghəa ghə̀là Ŋ̀ kə̂a wô fɛ â ghù kùm lǒ èsəŋò. Ǹ ləghaa enyəa ghù è tughusō dzaā kweēn nduw ko ghəa ghən gho â ghee, to ghî ghəla ghe boo fughu tsughu â Zə̀ kò è ke tɔʼ lo alegaʼa tsughu fə̀ŋ aleghəəŋ ghəa à dzûŋ ghò. Ghəa a te a dzɔ̂ bùʼ nù yòsò sùghò â ghì ghə̀n à dzə̀m.

Hibùlù 12:15

Də̀ma tsughu nlò enyəa e kwo ghùw wɛʼɛ u mɔ̀ʼ lo bvʉ̂a səā mò ù kà kèle dzɔ̂ e Kəzə̀ zò. E kwo ko ghùw wɛʼɛ u mɔ̀ʼ lò doʼn tsughu nâŋ kə biigh ko am bvʉa zɛʼɛ, kəla kə lo aleghəŋlo unwâŋ u dzə̀m fîaa.

1 Pità 2:25

Tɔŋlo enyəa ghɛ̌ fə̀ lo tsəgha tò təndzì, tə laʼà bwîi, zə e lo ezəŋ enyəa ghɛ̀ ŋ kòom bùghò nyə ebàm an ghu kə bàʼàtə̀ndzì, tɔɔŋ ghùw wəla ù lɛnlo â mughù zɛʼɛ zo.

1 Pità 4:15

E kwo ko ghùw wɛʼɛ ù lì lò so e fanlo enyea e lo gbǒoghùw, ŋkāa tǒ ghùwtsɔ̀ŋɔ, ŋkāa tǒ ghùw wəla ù ghəə̄ŋ ghəa à biigh gho, ŋkāa wəla ù də̀ma alenyəso kaaŋ ghu ko aŋ ghəa a aghì.

1 Pità 5:2

E baʼā nlò ndzì tìa Zə̀ kə fughu naŋā â ghɛ̀ enyəa ghɛ̀ è lɛnlo mò ghɛ̀ twə̀ən yo, mò ghɛ̀ kuuwn ki zǐi a te. Kà è kaa fwaʼa ko nlò alekele ko kə̀namso, e fwaʼā nduw nlò enyəa ghɛ̀ fwaʼà fwàʼ kə Kəzə̀.